Luku 10:2 - Kamano

² Jisasi'a anage huno zmasami'ne, hozafina rama'a ne'zamo'a nena huno meanagi, hoza vasage vahe'mo'za osi'a mani'naze. E'ina hu'negu nunamu hutma hozamofo Nefa antahigenkeno, eriza vahera huntenkeno hoza ome vasageno.

Anumzamofo Routage Avantafere

² Jisasi'a anage huno zamasami'ne, Hozafina rama'a ne'zamo'a nena huno meanagi, hoza vasage vahe'mo'za osi'a mani'naze. E'ina hu'negu nunamu hutma hozamofo Nefa antahigenkeno, eriza vahera huzamantenkeno hoza ome vasageho.

Luku 10:2 Iomraidhean Croise

Matiu 20:1

Anumzamofo kumamo'a, mopamofo nefa'ma nante'rampi viazamo zgore'ma omezmareno ege'za agri waini hozafi eri'za emeri'za kna hu'ne.

Maki 13:34

Amanahu hugahie, mago ne'mo afete vunaku, kazokzo eriza vahe'a noma'a kegva hiho hunezmanteno, magoke magoke eri'za vahe'a eri'za refko hunezamino, kafante kva nekura kavu antenka maninenka kva hu so'e huo huno hunte'ne.

Maki 16:15

Anage huteno, maka moparega vutma knare musenkea ome huama hutma, hakare vahera zmasamiho.

Maki 16:20

Ana huno vutege'za, amage'ma nentaza nagamo'za maka kaziga vano nehu'za, Ramofona kea huama nehazageno, Jisasi'a ana kezmia eri hanavetino avame'zane, kaguva'zanena anama hazankefina hu'ne.]

Luku 9:1

Jisasi'ma 12fu'a amage'ma nentaza disaipol naga'a ke hutruma huteno maka havi avamu ene krinema eritresaza hanavene hihamune zami'ne.

Aposol 11:19

Ananknafi Stivenina ahe nefri'za mago'a nagara zamahe fragu vazige'za, atre'za Fonesiane, Saiprasine, Antiokune, nevu'za ru vahete mono osu, Jiu vaheteke mono kea ome zamasmi'naze.

Aposol 13:2

Anamo'za Ramofonte mono hunente'za, ne'za a'o hu'za nunamu nehzageno, Ruotge Avamu'mo'a anage hu'ne, Banabasine Soli kizni huhampri znante'keno, eri'za eriogu hua eri'zana eri'o hu'ne.

Aposol 13:4

Banabasine Soli kiznia Ruotge Avamu'mo huznantege'ne Sulisia uramike osi voti omerike Saipras ti amunompi me'nea kumate vu'na'e.

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

Aposol 22:21

Anante Ramo'a anage huno nasami'ne. Vuo! Na'ankure afete hugante'nugenka megi'a vahepi ke'ni'a erinka ome zamasmigahane hu'ne.

Aposol 8:4

Anante e'ima zamahe pananima hige'za fre'naza vahe'mo'za, maka kumate kumate vutere hu'za mono kea hu'naze.

1 Korinti 12:28

Hagi, mono eri'za erisagu Anumzamo huhamprizmante'nea vahera, esera aposol nagare, anantera kasanampa vahere, anantera rempi huzami vahere. Ana huteno Anumzamo'a kaguvazama hu vahe zmazeri otino, mago'amokizmia vahe'ma krifintima zmazeri kanamre muse'za nezamino, mago'amokizmia vahe'ma zamaza hu muse'za nezamino, mago'amokizmia kva eri'za eri muse'za nezamino, mago'amokizmia ruzahu ruzahu ageru ru muse'za zami'ne.

1 Korinti 15:10

Hu'neanagi Anumzamofo asunku'zanteti nagra amanahu kna hu'na mni'noe. Hagi nagri'ma asunku'ma hunante'neazamo'a amne zankanara osu'ne. Ete ana miko eri'za nagara zmagatere'na eri'zana mago'ane eri'noana nagra'niompage, Anumzamofo asunkuzamo'a nagrane me'nege'na eri'noe.

2 Korinti 6:1

Tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

Filipai 2:21

Na'ankure zamagra maka'mo'za zamagri'ma zamenesia zante kegva nehu'za, Kraisi Jisasi zana kegva nosaze.

Filipai 2:25

Hianagi nagra antahuana tamagritega Epafroditusi'a vugahie. Nagri nenfu magoke eri'za enerita, tragoteta ha' nehu'a ne' (sondia), agra tamagri naneke erino eme nasmisnia ne'kino, upama nehuazana naza nehia nere.

Filipai 2:30

Na'ankure maka'motma afete mani'netma naza osazageno tamagri nona huno, Epafroditusi'a avufagura agesa ontahino eme naza nehuno, Kraisi eri'zanku huno fri' kante ruhiza hu'ne.

Kolosi 1:29

E'ina hu'negu Kraisima maka hankavema naminereti tusi hankavetina eri'zana e'nerue.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

1 Tesalonaika 2:9

Nenafugata tamagra antahi'naze, kenage'ene feru'enema tamuna nehagegeta maraguzatita tagrima taza haniazanku erizana e'nerita, Anumzamofo Knare Musenkea huama nehunana, magomofo knaza eri amisunegu anara nosune.

1 Tesalonaika 5:12

Hianagi nenfugata, tusi maraguzatiza Ramofonte manisaza'zamofo nanekema rempima hunerami'za mono kva vahetamimofona, kegva huzmanteho huta neramasamune.

2 Tesalonaika 3:1

Hanki huvgare nanekea, nenafugata nunamu hunerantenkeno, tamagripima hu'neazana huno Ramofo nanekemo'a, maka kokantega ame huno vuno e'no nehina, ragi amiho.

1 Timoti 4:10

Amana zante amuho huta eri'zana enerita mragu'za netune, na'ankure kasefa huno mani'nea Anumzamo'ma esnigu tagra tamentinti nehune, mika zamentinti nehza vahe zamahokehe nere. (Savior)

2 Timoti 4:5

Hu'neanagi kagra knare antahintahi e'nerinka, maka knaza fore hanifina katazana e'nerinka, kazigzi hunka Kraisintega vahera zamare anto, Anumzamo eri'zama kami'nea erizana erivgaro.

Falimoni 1:1

Nagra Poli'na, Kraisi Jisasi erizante kina hu'nomo'nane, nenafu Timoti'ene ama avona, Filimoniga magoka eri'za enerita tavesinegantona rone timokaregane,

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Revalesen-Hufo Hu'ne 2:1

Efesasi kumate mono nagamokizmi, ankeromofona amanage hunka krezamio, Nagra 7ni'a hanafira nazantamaga azenerina, 7ni'a tavi'ma rekru hunte kolire azotaramimofo amunompi vano nehumo'na, nehuanki antahiho.