Luku 7:6 - Kamano

⁶ Jisasi'a magoka zamagrane vuno, no tva'onte uravao nehigeno, ana sondia kva ne'mo rone'amokizimi huzmantege'za Jisasinte vu'za, huzmante'nea kea ome asami'naze. Ramoka nagri nontegama ezankura amuho osuo. Na'ankure nagri nontega kagrama e'arera knarera osu'noe. E'ina hu'nogu, Kagrite'ma esuana knare osu'noe.

Anumzamofo Routage Avantafere

⁶ Jisasi'a magoka zamagrane vuno, nontava'onte uravao nehigeno, ana sondia kva ne'mo'a rone'amokizimi huzmantege'za Jisasinte vu'za, huzmante'nea kea ome asami'naze. Ramoka nagri nontegama ezankura amuho osuo. Na'ankure nagri nontega kagrama e'arera knarera osu'noe. E'ina hu'nogu, Kagrite'ma esuana knare osu'noe.

Luku 7:6 Iomraidhean Croise

Jenesis 32:10

Nagra knare osu vahe mani'nogenka ksuntaginantenka, kavesi nenantenka, antahinaminka Kagra eri'za vahekamo'na naveri'nane, nagra magoke azompa eri'nena Jordani tina tkahena vu'noe. Hanki menia nagra tare kevu eri hu'na neoe.

Proveps-Knare Nomaniza 29:23

Zamavufga eri antesga hu vahe'mo'za evuramigahaze. Hianagi zamavufgama anteramiza mani vahe'mo'za, ra zamagi erigahaze.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Matiu 3:11

Nagra amne tinteti mono tina fre nermantoe, tmagu'a rukrahe hnazegu, hianagi Agra henkama ne-emo'a nagrira nagtereno hihamu'ane ne' egahie, higena nagra Agri aganona (sendol) erizafiga osu'noe. Ruotge Avamupine, tevenu'ene Agra mono tina fre tmante'gahie.

Maki 5:24

Jisasi'a agrane nevigeno tusi'a vahe krerfamo'za otufe atufe hu'za vu'naze.

Luku 5:8

Hianagi Saimon Pita'a negeno'a, Jisasi agafi renareno anage hu'ne, Ramoka nagri navatetira ogantua vuo. Na'ankure nagra kumimo avite'nea ne'tfa mani'noe!

Luku 7:4

Zamagrama Jisasinte enehnati'za amanage hu'za hanaveti'za antahige'naze. Ana sondia kva nera knare'za nehia ne'kinka, Kagra amne aza hugahane.

Luku 7:5

Na'ankure agra tagrikura avesineranteno, osi mono nontinena ki'ne.

Luku 7:7

E'ina hu'nogu, Kagrite'ma esuana knare osu'noe. Hianagi eri'za vahe'nimofo magoke ke hugeno kri'amo'a amne hunteno.

Luku 8:49

Jisasi anagema nehigeno, mago ne'mo osi mono nomofo kava ne' Jairus nontegati eno, anage huno eme asami'ne. Mofa kamo'a fri'neanki mago'anena, Rempima hurami nera kna omio.

Aposol 10:38

Tamagra ko antahi'naze Nazareti Jisasina inankna huno Anumzamo'a Ruotge Avamuteti'ene hanave areti'ene huhamprinte'ne. Ana higeno Jisasi'a vano huno knare hunezmanteno, Sata'ma knama nezmia vahera zamazeri so'e huzmante'ne, na'ankure Anumzamo'a Agrane mani'negeno ana hu'ne.

Jemisi 4:10

Anumzamofo avurera tamagra tamavufga anteraminkeno, Agra tamazeri sga hino.

Jemisi 4:6

Hu'neanagi agra razampi asuraginerante, e'ina agafare avontafe'mo'a anage hu'ne, Anumzamo'a zamufga antemareriza vahe ha'renezmanteno, zamufga anteneramiza vahera asuraginezmante.