Jenesis 12:2 - Kamano

² Nagra kagripinti vahera kazeri ra hanugenka ra kuma tro hugahane. Nagra asomu hunegantena, kagi'a eri ra neha'nena, kagriteti hakare vahe'mo'za asomu erigahaze.

Anumzamofo Routage Avantafere

² Nagra kagripinti vahera zamazeri ra hanuge'za, rama'a vahe fore hu'za manigahaze. Nagra asomu hunegante'na, kagi'a eri ra neha'nena, kagripinti maka ama mopafi vahe'mo'za asomura erigahaze.

Jenesis 12:2 Iomraidhean Croise

Jenesis 13:16

Nagra kagehe'ina zamazeri hakare ha'nena ama mopafi ksepankna kugusopa hanige'za, hamprisnimo'a, kagehe'ina ana zanke huno hamprigahie.

Jenesis 15:5

Kesga hunka hanafira ko. Knare hunka hamprigahampi? Ana avamente kagehe'za fore huhakare hu'za manigahaze.

Jenesis 17:20

Ismaeli kaziga antahigamuanki antahio! Nagra asomu huntesugeno fore huhakare nehuno rama'a vahe fore hu'za manigahaze.12fu'a kva vahe'mokizmi nezmafaza hugahie. Nagra agehemokizmine zamazeri hanvetisuge'za hanvenentake vahe manigahaze.

Jenesis 18:18

Tamage huno Abrahamumpinti tusi'a hanvenentake vahe fore hu'za kuma ante'za manigahaze, ama mopafina mika kumate vahe'mo'za agripinti asomura erigahazanki,

Jenesis 18:19

Nagra maka vahepinti Abrahamuna agi hu'na Mofavre'ane, agehe'ine, avempage huzmasamina fatgo hu'za nemniza knare'zanke nehu'za Ra Anumzamofo kante vnazegu huhampri'noe. Hagi Ra Anumzamo'na huvempa hu'noa ke'mofo avufga'a fore hanigu Abrahamuna huhampri'noe.

Jenesis 19:29

Ana nehuno Anumzamo ana agupofi me'nea kumara kre nerasgeno Loti mani'nea kumara refinete'no Abrahamunku agesa antahi'negu Lotina avreno rurega ante'ne.

Jenesis 24:1

Abrahamuna tusiza huno hakare'a zama'afi Ra Anumzamo asomu hunentegeno mani'neno ozafare'ne.

Jenesis 24:35

Ra Anumzamo tusiza huno ozafa'nimofona asomu hunentege'no afufeno ne' mani'ne, Ramo sipisipima, bulimaka'ma, silvafi, korifi, eri'za vahe'ma, a'nema, kemorima, donkima huno ami'ne.

Jenesis 25:11

Hanki, Abrahamu fritegeno'a Anumzamo agri ne'mofavre'a Aisakina asomu huntegeno, Aisaki'a Ber-hai-roi mani'ne.

Jenesis 26:3

Ama mopafi mani'nege'na, Nagra, kagrane mani'ne'na asomu hunegantane'na, kagri ene kagehe'ine ama mopa mika neramina, Nagrama huvempa negfa Abrahamunku hunte'noa ke eri knare ha'neno.

Jenesis 26:4

Nagra kagehe'ina zamazeri ra ha'nenke'za monafi hanafi kna hanage'na, Nagra ama mopa kagehei zamisugeno kagehe'impinti, miko mopafi vahe'mo'za asomu erigahaze.

Jenesis 27:29

Veamo'za kagri eri'za enerisageno, maka moparegati vahe'mo'za zamarena reza kagrite zamagena hantgigahaze. Kagra kafuhe'ina razimi manigahane, negrera mofavre zgamoza zamarena re'za kepri hugante'saze. Kagrima sifna hugantesamo'za zamagranena sifna erigahaze, asomu hugante'samo'za, asomu erigahaze.

Jenesis 28:14

Kagripinti'ma fore hnaza vahe'mo'za kasepakna hu'za fore huhakare hu'za manigahaze. Zge fre kazigane, zge hanati kazigane, ruga raga agentega vu'za e'za hu'za mani titipa hu'za manigahaze. Kagri ene kagehe'impinti ama mopafi vahe'mo'za asomura erigahaze.

Jenesis 35:11

Anumzamo mago'ene asmi'ne, Nagra hihamu'ane Anumzane, fore huhakare hunka rukzi hunka, rankuma (nation) nente'za aru moparegane umani emani nehu'za atru huza rankuma (nations) antesageno, kagehe'impinti hakare kini vahera fore hugahaze.

Jenesis 46:3

Agra anage hu'ne, Nagra Anumzamone, Nafakamofo Anumzane, Isipi vuzankura korera osuo na'ankure, nagaka'a Nagra zamazeri hakare hugahue.

Romu 4:11

Oku avufgama tga hu'zana amentinti huzamofo avame zankino, ko Abrahamu'a amentinti higeno Anumzamo'a avregeno, fatgo nere huno huntene. Oku avufgama tga osunere anagea huntene. E'ina hu'negu oku zamavufga tga osu vahe'mo'za zamentintima haza vahe'mokiziminena, Anumzamo'a fatgo hu'naze huno huzmantesigeno, Abrahamu'a avamupina nezmafaza hugahie.

Galesia 3:14

E'ina hanunkeno Abrahamuma huhampritenea asomumo'a, Kraisi Jisasimpinti megia vahepina nevanigeta, tagra huvempa hu'nea Avamura tamentinti hanuta erigahune.

Galesia 3:7

E'ina hu'negu antahita ketama hanazana, zamentintima haza vahe'mozage, Abrahamu mofavre mni'naze.