Luku 22:52 - Kamano

⁵² Anante Jisasi'a ugota prisi vaheku'ene, mono nompi kegva nehaza vaheku'ene, mono kva vahe'mo'za azerinakuma aza vahekura anage huno zmasami'ne, Tamagra bainati kazinknonu'ene kumpa kanonu kumzafa vahema azerinakuma hiaza hutma hara renantenaku neazo?

Anumzamofo Routage Avantafere

⁵² Anante Jisasi'a ugota pristi vaheku'ene, mono nompi kegava nehaza vaheku'ene, mono kva vahe'mo'za azerinakuma aza vahekura anage huno zamasami'ne, Tamagra bainati kazinknonu'ene kumpa kanonu kumzafa vahe'ma azerinakuma hiaza hutma hara renantenaku neazo?

Luku 22:52 Iomraidhean Croise

Matiu 26:47

Jisasi'a ke huvga ore'negeno 12fu'a amage'ma nentaza disasipol naga'afinti mago'mo Judasi ehanitino tusi'a vahe kevune e'ne. Ugagota pris kva vahe'mo'zane, Jiu kva vahe'mo'za huzmantage'za kazinknone kumpa knone eri'za e'naze.

Matiu 26:55

Ana knafi Jisasi'a ana vahe kevu amanage huno zamasmi'ne, Nagri nazerikura nahigeta kazinknone kumpa kno erita kumzafa vahe zamazeriku nehazankna hutma neaze? Knaneknane ra mono nompi mani'ne'na naneke huneramasmugeta naze'ori'naze.

Luku 22:37

Na'ankure Nagra anage hu'na neramasamue, avontafipima krente'nea kemo'a, kumi vahe'ene Agrira hampri'naze hu'neana, Nagriku huno krentenea kemo'a nagrite eama hugahie. (Aisa 53:12)

Luku 22:4

Hagi ana ne'mo prisi vahe'ene, ra mono nonte kegva nehaza vahe'mokizmi kva vahetaminte vuno, Jisasima komoru huno avare zamisige'za ahesaza kea ome retro hu'naze.

Luku 22:51

Hianagi Jisasi'a anage hu'ne, atro, amanahuzana mago'ane osuo nehuno, agesare avako higeno so'e hu'ne.

Luku 22:53

Hakare zupa kna'ane kna'ane ra mono nompi tamagrane magopi mani'noana nazeori'naze. Hanki ama kna tamagrizane. Hanizamofo hanavemo'a agatere.

Joni 17:12

Nagra zamagranema mani'nena, Kagri kagire manisnaze hu'na zamagu'vazina kva huzmante'noe. Kagrama nami'namokizmia mago'mo'a fnane osu'ne, hianagi magoke'mofo fanane hinogura huhamprinte'ne, ana hanigeno Anumzamofo avontafe'mo hu'nea kantera avufa'a fore hugahie. (Sam-Zga 41:9)

Aposol 5:26

Mono nonte kva nehia ne'mo'a, magoka sondia vahe'ene vazazamo'za, ana aposol nagara ome zamavare'za e'nazanagi, sondia vahe'mo'za akohe'za agazone hu'za zamavare'za e'naze. (Na'ankure vahe'mo'za have knonu zamahe frizanku kore hu'za razana osu zamare'za e'naze.)