Luku 9:5 - Kamano

⁵ Inaregama vanagenoma vahe'mo'za ontamaresnageta, ana kumateti atreta vukuma hanuta, tmagiareti kugusopa rupopo hunetretma vinkeno, ana avu'avazama hanaza zamo'a hazenkefi manize hugahie.

Anumzamofo Routage Avantafere

⁵ Inaregama vanagenoma vahe'mo'za ontamaresnageta, ana kumateti atreta vukuma hanuta, tamagiareti kugusopa rupopo hunetretma vinkeno, ana avu'avazama hanaza zamo'a hazenkefi manize hugahie.

Luku 9:5 Iomraidhean Croise

Matiu 10:18

Ana nehu'za mago'ene tamavre'za Gavanane, kini vahetaminte vugahaze. Na'ankure tamagra Nagri namage'nentaza nagare. Hagi Nagri nanekea Jiu vahera nezmasamita, megi'a vahera anahu hutma zamasmiho.

Maki 6:11

Mago kumate nevanage'za oramavrege, naneketimi ontahisagetma zamatreta nevuta, tmagareti kugusopa ru popo hunetretma vinke'za, anazama hanaza zamo'a hazenkefi mani'naze huno zmaveri hino.

Maki 9:37

Iza'o amanahu'kna osi mofavre, Nagri nagifi avreno azeri so'e huntesimo'a, Nagri navareno nazeri so'e hunantegahie. Iza'o Nagri'ma nevareno nazeri so'e hunante'nimo'a, Nagrike navreno nazeri so'e osugahianki, Nenfa hunantege'na e'nomofo avreno azeri so'e huntegahie.

Luku 10:16

Anante Jisasi'a disaipol nagakura anage huno zmasamine, Iza'o tamagri kema antahi tamamisamo'za, Nagri ke antahi namigahaze. Iza'o tamagrima tmatresamo'za Nagri natregahaze. Hagi Nagrima natresimo'a hunantege'na e'nomofo atregahie.

Luku 5:14

Anante Agra ana ne'ku hunteno, vahera ozamasmio. Hianagi kagra Prisi nete vunka, kagraka'a ome averinka Mosesima huneagante, ofa erinka ome hugeno, fugo namumo'a hago vgare hu'za vahemoza kageho.

Luku 9:4

Mago kumate'ma vutma mago nompima umrerinutma, ana nonte manineta, atreta vunakuma hanutma, atretma rankumara viho.

Luku 9:48

anage huno zmasami'ne, Iza'o ama mofavrema Nagri Nagifi avreno azeri so'ema huntesimo'a, Nagri navreno nazeri so'e hunantegahie. Iza'o Nagrima naveresimo'a, hunantegena e'nomofo avaregahie. Na'ankure iza'o amuno tamifi anteramino manisimo'a, maka'motma tmagatereno ra vahe manigahie.

Aposol 13:51

Zanahe anatizageke, zanagiareti kugusopa rupopo hutra'azamo'a, huzmerino e'izama hazazamo'a knare osiaza hazankino knazamo'a tmagripi megahie nehuke, Ikoniamu atreke vu'na'e.

Aposol 18:6

Ana nehigezama ha'ma rente'za krunagema huntaza vahera anakre ku'a (saket) zafino kugusopa rupopo nehuno anage huno zamasmi'ne, tamagri kora kumimo'a tamagritami tamasenire megahie! Nagripina mago knazani'a omane'tfa hugahie. Amareti agafa huno vaniana, Jiu vahe'rompage megi'a vahete vugahue.