Luku 6:38 - Kamano

³⁸ Vahe'ma kagrama zaminankeno'a kagri'enena anazanke huno negamino, knare'za huno rentrako traku huno kamina, aviteno herafiramino evugahie. Na'ankure kagrama vahe'ma zamisana avamente, kagri enena anazanke huno kamigahie.

Anumzamofo Routage Avantafere

³⁸ Vahe'ma tamagrama zaminageno'a tamagri'enena anazanke huno Anumzamo'a neramino, knare'za huno rentrako traku huno tamamina, aviteno herafiramino evugahie. Na'ankure tamagrama vahe'ma zamisnaza avamente, tamagri'enena anazanke huno tamigahie.

Luku 6:38 Iomraidhean Croise

Proveps-Knare Nomaniza 10:22

Ra Anumzamo zamazeri feno vahe nesea asomumo'a, asunkuzana eri ozamigosie.

Proveps-Knare Nomaniza 19:17

Iza'o amunte omane vahe'ma knare avu'avama hunentemo'a, Ra Anumzamofo anara hunente. Hagi agrama hania avu'avamofo avamente, mizana amigahie.

Proveps-Knare Nomaniza 22:9

Iza'o zamunte'ma omane nagama muse zampintima ne'zama amisia vahera, Ra Anumzamo'a asomu huzamantegahie.

Matiu 10:42

Hagi azago zasi tintafama taginka namage'ma nentaza nagapinti mago agima omane'nesi mofoma amisamoka tamagerafa hunka mizanka'a erigahane.

Matiu 7:2

Na'ankure rumofoma refako huntesante, ana avamente Anumzamo'a kagrira refako hugantegahie. Kagrama rumofoma refakoma hanana avamente, anazanke huno kagrira refako hugantegahie.

Maki 4:24

Mago'ane anage huno zamasmi'ne, kema nentahizana antahi so'e hiho. Tamagrama amisaza avamente, ana avamente tamagrira neramamino, mago'ane agofetu huno tamamigahie.

Luku 6:30

Mago'a zanku kantahi'gesagenka zami'nenana vahe'mokizmia, ete ome hanavege huzmantenka e'orio.

Jemisi 2:13

Na'ankure vaheku'ma kasunku huozmante vahe'moka, Anumzamo'a asunkura huogantegosie. Hianagi kagrama vahe'mofoma kasumantagintesanana, Anumzamo'a kagri'enena asuragigante'na vahe'ma refko huknarera, keaga hugante kemofona agateregahane.