Jenesis 29:2 - Kamano

² Agra kesga huno trazampi keana tinkerire tagufa afu kevu masenageno ke'ne, ana tikerireti sipisipi ramina tina afi nezmize. Hanki ana kerimofo agitera ra have runkni rente'naze.

Anumzamofo Routage Avantafere

² Agra kesga huno trazampi keana, tinkerire tagufa afu kevu masenageno ke'ne, ana tikerireti sipisipiramina tina afi'za nezmize. Hanki ana tinkerimofo agitera ra have runkani rente'naze.

Jenesis 29:2 Iomraidhean Croise

Jenesis 24:10

Eri'za ne'amo kemori afura 10ni'a ozafa'amofo kemorifinti nezmareno, mago'a knare nare'zana azampi ozafa'areti enerino, otino Mesopotamia, Nahori rankumate vu'ne.

Jenesis 24:11

Kemori afu'tmina zamazeri rena rezmantege'za, tinkerire a'nemo'za ti nefiza knare kinaga rankuma'mofo fegi'a mani'naze.

Jenesis 24:13

Keho, ti hnatite nagra otina mani'nanena, rankumate vahe'mokizmi mofanemo'za ti afinakura egahaze.

Jenesis 29:3

Anante mika sipisipi kva vahe'mo'za utru hute'za, kerimofo agiteti havea atufe ante'ne'za, tina afi'za sipisipi zamia amite'za, ete ana havea atufe'za ana kerimofo avazare runkani rentetere nehzane.

Joni 4:14

Hianagi izano Nagrama amisua tima nesuno'a, mago'ene tinkura ave'osigahie. Hianagi Nagrama aminaku nehua timo'a, kampu'i timo hiaza huno agu'afi me'neno, evava nehuno manivava asimu amigahie.

Joni 4:6

Ana kuma tva'onte Jekopuna tinkeri'a me'ne. Hagi Jisasi'a kama e'nea zamo avesra higeno ana tinkerire umanigsa hu'ne. Feru avame zgeha higeno anante umani'ne.

Revalesen-Hufo Hu'ne 7:17

Na'ankure tra'mofo amunompima mni'nea Sipisipi anentamo, kegva huzmanteno asimu erino mni tinkapuite vanigeno, Anumzamo maka zamavunura eri homu huzmante vgaregahie huno hu'ne.