Luku 7:37 - Kamano

³⁷ Anante ana kumateti mago kumi a'mo, Farisi ne'mofo nompi Jisasima nezama nene kema nentahino, mago mananentake masave aravasta have tafempi me'negeno erino eno,

Anumzamofo Routage Avantafere

³⁷ Anante ana kumateti mago kumi a'mo'a, Farisi ne'mofo nompi Jisasima nezama nene nehazankema nentahino, mago mananentake masave aravasta have tafempi me'negeno erino eno,

Luku 7:37 Iomraidhean Croise

Matiu 21:31

Taremokiznifintira inamo nefa avesizana avaririne? Zamagra hu'za Pusante'mo'e, hzageno Jisasi anage huno, Nagra tamage neramasmue, zgoma vahepinti zonegiza vahe'ene, monkote'ma nehaza vahe'mo'za tmagrira tmagatere'za Anumzamofo kumapina vugahaze.

Luku 18:13

Hianagi takisi zgoma e'neria ne'mo ogantu otino manino monafinka kesga huno nonkeno, kepri huno amimizare amasagino amanage hu'ne. Kumike vahe mni'noanki Anumzamoka kasuntaginanto huno hu'ne!

Luku 19:7

Ana'ma hige'za maka vahe'mo'za nege'za, ke hakare hunte'za, kumi vahe'mofo nompina nantura antenente hu'naze.

Luku 5:30

Farisi vahe'ene, kasegere ugagota hu'naza vahe'mo'za, Jisasi amage nentaza disaipol nagara kanunkanu hu'za ke ha' rezmante'za anage hu'naze, na'ahigetma tamagra kave ene, tinena takisi zagoma eneriza naga'ene, kumike naga'enena nenaze?

Luku 5:32

Nagra fatgo vahera zamagi hukura ome'noe, hagi kumi vahe'moza zamagu'a rukrehe hihogu e'noe.

Luku 7:34

Vahe'mofo Mofavremo eno ne'zane tine nenegetma, tamagra hutma, keho ne'za nevava nehuno, waini ti neneno, takesi zago eneriza vahe ene kumi vahe'ene raru huno nemanie nehaze!

Luku 7:36

Mago Farisi ne'mo, Jisasi ne'za agrane ome nesniegu agi higeno vu'ne. Farisi ne'mofo noma'afi ne'zane trate aza tununte anteno mni'ne.

Joni 11:2

Maria Ramofo mananentake masavenu agare frenteteno, anu azokateti ana aga eri ho'mu hu'nea a'mofo nesaro kria eri'ne.

Joni 9:24

Ete mago'ene, ko'ma avu asuhu'nea ne' agi hu'za asmi'naze, Anumzamofo avure tamage hunka huo, kavu eri hari hu'nea nera, kumi ne' mani'negeta tagra antahi'none.

Joni 9:31

Tagra antahi'none, kumi vahera Anumzamo'a antahi'nomie, hianagi iza'o mono hunenteno Agri amage' ante fatgohani'mofona, Anumzamo antahiamigahie.

Romu 5:8

Hianagi Anumzamo'a tusiza huno avesirantenea zama eriama hu'neana, kumi vahe mani'nonkeno Kraisina huntegeno, tagri kumiku huno efri'ne.

1 Timoti 1:15

Ama'i tamage nanekegino, hakare'a vahe'mo'za zamentinti hugahaze. Na'ankure Krais Jisasi'a kefoza nehaza vahe zamahokehesigu ama mopafina erami'ne. Ana agu'afina nagra zamagtere'na hakare vahera kefo'zana hu'noe.

1 Timoti 1:9

Hagi tagranena antahi'none kasegema tmi'neana fatgozama nehaza vahe'mokizmigure huno ozami'ne, Hagi kasegema ovariri'za ha'nentake nehu'za, Anumzamofo avu'ava nosu'za kumi' nehaza vahe'ene mani otage osu'za, otage huno mani'zanku huhavi'za nehu'za, nezmafano nezamrerano zamahe nefri'za, vahe zamahe nefri'za,

1 Pita 4:18

Anumzamofo avontafemo'a anage hu'ne, fatgo vahe zmaguma'vazizamo'ma amuhoma hanigeno'a, Anumzamofoma atrezama kumima nehaza vahetera, inanknaza fore hugahie? (Pro-Knr 11:31)