Jenesis 1:11 - Kamano

¹¹ Anumzamo amanage huno hu'ne, mopafinti maka'za hagesie. Za'ara zane zafane rumofo rumofo rga'a revava hania zamo hagesie, rga'afina avima'a efore hanie! Hanigeno zafa rgama rente haniana e'i agu'afinka avima'amo'a agri'agna rga rentesie higeno, mopafina ana zantamimo'a efore hu'ne.

Anumzamofo Routage Avantafere

¹¹ Hagi Anumzamo'a amanage huno hu'ne, Mopafinti maka'za hagesie. Za'ara zane zafane rumofo rumofo raga'a revava hanaza zantamimo'za hagesaze. Ragazmifina avima'a efore hanie! Hanige'za zafa rgama rentesazana e'i zamagu'afinka avima'amo'za zamagri'agna raga rentesaze. Hige'za mopafina ana zantamimo'za efore hu'naze.

Jenesis 1:11 Iomraidhean Croise

Jenesis 1:12

Hanki mopamo'a ruzahu ruzahu trazana erifore hanigeno, ruzahu ruzahu ne'zampina avima'a mesie, avima'amo'a agragna rga fore hu'ne. Zafa rgama rentesiana e'i agu'afinka avima'amo'a agri'agna huno me'neno avima'a rentere hugahie. Hanki Anumzamo'ma kegeno'a knare hu'ne.

Jenesis 1:29

Anumzamo amanage hu'ne, kma antahi'o! Mopafima nehagea zamofona avima'ane zafa rga'ane nesa'egu tanami'noe.

Jenesis 2:16

Ra Anumzamo kasege hunteno, kagra mika hozafima me'nea zafa rga amne negahananagi,

Jenesis 2:5

E'i ana knafi za'ara zana fore osu'ne, na'ankure Ra Anumzamo ana knafina kora huntegeno oru'ne. Eri'za eri vahera fore huno omni'negeno,

Jenesis 2:9

Ra Anumzamo rumofo rumofo zafa higeno, mopafinti hage'ne. Hakare zafamo'a zamuma kete'ene ne'zanena knare hu'ne. Hagi ana hoza amu'nompi tare zafa me'ne. Mago zafa ofri manivava hu zafe. Hagi magora tamazane havizane antahi zafe.

Matiu 3:10

Meninena hago sasumemo'a mika zafa agafare kriri'neankino, hakare zafamo knare rgama reontesia zafa'rmina, antagino tevefi mate'vuno atregahie.

Matiu 6:30

Hianagi Anumzamo'ma, amuma me'nea trazama kukenama huma ante'neana, menina me'neanagi vahe'mo'za okina tevefi eri kregahaze. Ana hu'negu tamagrira Anumzamo'a agatereno kukena hurmantegahie. Tamagra osi'a tamentinti'ne naga mani'naze.

Maki 4:28

Mopamo'a agra'a azerinena higeno ne'zama'a rente'ne, esera asina reno rampa'a fore huteno, anante amosare aheno, rampareara nezana rente avinete.

1 Korinti 15:38

Hu'neanagi Anumzamo Agra'a avesite mika avimzamofona, mago mago avimzamofona agri'a avufga'a amite amite hu'ne.

Hibru 6:7

Ko'mo'ma mopafi runtegeno, avimzamo koti anivazu huno hageno nena rga'a retegeno Anumzamo ana mopa asomura hunenteno, hozama hankorino avimazama hankrenemofo aza nehie.

Jemisi 3:12

Nenfugata nasarahetanena, fiki zafamo'a olivi rga amne rentegahifi, krepi zafamo'a, fiki raga rentegahio? I'o. Anahu kna huno hagerimpintira tintfana fore osugahie.