Joni 3:11 - Kamano

¹¹ Tmagerfa hu'na negasmue. Kema nehunana, antahita keta hu'nona zanku huama nehunkenka, ana nanekegura kagra antahi noramine.

Anumzamofo Routage Avantafere

¹¹ Tamagerfa hu'na negasamue. Kema nehunana, antahita keta hu'nona zanku huama nehunketa, ana nanekegura tamagra antahinoramize.

Joni 3:11 Iomraidhean Croise

Matiu 11:27

Miko'azana Nenfa nami'ne, magomo'a Nemofona antahino keno osu'neanagi, Nefake antahi'ne. Mago'mo'e huno Nefana antahino keno osu'neanagi, Nemofoke antahino keno hu'ne. Hagi Nemofoma eri averi hugahue himofo, eri averi hugahie.

Matiu 23:37

Jerusale vahere, Jerusale vahere. Kasnampa vahe zamahenefritma, huzmantege'za tmagritega aza vahera have knonu zmahe'naze. Nama'a kna mofavre'zgatmia kokoremo anenta'a zga agekonanu zmazeri atru huno refite zmanteankna hunaku nehuanagi tamagria tamavenosie.

Luku 10:22

Jisasi'ma nunamu huvgamareteno agafa huno kea zmasami'ne. Nafanimo makazana kegvahu hihamu namine. Mago vahe'mo'a, izane Nagrira ke'za antahiza osu'nazanki, Nefake antahine, Nefa'a iza'e, Nemofoke antahine. Nemofo'ma avesite zmavrea vahe'mokizmia, Nefana zamaveri nehie.

Joni 1:11

Agra'a vaheku huno e'ne, hianagi Agri vahe'mo'za ovre'naze.

Joni 1:18

Mopafi vahe'mo'a magore huno Anumzana onketfa hu'ne. Anumzamofo mofavre magoke mani'neno, Nfa'amofo asumpinka mani'ne, Agra'a Anumzana mani'neno huama hu'ne.

Joni 12:49

Na'ankure Nagrani'a antahintahifinti ama nanekea nosue, hianagi Nfanimo Agra hunantege'na e'nomo, zamasmio hianke ana naneke'age nehue.

Joni 14:24

Iza'o Nagri'ma avesi onantesimo'a, Nagri kea amage ontegahie. Ama kema nentahizana Nagri kea omne'ne, hianagi Nenfa'ma hunantege'na e'nomofo ke nontahize.

Joni 3:12

Mopafi zanku'ma negasmi'sugenka kagrama kmentintima osnunka, ina kna hunka monafi zanku'ma kasami'suana kamentintina hugahane?

Joni 3:13

Mago'mo'a monafinka mrerino ovu'ne. Hagi Agra monafinkati'ma erami'neana, Vahe'mofo Mofavremo erami'ne.

Joni 3:3

Jisasi kenona'a amanage huno asmi'ne, tamagerafa hu'na ama kea negasmue. Runema ksefa osnimo'a, Anumzamofo kumapina uofregahie,

Joni 3:5

Higeno Jisasi'a ana kemofo nona'a amanage huno asmi'ne, Tamagerafa hu'na kagrira negasmue. Aza'o tinteti'ene Avamuteti'ene ksefa osnimo'a, Anumzamofo kumapina uofregahie,

Joni 5:43

Nagra, Nenfa agifi e'nogeta tamagra nonavraze, hagi mago'mo agra agire'ma esnimofona ame huta avregahaze.

Joni 7:16

Ana kemofo nona'a Jisasi'a amanage hu'ne, Nagrama rempima huneramuana, Nagri zana omne'ne, Nagri'ma hunantege'na e'nomofo Agri sune.

Joni 8:14

Jisasi'a anankemofo nona'a amanage huno zamasmi'ne, e'ima Nagrama ke huama Nagragu'ma nehuana, Nagri nanekemo'a tamage, na'ankure Nagra igati e'na, ete'na iga vugahuo, Nagra antahi'noe, hianagi Nagra igati e'na, iga Nagra vugahuo tamagra ontahi'naze.

Joni 8:26

Nagra rama'a zanku keaga nehu'na tamagrira refko hurmante'naku nehue. Hianagi hunantege'na e'nomo'a tamage Nere, Agripinti antahi'noa ke, Nagra ama mopafi vahera nezmasmue.

Joni 8:38

Nagrama kema nehuana, Nenfa'ene mani'nena ke'noa zanku neramasmue, tamagrama nehazana neramafampinti'ma antahinazaza nehaze.

Aposol 22:18

Ramo'a negogeno anage huno nasami'ne, Hantaka'a Jerusalea atrenka ame' hunka vuo, na'ankure Nagri nagenkema kagrama hanana kea ontahigahaze.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

Revalesen-Hufo Hu'ne 3:14

Laodisia kumate nemaniza mono naga'mokizmi ankeromofona amanage hunka kremio, Nagra tamage nemo'na, maka kea avariri fatgo nehu'na, fatgo hu'na maka kea huama nehumo'na, Nagra maka zama Anumzamo'ma, ese agaferetima troma hu'neazamofo agafa'a mni'nomo'na, ama naneke atrogeno tamagritega e-e.