Kolosi 4:2 - Kamano

² Nunamuma hu'zana azeri hankavetineta, kava huta mani'neta Anumzamofoma susuhunte avu'avazana otreho.

Anumzamofo Routage Avantafere

² Nunamuma hu'zana azeri hankavetineta, kava huta mani'neta Anumzamofoma susu hunte avu'ava zana otreho.

Kolosi 4:2 Iomraidhean Croise

Matiu 26:41

Reramatagafi ufreta traka hanagi, kva huneta nunamu hiho. Avamu timimo'a ave'nesianagi, amega tamavufgamo'a avenosie.

Maki 13:33

Kva hunetma retro hutma maniho. Na'anakure tamagra anazama efore'ma hania kna ontahi'naze.

Luku 18:1

Zmavesra osu maka zupa nunamu hanagu, fronka ke Jisasi'a amagema nentaza disaipol naga'a anage huno zmasamine.

Luku 21:36

Hanki tamagra maka knafina kva hutma maninetma, nunamuna huvava nehutma, hankavetita mni'neta ana maka knazama efore'ma haniana agateneretma, Vahe'mofo Mofavrema esigura avega anteho.

Aposol 1:14

Maka ana naga'mo'za magoke antahintahifi maka'zupa nunamu nehu'za mago'a a'nene, Meri Jisasi nerera'zane, Jisasi nefu'za mani'naze.

Romu 12:12

Fore hanigu hankave antahintahima hunemiza zankura musena nehuta, tusi'a knazama fore'ma hanigetma kazikazi huta nevutma nunamu huvava hiho.

Efesasi 6:18

maka zupa nunamu huvava nehutma, nunamuna hutma antahigeho, ana nehanutma tamagra kva hu'netma kazigzi hutma maka eri'za vahekura (kristen) nunamu hutma Anumzamofona antahigeho.

Filipai 4:6

Mago'a zankura tamagesa ontahitma, hakare zankura nunamu nehutma, upama hu'nesaza zanku Anumzamofo nesamitma, hakare zama huramante'nea zankura, Anumzamofona muse hunteho.

Kolosi 1:9

Hanki e'iana agafare, tagrama tamagenkema antahuna knaretima e'neana, tagra tamagrira Anumzamo Agra'a avesite avamupi knare antahizane, antahi ama hu'zana antevitermantesiegu nunamuna huvava huta antahi'negone.

Kolosi 2:7

Tamagra Agrite zafamo arafu'nareno oti hanavetiankna nehutma, nomo hanave zafare oti hanavetiaza hutma onetitma, knare musenkera oti hanave netitma, maka knafina Anumzamofona susu hunteho.

Kolosi 3:15

Kraisi rimpa fruzana atrenkeno tamagu'afina kegva hurmanteno, na'ankure tamarimpa fru huta manisazegu kehigetma mago avufga mani'nazanki, miko zupa Anumzamofona susu hunteho.

Kolosi 3:17

Kegaga hanampino, eri'za erisampina, Rantimofo Jisasi agifi makazana huo. Jisasimpi Anumza Nafatimofona susu huntegahune.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

1 Pita 4:7

Makazama vgaresia knamo'a, hago kofta hie, e'ina hu'negu antahintahia hu so'e nehutma, nunamuma hu tamavutamavamofo azeri hanavenetita, kazigazi hutma viho.