Jenesis 24:22 - Kamano

²² Kemorimo'za ti nehana hutageno, ana eri'za ne'mo golire tro hu'naza rini kna'amo 5fu'a gremi hu'neane manogosane, golire tro hu'nea asana tarega azampi antaninte'ne, korimofo kna'amo 100ti'a grem hu'ne,

Anumzamofo Routage Avantafere

²² Kemorimo'za tina nehana hutageno, ana eri'za ne'mo'a golire tro hu'naza rini kna'amo'a 5fu'a gremi hu'neane, manogosane, golire tro hu'nea tare asana tarega azampi antaninte'neankino golimofo kna'amo'a 100'a grem hu'ne.

Jenesis 24:22 Iomraidhean Croise

Jenesis 24:10

Eri'za ne'amo kemori afura 10ni'a ozafa'amofo kemorifinti nezmareno, mago'a knare nare'zana azampi ozafa'areti enerino, otino Mesopotamia, Nahori rankumate vu'ne.

Jenesis 24:23

nehuno ana mofaku hu'ne, Iza mofa kagra mani'nane? Muse (plis) hugantoanki nasmio, knare negfa nompina kankmuna me'nesigu umasegahuno?

Jenesis 24:30

Agonafi manogosa renenteno, asama azampi nesaro antani'nea negeno, nesaro Rebeka ana eri'za ne'mo asmia ke nentahino, ana netega vuno, ome keana tinkerire kemori afu'zgane otinegeno ke'ne.

Jenesis 24:47

Hanki nagra antahige'noe, Iza mofa mani'nane? hu'na nehugeno, Betuel mofa Nahori nemofo'e Milka ksente'neane huno hige'na, manogosa agonafi renente'na, asana azantrempi antaninte'noe.

Jenesis 24:53

Abrahamu eri'za ne'mo avasese hu'zana silvare'ene, golire tro hu'naza zane, kukenane Rebeka nemino, anazanke huno mago'a knare'nare zantmina zgo'amo mreri'nea zana nesarone, nererane znami'ne.

1 Pita 3:3

Tamagrama a'nemotma tamazokama ki hariritma kolire tamavasese nehutma, kukena nehutma, amega tamavufgare konariri huzankukera osiho.

1 Pita 3:8

Hagi makamotma magopi fru hutma nemanitma, vahe'mokizmia tamasunku hunezmantetma, kogna hutma nemanitma, tamagu'areti so'e tamavutma nehutma, tamagu'a anteramita maniho.