Luku 11:32 - Kamano

³² Anumzamo'ma vahe'ma refkoma hania knarera, Ninive vahe'mo'za oti'za ama knafi vahera keontahi vahe mni'naze hu'za keaga huzmantegahaze. Na'ankure Jona'ma hia kerera zmagu'a rukrehe hu'naze. Hanki keho, Jonama agatereneazana amafi mni'ne. (Jona 3:4-10,1 Kin 10:1-13)

Anumzamofo Routage Avantafere

³² Anumzamo'ma vahe'ma refkoma hania knarera, Ninive vahe'mo'za oti'za ama knafi vahera keontahi vahe mani'naze hu'za keaga huzmantegahaze. Na'ankure Jona'ma hia kerera zamagu'a rukrehe hu'naze. Hanki keho, Jonama agaterenea nera amafi mani'ne. (Jona 3:4-10,1 Kin 10:1-13.)

Luku 11:32 Iomraidhean Croise

Jona 3:4

Jona'a ana kumapi agafa huno, magoke zgegnafi vuno, agra kezatino anage hu'ne, foti'a zgegna evanigeno Ninive kumamo'a haviza hugahie.

Jona 3:5

Anante Ninive vahe'mo'za Anumzamofo kere zamentinti nehu'za, zamagra ne'zana a'o nehu'za, ranteti vuno osite'ma vu'neana, zamasunku hu kukena (sek klos) eri hankre'naze. (Mat 12:41, Luk 11:31-32)

Jona 4:9

Anante Anumzamo Jonana asmi'ne, knare ke agafare nofikura kasia nevzio? Huno antahigegeno Jona'a, knare ke agafare nagria nasivazige'na friku nehue.

Matiu 12:39

Hianagi Jisasi'a kenona anage huno zmasmi'ne, ama knafi vahe'mo'za kefoza nehu'za zmentinti nosaza vahe'mo'za avame'za kenaku nehazanagi, mago avame'zana onkegahaze, kasnampa ne' Jona avame'zanke kegahaze. (Jona 1:17)

Matiu 12:41

Ninive vahe'mo'za Anumzamoma refakoma hania knarera, ama knafi vahe ene magoka oti'za, keaga hurmantegahaze. Na'ankure Jona'ma huama hia kere zmagu'a rukrahe hu'naze. Hagi keho Jonama agatere'neana ama'ne.

Luku 11:31

Anumzamo'ma vahe'ma refko huno keagama huzmantesia knarera, Sauti kaziga Siba kumateti Quini a'mo'a otino, Anumzamo'ma keagama refkoma hanirera, ama knafi vahera keontahi vahe mni'naze huno keaga huzmantegahie. Na'ankure ana Quini amo'a afete'arega mni'neanagi, Solomoni knare antahintahi'a antahinaku e'ne. Hianagi antahiho, mago nera Solomonima agaterenea nera amuno tamifina mni'ne.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.