Jemisi 2:8 - Kamano

⁸ Fatgo hutma avontafepima me'nea kasegema amage'antesnutma, tvaontamire'ma nemanisaza vahe'mokizmia tamagraguma tamavesi nentesazaza hutma rumokizmia tamavesi zmanteho, anama hanutma tamage avu'avaza hugahaze.

Anumzamofo Routage Avantafere

⁸ Fatgo hutma avontafepima me'nea kasegema amage'antesnutma, Tavaontamire'ma nemanisaza vahe'mokizmia tamagraguma tamavesi nentesazaza hutma rumokizmia tamavesi zamanteho, anama hanutma tamage avu'avaza hugahaze.

Jemisi 2:8 Iomraidhean Croise

Jona 4:4

Ramo anage hu'ne, knare kegafa me'negenka krimpa nehano?

Jona 4:9

Anante Anumzamo Jonana asmi'ne, knare ke agafare nofikura kasia nevzio? Huno antahigegeno Jona'a, knare ke agafare nagria nasivazige'na friku nehue.

Matiu 22:39

Anante'ma hu'neana, kagragu'ma kavesi'nentanaza hunka, tva'onkarema nemnisimofona avesinto hu'ne. (Lev-Pris 19:18)

Matiu 25:21

kva'amo'a kenona hunteno, knare'zantfa hane, kagra knare hunka fatgo eri'za nere. Osi'a zantera knare hunka kegva hanku, nagra kavare antesnugenka rama'a zante kegva krigahane. Hagi enka Nagrane muse eme huo hu'ne.

Matiu 25:23

kva'amo ke nona huno, knare'zantfa hane, kagra knare hunka fatgo eriza nere, osi'a zantera knare hunka kegva hanku, nagra kavere antesnugenka rama'a zante ke kva krigahane. Hagi enka Nagranena musena eme huo hu'ne.

Matiu 7:12

vahe'mo'zama maka zampima kagrima, hugantesaze hunka nehnana avu'avara, kagra ana avu'ava zamagrira huzmanto. Na'ankure e'i kasegene kasnampa vahe'mokizmi kenena eri knare hugahaze.

Romu 13:10

Tva'ontema mni'namokizmi avesintezamo'a havizana omnene. E'i ana hu'negu vahe'ma zmesintezamo'a kasege eriknare nehaze.

Galesia 5:14

Na'ankure maka kasegemo'a magoke kasegefi eri knare hu'ne, anagemo'a anage hu'ne, Tavaonkarema mani'nesamokizmia, kagragu'ma kavesintanaza hunka zmavesintegahane hu'ne. (Lev-Pri 19:18)

Galesia 6:2

Knazama oza aza hutma erinutma, Kraisi kasegea eri knare hugahaze.

Filipai 4:14

Hu'neanagi nagri knazampina tragotetma, knare hutma tamagra naza hu'naze.

1 Tesalonaika 4:9

Nenfugta avesintezamofona mago'ene avona kreta, ovesinte avesinte hiho huta osugahunanki, Anumzamo ovesinte avesinte hu'zana ko rempi huramine.

Jemisi 1:25

Hu'neanagi, inamo'ma kinafinti tazeri fru nehia, hentofa kasegefima avuma ke ankenereno, kazigazi huno avaririno antahi'nesia naneke age'okanino amage'antesimofona, mika'zama hanifina Anumzamo'a, asomu huntegahie.

Jemisi 2:12

Hagi keaga tamifine, tamavu'tamava hanafina, kinafinti tamavre atre'nea kasegemo refako hurantegahie hutma antahiho.

Jemisi 2:19

Tamagra magoke Anumza mani'ne hutma tamentinti nehazana, e'i tamage, havi hankro'mo'zanena anahukna zamentinti nehu'za, kore nehu'za zamahirahi nerege'za mani'naze.

Jemisi 4:11

Nafuhetma, huhaviza ohunte ahunte osiho. Iza'o nefuma huhaviza huntege refakoma huntesimo'a, agra kasegemofo huhaviza nehuno, refako nehie. Kasegema refako'ma hananana, kasegea amage nontananki, kasege refako hu vahe nemanine.

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.