Luku 4:18 - Kamano

¹⁸ Ramofo avamumo nagrane emanine. Na'ankure agra huhampri nanteno, zamunte omane vahepi knare musenkea huama huo huno hunante'ne. Agra hunanteno huama hugeno, kinafi maninesaza vahemo'za katufe'za nevnageno, zamu suhu vahemo'za negesageno, vahemo'za zmazeri haviza nehanaza nagamoza fru hu'za nemnisagena,

Anumzamofo Routage Avantafere

¹⁸ Ramofo avamumo Nagrane emani'ne. Na'ankure agra huhampri nanteno, zamunte omane vahepi Knare Musenkea huama huo huno hunante'ne. Agra hunanteno huama hugeno, kinafi mani'nesaza vahe'mo'za katufe'za nevnageno, zamu suhu vahe'mo'za negesageno, vahe'mo'za zamazeri haviza nehanaza nagamoza fru hu'za nemanisagena,

Luku 4:18 Iomraidhean Croise

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Matiu 11:5

avu suhu vahe'mo'za kazageno, zmaga havizahu vahe'mo'za kana vazageno, fugo namuzmare'nea vahe'mo'za knare hazageno, zamagesa ankanire vahe'mo'za antahi'zageno, fri vahe'mo'za otizageno, zamunte omane vahe'mo'za knare muse ke antahi'naze.

Matiu 12:18

Keho Nagri eri'za vaheni'a huhamapri ante'noana, Nagra navesi nentogeno nagu'amo muse agrikura nehie. Nagra avamu ni'a agripi ante'sugeno, agra fatgo zamofona huama megi'a vahete hugahie.

Matiu 12:20

Hakea erifu otagigahie, tevemo'a tegege vazigahianagi tesura osanigeno, agra fatgo'zamo agateregahie.

Matiu 4:16

hanizampi nemniza vahe'mo'za tusi'a msaza ke'naze. Hagi ana mopafi nemni'za fri'zamofo tonapi mni'naza vahera, zamagri zmagofetura msazamo remsa hu'ne. (Aisa 9:1-2)

Matiu 5:3

Zamufama anterami'za avamupima manisaza vahe'mo'za, Anumzamofo asomura erigahaze. Na'ankure mona kumara zamagri kumare.

Luku 4:17

Kasnampa ne' Aisaia avontafe eri'za eme nemigeno, eri vakanereno, hakreno amanage huno kre'nea ke hampri'ne,

Luku 6:20

Jisasi'a amage'ma nentaza disaipol naga'a zamufi nezmageno, amanage huno zmasami'ne. Tamamunte omane vahe'mota muse hiho. Na'ankure Anumzamofo Kumara tamagrire.

Luku 7:22

Ana huteno anage huno kenona zanirera, znasami'ne, vuta nazano negeta nentahita ha'azana Jonina ome asami'o, zamavu asu hu'nea vahe'mo'za hari nehazageno, zmagia haviza hu'namo'za zmagia refatgo nehazageno, fogu kri erinaza vahera neganamrazageno, zmagesa ankanire vahe'mo'za nentahizageno, fri vahe'mo'za onetizageno, zamunte omne vahe'pina knare musenkea huama nehie.

Joni 1:41

Hagi Endru'a, Jisasi keteno pusante Endru'a nefu Saimoni keno, amanage huno asmi'ne, Tagra hago Mesaiana hakreta erifore hu'none. (E'i ana agima eri rukrehe'ma hu'neana Kraisi'e hu'ne.)

Joni 12:46

Nagra ama mopafi Msa e'noe, maka vahe'mo'za Nagrite zamentinti hanamo'za hanimpina omnigahaze.

Joni 3:34

Na'ankure Agrira Anumzamo huntege'no e'neankino, Anumzamofo keaga nehie. Na'ankure Agra refko osuga'are Avamura aviteno ami'ne.

Aposol 10:38

Tamagra ko antahi'naze Nazareti Jisasina inankna huno Anumzamo'a Ruotge Avamuteti'ene hanave areti'ene huhamprinte'ne. Ana higeno Jisasi'a vano huno knare hunezmanteno, Sata'ma knama nezmia vahera zamazeri so'e huzmante'ne, na'ankure Anumzamo'a Agrane mani'negeno ana hu'ne.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Aposol 4:26

Ama mopafi kini vahe'mo'za magote etru hazage'za, trakere ugagota vahe'tmimo'za zogitru hu'za Ramokane, Kraisinena ha' reneznantaze. (Sam-Zga 2:1-2)

Aposol 4:27

Na'ankure tamagerafa huno Herotiki, Pointus Pailatiki, megi'a vahe'ene, Israeli vahe ene, ama rankumapina zogitru hute'za, Ruotge eri'za Ne'ka'a huhamprinte'nana Jisasina ha' rentaze. Tamage e'i ana avamente Heroti'ene Paeroti'ene ru vahe'ene Israel vahe'mo'zane ama kumate eri atru hu'za manine'za kagri mofavre kagrama hampri'nana nera Jisasina ahenaku hu'naze.

Kolosi 1:13

Na'ankure hanizamfo hanavefintira taza huno tavreno avesinentea Ne' Mofavre'amofo kumapi nerante.

Jemisi 2:5

Antahiho, knare nafuheta, Anumzamo'a ama mopafi vahe zamavufi zamunte omane vaheku' zamentintifi feno vahere huno huhampri zamanteno, Anumzamofo kuma erisanti haregahaze huno Agri'ma avesinentaza vahe huvempa huozmante'nefi?

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.