Jenesis 48:15 - Kamano

¹⁵ Asomu ke Josefe hunenteno amanage hu'ne, korapama nenfa Abrahamu ene Aisakike Anumzamofo avure vano huna'a kna huno, nagrira Anumzamo mani'zaniafi sipisipi kva nehia kna huno kva hunanteno menina amagnare ehanatie.

Anumzamofo Routage Avantafere

¹⁵ Ana huteno asomu ke Josefena hunenteno amanage hu'ne, korapa'ma nenfa Abrahamu'ene Aisakike Anumzamofo avure vano huna'a kna huno, nagrira Anumzamo mani'zaniafi sipisipi kva nehia kna huno kva hunanteno menina amagnare ehanatie.

Jenesis 48:15 Iomraidhean Croise

Jenesis 17:1

Abramu'a 99ni'a zgegfu higeno, Ra Anumzamo agrite efore huno amanage huno asmi'ne, Nagra Hihamu'ane Anumzamo'na negasmue. Nagri namagenentanku fatgo avu'ava hunka manio.

Jenesis 24:20

Huteno ame huno tina kvo'finti afu'moza ti nenaza zompafi taginte zamantege'za nenageno, ufino ete ete huno neragige'za ana maka kemorimo'za nevgare'naze.

Jenesis 24:40

Nagrama amage' nentoa Ra Anumzamo, Agra ankero vahe'a huntenkeno kagrane nevina kama vnana kamo'a knare hanigenka, vahe'niafinti nenfa nompinti ne'nimofo a'ra uvregahane.

Jenesis 27:27

Eazamo eme antako nehigeno, kena'aretima mna nevigeno nentahino'a, anante manu renenteno amanage hu'ne, Ko, mofavreni'amofo mna. E'i ana mnamo'a hozamofo Ra Anumzamo asomu huntegeno, nevia kna mna nevie.

Jenesis 27:4

Nagri'ma navenesia ne'za kre haga hunka eme namige'na nene'na, nagu'areti manu regantete'na, mani'ne'na henka'a frineno.

Jenesis 28:20

Jekopu'a amanage huno huvempa hu'ne, Afete kama nevnugeno Anumzamo nagrane nevuno nagu'vazino ne'za ni'ane kukena'ni'ane naza nehanigena,

Jenesis 28:22

Ama have eri retruroana, Anumzamofo no mesie. Mika'zama nami'sankeno'ma 10ni'ama fore'ma hanige'na, anampintira refko huna magoke kevua kamitere hugahue.

Jenesis 28:3

Ana'ma hanankeno Hanvenentake Anumzamo asomu huganteno, kazeri hakare nehuno, kazeri hakare hugante'na tusi'a vahe fore hunka manigahane.

Jenesis 35:3

E'ina hutenketa otita ete anagamu Beteli vamneno. E'i anante Anumzamofo have ita tro hugahue, antahima nenamino kna'zampinti nza nehuno hakare kaziga nevugeno nagrane nemanie.

Jenesis 48:16

Havi zampinti nza hu'nea ankeromo asomura hurnantegahie. Nagri nagimo zanagripi me'nigeno, nenfa Abrahamukizni Aisakine zanagimo ana zanke hugahie. Hanki zamagra tusi'a vahetmi erifore hu'za miko mopafi manigahaze.

Jenesis 49:22

Josefega zafa azankunamo rga rente'nea kna hugahane, azankunamo ti ankenare me'neno rga reno, pagagi huno kegina refitean kna hugahane.

Jenesis 49:24

Hianagi Josefena azamo'a oragesigeno, ati amo'a hanve tinkeno, keve ahesiana hantaga osugahie. Hanve nentake Jekopu Anumza'mofo azampintira evu oramigahie, ana Anumzamo Israeli vahe afu kva hiankna nehuno, zamagu'vazi havegna hu'ne.

Jenesis 49:28

Ama ana maka 12fu'a Israeli nagare, nezmafa asomu hunezmanteno zamasmi'nea naneke. Asomu huzmanteno, mago'mago mofona agri'a avamente asomu huzmantetere hu'ne.

Jenesis 6:9

Noa nagamofo naneke amanahu me'ne. Ana knafi mani'naza vahepina Noa'a fatgo huno hazenke'zama'a omne'ne Anumzane tragoteno mani'neno amage anteno vu'ne.

Luku 1:6

Ana aravemokea Anumzamofo avurera fatgo hu'ne nemani'ne, maka kasegene tra kea amage nentene, mago havi avu'avara osuke, fatgo huke Ramofontera mani'na'e.

1 Korinti 10:31

Hanki, kave nesano tinesano inankna'zama hanunka, Anumzamofo agi erisaga hu'zanke huo.

2 Korinti 1:12

Tagrama musema hunana, tamagra manuna knafina ama' tagutagesama tagu'afima e'nerita, hakareza hu'nazampi mni fatgo nehuta, ruotge huta nemnita, Anumzamofo so'e avu'avazante nemnita, ama mopafi antahizankura nontahize.

Kolosi 2:6

Hanki e'ina hu'negu Krais Jisasina, Rane hunka ko avrenananki, Agra'ene magoka vano huo.

1 Tesalonaika 2:12

Tagra ana nehanunketma tamagrama kama vnazana, Anumzamo'ma tamagi nehuno, Agri'a masanentake kuma erigahaze hu'nea Ne'mofo so'e kumapi vugahaze.

Hibru 11:21

Jekopu'a amentinti hu'negu, fri'zama nehuno'a Josefena tare mofavreararena asomura hu'nezanenteno kepri huno azompare otineno, monora Anumzamofona huntene. (Jen-Agf 48)