Jenesis 17:23 - Kamano

²³ Abrahamu'a Ismaeline, kato vahe'a mokizmine zamazerino zamagoza noma'a tga huvgare zamante'ne. Agri nompi ksente'nea kato vahe'ane, ru mopareti miza se'nea kato vahe'ane mafka'a tga hu'ne. Anumzamo asmiaza huno ana zupage'za tga hu'ne.

Anumzamofo Routage Avantafere

²³ Abrahamu'a Ismaeline, eri'za vahe'amokizmine zamazerino zamagoza anona taga huvagare zamante'ne. Agranema manine'za kasezmante'naza eri'za vahe'ane, ru mopareti miza se'nea vahe'ane miko zamagoza anona taga huzmante'ne. Anumzamo'ma asmi'nea kante anteno ana zupage'za taga hu'ne.

Jenesis 17:23 Iomraidhean Croise

Jenesis 14:14

Lotima ha' vahe'mo'za avre'za vu'naza naneke Abramu'a nentahino, noma'afima kse zamantege'zama ha'zama rempi huzamige'za antahi'naza vahetmina 318ni'a nezmavreno zamarotgo hu'za vuva vuva hu'za Dani uhanati'naze.

Jenesis 17:9

Anumzamo'a mago ene amanage huno Abrahamunku asmine, kagrane mofavrezga ka'ane kse anante anante hnamozanena huvempa keni'a amage anteho.

Jenesis 18:19

Nagra maka vahepinti Abrahamuna agi hu'na Mofavre'ane, agehe'ine, avempage huzmasamina fatgo hu'za nemniza knare'zanke nehu'za Ra Anumzamofo kante vnazegu huhampri'noe. Hagi Ra Anumzamo'na huvempa hu'noa ke'mofo avufga'a fore hanigu Abrahamuna huhampri'noe.

Jenesis 34:24

Hakare'a vahe'mo'za rankumamofo kahante atiramiza, Hamori ene, nemofo Sekemugini ke nentahiza, mika venenemo'za oku zamufga anoma'a tga hu'naze.

Proveps-Knare Nomaniza 27:1

Okina e'inahu'za hugahue hunka kavufga rana osuo, na'ankure mago mago knamo'ma erinoma e'nia zana ontahinane.

Aposol 16:3

Poli'a avareno Timoti vunaku nehuno, avufa taga huntene, na'ankure mago'a Jiu vahera ana kumatera mani'nageno ana hu'ne, makamo'za antahi'naze agri nefa'a Griki ne' mani'ne.

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Galesia 6:15

Na'ankure avufama tga hanio, avufama tga osniana razana omnene, hianagi agu'a rukrehe huno kasefa'ma huno mani'zamo tamagezana me'ne.