Kolosi 2:8 - Kamano

⁸ Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

Anumzamofo Routage Avantafere

⁸ Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi vahemofo antahiza rempi huneramizanki, Kraisintegati enea'zana rempi hunoramize.

Kolosi 2:8 Iomraidhean Croise

Matiu 10:17

Hu'neanagi vahekura kvahiho, na'ankure kanisol vahete zamagra tamavre'za vuza keaga hunermante'za, osi mono nompi omermante'za sefukno tamigahaze.

Matiu 16:6

Kvahiho Farisi vahe'ene Sadusi vahe'mokizmi yistigura huno Jisasi'a zmasmi'ne.

Matiu 7:15

Kva hiho havige kasnampa vahekura, sipisipimofo avufa erihankre'za egahzanagi, zamagu'afinka afi kra egahaze.

Aposol 17:18

Anahu kna huno mago'a Epikurien vahe'ene, Stoik vahe'mo'zanena vahe'mofo nomani'zama rezagane'zama negaza vahe'mo'za (Filosofa) kehakare hunentageno mago'amo'za anage hu'za antahi'naze, Nankna ke ama neginagi vahe'mo'a hunaku nehie? Ruga'amo'za hu'za, Agra ru anumzanku nehia nere. Na'ankure Jisasi agi agenkene, fripintima oti'nea knare musenkegu hu'naze.

Aposol 17:32

Fri'nefinti azeri oti'nea naneke nehige'za nentahiza, mago'amo'za agiza re'naze. Hianagi mago'amo'za anage hu'naze, mago'ane ama nanekea hananketa antahigahune hu'naze.

Romu 16:17

Nafu nagnahete, hankavetina ama kea neramasamue, Amu'notamifima atane'zama avrenente'za, koma rempi huramigeta antahi'naza ke'ma, havigeretima eme rempi huramiza tamentintima eri kragogo negiza vahekura, kva hunetma mani kore hutma ogantu'a maniho.

1 Korinti 10:12

Kagrama oti hanaveti'noe hunka nentahisunka, traka hu'zanku kva huo!

1 Korinti 8:9

Tamagra antahi oza hutma hanaza zamo, zmentintifi hanave oti'naza vahera zmagigo zami havegna huzankura kva hiho.

2 Korinti 10:5

Tagra hakare'a havi antahintahine havigemo'enema renkani renentegeno vahe'mo Anumzamofona antahi ama nosia antahintahizmia, zmazeri rukrehe hanunke'za Kraisi amagera antegahaze.

Galesia 1:14

Nagra tusi hanaveti'na tagehe'mokizmi zamuzmara amage'nentogeno, anama huazamo'a nagri navuma mni'naza, Jiu vahe'mokizmia zamuzmamofona zmagatere'noe. Nagra tusi hanavetina nagehemofo avu'avara avaririnoe.

Galesia 4:3

Anahukna kante tagranena mofavrema mni'neta, ama mopama kegva hu'naza avamutamimofo zmagorga'a mni'neta kazokzo hu'nonane.

Galesia 4:9

Hianagi menina Anumzamofona keta antahita hazageno, Anumzamo'enena tamagrira tamegeno antahino hu'neanki, nahigeta tamagena hunemita, haviza huno hanave'a omne avamute nehuta, mago'ane kazokzo eri'za vahe'a manisune huta nehazo?

Galesia 5:15

Hianagi tamagra afi zgakafamo hiaza huta, ompri ampri hanutma tamagratami tamazeri haviza hutma fnanene hugahazanki kva hiho.

Efesasi 2:2

Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemniza hihamu'ane kva avamutamimofo amage' anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane.

Efesasi 4:20

Hu'neanagi tamagra, e'inahu zampintira Kraisina rempi huta ontahi'naze.

Efesasi 5:6

Atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

Filipai 3:2

Kragna vahekura kva hiho, havi mono eri'za vahekura kva hiho, havige hu'za zamufa tga nehaza vahe'kura kva hiho,

Kolosi 2:18

Mago'mo'ma avanama kenesia zankuma huno, tamagra anteramita ankeromofo mono hunteho hanigetma, tamagra atrenekeno tamagrira tamazeri fenka otreno. E'inahu vahe'mo'za korapa zamarimpampfo avu'ava nevaririza, zamagrama antahizana zmagra'ake knare antahizana eri'none hu'za zmavufga ra nehaze.

Kolosi 2:20

Tamagra Kraisi'ene frizageno, Agra ama mopafi havi Avamumofo hankavefintira kazufe tamantegetma fru hutma mani'nazagu, nahigetma ama mopafi tra keramintera amagera antevava nehaze.

Kolosi 2:22

E'inahu tra kea mopafi vahe'mo rempi huneramiankino, ana tra kema amagema nentaza zamo'a amnezankna hugahie.

Kolosi 2:23

Ana tra kema avaririsamo'za knare'za nehune hu'za hugahaze. Zamagra tamagritema eama hanazana, Anumzamofoma mago'ane avesintezama, anteramino manizama, avufgamofo avesizama kegva hazankna hugahaze. Hianagi zamagra taza huza korapa tamavesizana eri atregara osugahaze.

1 Timoti 6:20

Timotiga, Anumzamo antahi kamino kmi'nea erizantera kvagri fatgo huo, avufa'a omne'nea nanekegu hafra hugante'nazana, kamefi hunezminka havigema hanaza vahera antahi'ozamio.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

Hibru 13:9

Hu'negu atrenkeno ruzahu ruzahu kasefa antahintahizamo'a tamavazu huno afetera ovino. Tamaguamofona atrenkeno Anumzamofo asunkuzamo tamazeri hakavetino, mago'amo'za zmavu'zmava'zama avaririza ne'zama retro'ma hu'za nezamo'a, tamazeri hanavea notie.

Hibru 3:12

Nafuheta kva hu'neta kumi'mo'ene tamentinti osu'zamoma asimu anteno mni'nea Anumzamofonteti'ma, tamavretre zankura magoke magokemotma kva hiho.

1 Pita 1:18

Na'ankure tamagrama ketma antahitma hanazana, korapa tamagehe'za zamaza osu zamavuzmava nehaza kante nevazagu, anampinti miza seramantene. Miza seramante'neana haviza nehiazanu, silvane kolireti miza seoramantene.

2 Pita 3:17

Hagi ronenimote, e'inahuzana fore hugahie huna ko tamasami'noe! E'ina hanigeta havi vahe'mofo zamavuzmava'zamo tamavareno havi kante vuzankura kva hu'netma, traka huzankura oti hanavetiho.

2 Joni 1:8

E'i ana hu'negu kava huo, tagrama maraguzatita eri'zama e'nerunazana, atre'zankura kava hanune, hianagi erizama e'neruna zantera, ana miko mizama'a erifatgo hanune.