Luku 16:9 - Kamano

⁹ Amanage hu'na nagra neramasmue, fenoma erinka ama mopafi fatgo osu'zantema netrana zana, netrenka vahera zamazeri knampa huzmante'negeno, ana fenoma vagama resige'za, muse hu'za kavare'za mani vava nozamirega vugahaze.

Anumzamofo Routage Avantafere

⁹ Amanage hu'na Nagra neramasmue, fenoma erinka ama mopafi fatgo osu'zante'ma netrana zana, netrenka ana zanteti vahera zamazeri knampa huzmante'negeno, ana fenoma vagama resige'za, muse hu'za kavare'za mani vava nonkuma zamirega vugahaze.

Luku 16:9 Iomraidhean Croise

Proveps-Knare Nomaniza 14:24

Ama' antahizane vahemofo fenomo'a, anunte fetori meankna huno me'ne. Hianagi neginagi zmavu'zmavama nehaza vahe'mokizmi neginagi zmavu'zmavamo'a, zmazeri neginagi nehie.

Proveps-Knare Nomaniza 19:17

Iza'o amunte omane vahe'ma knare avu'avama hunentemo'a, Ra Anumzamofo anara hunente. Hagi agrama hania avu'avamofo avamente, mizana amigahie.

Proveps-Knare Nomaniza 23:5

Kavuma keramage'ma hanankna huno, feno zankamo'a fanane hugahie. Na'ankure agekona eri atareno tumpa namamo hareno hampompi mareriankna huno, afe hugahie.

Matiu 19:21

Jisasi agriku anage hu'ne, Kagrama fatgo hugahuema hanunka, vunka zgore afufenonka'a ome atrenka, ana zgoa erinka zmunte omne vahe ome nezminka, hagi kagra monafinka feno eri santi haregahane. Hutenka Nagrira eme namage anto.

Matiu 6:19

Ama mopafina fenona eritru osiho, havi kfamo'ene, krogroheno erihaviza nehnigeno, kumza vahe'mo'za, nona anafe hu'za kumza segahaze.

Matiu 6:24

Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Luku 11:41

Tamagrama erinenaza zama, muse nehutma tamaguareti zmamunte omne vahema zmamisazana, tamagrira maka zantamimo'a agru hugahie.

Luku 12:33

Afufeno tamia zgore atretma, zgo erita amunte omne vahe nezminkeno monafi fenozantamimo'a meno, anazamo'a monafina havizana osuno, kumzafa noseno, havi kfamo'za eri haviza osu kumapi antegahaze.

Luku 14:14

E'inahu vahe'mo'za nona hu'za kamigara osu'nazankinka, kagra asomu erigahane. Na'ankure fatgo vahe'mo'za frinesafintima otisaza knazupa mizanka'a erigahane.

Luku 16:11

Kagrama ama mopafi fenozama kegvahu fatgo osnankeno'a, iza tamage fenoma kvama kri'zana kamigahie?

Luku 16:13

Mago eri'za ne'mo'a tare ozafarera eri'zana e'origahie, mago'mofona antahi haviza hunenteno, mago'mofona avesi ontegahie. Huge mago'mo'ene mani trago neteno, mago'mofona atregahie. Kagra Anumzante ene zgorera eri'zana eri'ontegahane.

Luku 16:4

Nagra naza hugahue hago antahue, ugagotahu kva eri'za'niafinti hunante'na, vahemo'za muse hunante'za navare'za nozmifi ome nantegahaze.

Aposol 10:31

anage hu'ne, Koniliasiga nunamu nehunka, zamunte omane vahe'ma zamaza nehana kavukvara Anumzamo'a ko antahino keno hu'ne.

Aposol 10:4

tusi kore huno uruha negeno anage hu'ne, Ramoka, na'ahie. Higeno agra anage huno asami'ne, nunamu ka'ane, zamunte omane vahe'ma zamaza nehana kavukvara Anumzamo'a ko antahino keno hu'ne.

2 Korinti 4:17

Hanki meni tagritema osi knazama fore nehiazamo'a, tagrira monafima umani vava hanunaza retro huneranteankita, knare huta monafi umani vava nehuta, knarezama omerisunazamo'a, makazana agateregahie.

Juti 1:21

Hagi Anumzamofo avesizampi nemanita, Rantimo Jisas Kraisi asunku zampima manivava manizama tamikema hu'nea zankura tamavresra osu avega anteho.