Jenesis 22:2 - Kamano

² Anumzamo asmi'ne, magoke mofavre, kvesi kvesi hunentana mofavrea Aisakina avrenka Moraia vuo. Anantega Nagrama kverisua agonare agrira ahenka tevefi kre sramna vuo.

Anumzamofo Routage Avantafere

² Anumzamo'a anage huno asami'ne, Magoke mofavre, kavesi kavesi hunentana mofavrea Aisakina avrenka Morea moparega vuo, Nagrama kaverisua agonare anantega agrira ome ahenka tevefi Kresramana vuo.

Jenesis 22:2 Iomraidhean Croise

Jenesis 17:19

Hianagi Anumzamo'a amanage hu'ne, a'o tamage huno negnaro Sera'a mofavre kasentesigenka, agi'a Aisaki'e hunka antegahane. Nagra huvempa ke'ni'a agrite ene, agripinti henka'a fore hanaza vahepine mevava hugahie.

Jenesis 21:12

Hianagi Anumzamo asami'ne, Abrahamuga krimpa haviza osuo, na'ankure mofavrene eri'za a' kagura kagesa ontahio, Sera'ma naneke kasmiaza huo, Aisaki'pinti kagehe'za fore hugahaze.

Jenesis 21:3

Abrahamu ne'mofavre, Sera'ma ksentea mofavre'a Aisaki'e huno agi'a ante'ne.

Jenesis 22:12

Mofavremofo avufgarera kzana onto, mago'zana huonto huno asmi'ne. Menima kagrima kagentoana Nagrite kamentiti nehunka, Anumzanku kore nehane na'ankure, Nagri'ma nami'zantera mofavreka'a magoke mofavrea azeri usasi oki'nane.

Jenesis 22:16

Anage hu'ne, Nagrani'a Ra Anumzamo'na avempage nehue, na'ankure ke'nia zafa nehunka ne'mofavreka'a, magoke ne'mofavrea azeri usasi oki'nane.

Jenesis 22:3

Ame' nantera kerage Abrahamu otino donki afura azeri retro hu'ne. Kre sramna vu tevea ape huno krevare'are enerino, tare eri'za vahe'ane mofavre'a Aisakine zamareno, Anumzamo asmi'nea kotega vu'naze.

Jenesis 22:9

Anumzamo asmi'nea kaziga unehnati'ne, Abrahamu have erino ita huno teve hnavazine, Nemofo, Aisaki agare azante nofi anakiteno, ana ita agofetu azeri sga humsente'ne.

Jenesis 8:20

Anantera, Noa'a Ra Anumzamofonte kre sramna vu ita trohuteno, mago'a avusese zgagfafinti ene avusese nmafinti enena aheno mika kre sramna vu'ne.

Joni 3:16

Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

Romu 5:8

Hianagi Anumzamo'a tusiza huno avesirantenea zama eriama hu'neana, kumi vahe mani'nonkeno Kraisina huntegeno, tagri kumiku huno efri'ne.

Romu 8:32

Anumzamo'a Nemofona aze'orino makamotagu huno tamineakino, hakarezana tamigahie.

Hibru 11:17

Anumzamo'a Abrahamuna amentinti reraheno kenaku, Aisakina ahenka kre sramana vunanto hu'ne. Huvempa kema huntenemo Abrahamu'a amentinti nehuno, magoke mofavrea Aisakina ahe fri'za hu'ne.