Jenesis 40:2 - Kamano

² Fero'a tare vugotena'a eri'za netrena, kinimofo tintfente ene nezama'are kegva hu'nea ne' ene, breti kre'zante vugota hu'na'a ne'tremokiznia tusi'a rimpa heznante'ne.

Anumzamofo Routage Avantafere

² Fero'a tare vugotena'a eri'za netrena, kinimofo tintfente'ene breti kre'zante vugota hu'na'a ne'tremokiznia tusi'a rimpa ahezanante'ne.

Jenesis 40:2 Iomraidhean Croise

Jenesis 40:1

Ana maka'zama fore hutegeno, anante Isipi kinimofo tintfente ene nezama'are kegva hu'nea ne' ene, breti kre'zante vugota huna'a ne'tremoke, ra zani Isipi kinimofona rimpa eri haviza hu'na'e.

Jenesis 40:21

Fero tinkapu'a vugoteno azerisga hunentea nera, erizama'afi avrentegeno agra Ferona kapu'a azampi antente'ne.

Jenesis 40:23

Hianagi kinimofo kapu'are vugota hu'nea ne'moa Josefena antahi omino, agekni ante'ne.

Jenesis 41:10

Feroga eri'za vahe ka'a karimpa aherantenka, kavufgare kva (kepten) nemofo nompi kina hurante'ne, nagri'ene vugota huno breti negrea ne' ene hurante'ne.

Proveps-Knare Nomaniza 16:14

Kini ne'mofo rimpa aka'zamo'a frigahane naneke me'ne. Hianagi knare antahi'zane ne'mo'a, kini ne'mofona rimpa azeri fru hugahie.

Proveps-Knare Nomaniza 19:12

Kini vahe'mofo rimpa he'zamo'a, laionimo rankrafa hiankna nehie. Hianagi vahe'ma zamavesinteno zamazama hu avu'avazamo'a, trazante ata ko arunteankna nehie.

Proveps-Knare Nomaniza 19:19

Hantaka hunoma arimpa ahe vahe'mo'a, hazenke'a erigahie. Na'ankure kagrama aza hunka eri'amane hanankeno'a, henka ana ne'mo'a anazana nehinkenka aza huvava hugahane.

Proveps-Knare Nomaniza 27:4

Rimpama ahe'zamo'a havizantfa higeno, asivazi zamo'a ti hageno eankna hugahianagi vahe'mofo zantema negeno arimpa haviza hu'zamo'a, tusia havizantfa hu'ne.

Aposol 12:20

Anante Heroti'a Taia kumate vahe'ene, Saito kumate vahe'mokizmigura arimpa ahezamantege'za, zamagra mago zamarimpa hu'za agrite emeri atru hu'za, Kini ne'mofo tva'onte eri'za ne' Blastusi, zamaza hinogu rimpa azeri fru hute'za, knare nomanizama kini ne'mo'ma zamisigu antahige'naze. Na'ankure zamagrama kave'ma e'nerizana kini Heroti'ma kava kri'nea mopafinti e'neri'ze.