Matiu 10:15 - Kamano

¹⁵ Tamage hu'na neramasmue, Anumzamo'ma keagama refako huzupa, Sodomune, Gomora kumate korapa hu'neazana, agatereno ranknaza erigahie.

Anumzamofo Routage Avantafere

¹⁵ Tamage hu'na neramasmue, Anumzamo'ma keagama refako hu knazupa, Sodomune, Gomora kumate korapa hu'neazana, agatereno ranknaza erigahie.

Matiu 10:15 Iomraidhean Croise

Matiu 12:36

Hianagi Nagra amanage hu'na nermasmue, Anumzamo'ma vahe'ma refakoma huknarera, miko'a havigema nehaza kere, tamagenoka huzmante'gahie.

Matiu 5:18

Nagra tamagerafa hu'na neramasmue, monane mopane vga'oreno me'nena, mago onensa avoma kasegefi me'nea zamo'a vgaore me'nenkeno, hakare zamo'a efore hugahie.

Matiu 7:22

Ana knazupa rama'amo'za anage hu'za Nagrikura hugahaze. Ra Anumzane, Ra Anumzane, Kagri kagifina mono nanekea hu'none, Kagri kagifina havi hankrora hunenteta, kaguvaza (mirakol) hu'nonane hanagena,

Maki 6:11

Mago kumate nevanage'za oramavrege, naneketimi ontahisagetma zamatreta nevuta, tmagareti kugusopa ru popo hunetretma vinke'za, anazama hanaza zamo'a hazenkefi mani'naze huno zmaveri hino.

Joni 12:48

Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vgare knare, henka'a refko huntegahie.

Joni 6:39

Anumzamo hunantege'na Nagra e'nomofo avesira anahu hu'ne! Nagri'ma maka vahe'ma nami'nefintira mago'moe huno fnane osugahie, hagina vgare knarera zamazeri otigahue.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

Aposol 17:31

Na'ankure ama mopama Agrama refako hania kna, agra'a fatgo avu'ava zampi ko huhampri tegeno me'ne. Mago ne' huhampri ante'neana miko vahera amate huzameri huno fri'nefinti azeri oti'ne.

1 Korinti 3:13

magoke magokemofona eri'zama'amo'a eama hugahie. Refkoma hania knarera tevereti kreno eri'zama'amofona nena'a eriama hugahie. Na'ankure magoke magokemo e'neria eri'zamofo hanave'a, tevenu kreno eriama huno kegahie.

1 Tesalonaika 5:4

Hianagi tamagra nenafugate, hanimpina omninazankino, ana knamo'a kumazafa vahe'mo'za hanimpi azanknara hanigeta antri osugahaze.

Hibru 10:25

Jisasi'ma esia knamo'a kofta nehigu, mago'amo'zama magopima atruma hu'zama netrazaza huta, magopima atruma hu'zana otresune. Tamagra antahinaze, Kraisi'ma esiakna hago kofta nehigu, ozeri hanaveti azeri hanaveti hanune.

2 Pita 2:6

Hagi anahukna huno Agrama Sodom Komora vahe'ma tevereti'ma zmahe fanane hige'za, tanefa'ma samprenazazamo'a, mago avame'za me'neno hutaveri huno, Anumzamofo avu'avama osnaza vahera zmahe fanane hugahie huno nehie. (Jen-Agf 19:24)

2 Pita 2:9

Hankino e'i Anumzamofo fatgo avu'avama nehaza vahema, zamagu'mavazi'nea kankamuna antahineankino, hazenke zampintira zmagu nevazino, havi zmavu'zmavama hanaza vahe'mo'za menintetira knazampi manime vu'za, vahe'ma refkoma huzmante knarera uhnatigahaze.

2 Pita 3:7

Hianagi ama mopane monane henkama refkoma hanianknarera Agra tevenuti kre fanane hugahue, huno kea huntegeno me'ne. Hagi Anumzamofo avu'avama nosaza vahe'enena zmahe fnanene hugahie.

1 Joni 4:17

Ana avesizamo'ma fatgo huno tagranema mesigeta, refkoma hania knarera, hanavetita otigahune. Na'ankure ama mopafi mani'nonanagi, Jisasikna huta fatgo huta mani'nonkeno'e.

Juti 1:6

Hagi Anumzamoma ankero vahekuma huno, e'i avamente maniho huzmantege'za ana kemofo agorga'a omanizageno, katuofe kina rezamanteno hanizampi kina huzamantege'za mni'neza, henkama ranknarema refakoma hania knama esigu avega ante'za mani'naze.

Juti 1:7

Hagi tamagera okaniho, Sodomu rankumate'ma, Gomora rankumate'ma, ana tava'ontema me'nea kuma tamimpima monko avu'avazama hu antahintahimo avitege'za, omane'nea kna monko'za hu'naze. E'i ana kumatamina tevereti zamahe fanane hu'neankino, e'i ana hukna hu'za kefo'zama nehaza vahera, henka'a tevava tevefi mni'ne'za zamata erigahaze. (Jen-Agf 19)