Hibru 6:1 - Kamano

¹ E'ina hu'negu Kraisinku'ma onensi mofavremofo hiaza huta rempima huneramuna zana netretma, nena vahe avamente mani'nenketa, ko'ma fri avu'avazampintima tamagu'a rukrehe hutma Anumzamofonte tmamentinti hiho huta tmasaminona kea, tamasami vava huta ovugahune.

Anumzamofo Routage Avantafere

¹ E'ina hu'negu Kraisinku'ma onensi mofavremofo hiaza huta rempima huneramuna zana netretma, nena vahe avamente mani'nenketa, ko'ma fri avu'avazampintima tamagu'a rukrehe hutma Anumzamofonte tamentinti hiho huta tamasami'nona kea, tamasami vava huta ovugahune.

Hibru 6:1 Iomraidhean Croise

Proveps-Knare Nomaniza 4:18

Hianagi fatgo vahe'mofo manizamo'a, zgemo zahufa nehnatino remsa hume ne-eno, eme remsa huno feru aseankna nehie.

Matiu 21:29

Ana mofavremo'a ke nona hunteno, Nagra ovugahue hutenoagi, henka agu'a zahe huno vu'ne.

Matiu 21:32

Na'ankure Jonima tmagritega e'neana fatgo avu'ava huramerinaku e'negetma, tamagra agritera tamentinti osu'naze. Hianagi, vahepinti zgo zogi vahe'mo'zane, monko vahe'mo'za agritera zmentinti hu'naze. Hagi tamagra ma ana zana negetmagi, tamagu'a rukrahe hutma tamentinti huonte'naze.

Matiu 3:2

Kefozantamigu tmasunke huta tamagu'a rukrehe hiho, na'ankure mona kumamo'a hago tva'o nehie.

Matiu 4:17

Ana knareti agafa hu'neana, Jisasi mono ke huzmasmino anage hu'ne, tamagu'a rukrahe hiho, na'ankure Anumzamofo mona kumamo'a, hago tva'o nehie.

Matiu 5:48

E'ina hu'negu tamagra monafi neramafama fatgo huno agru hu'nea kna hutma fatgo hutma agru hiho huno zamasmi'ne.

Matiu 7:25

Kora nerigeno, tina hageno ne-egeno, zaho kora atuno ana nona eri tagna vazinaku ana'ana hianagi, ana nona eri tagna ovazi'ne, Na'ankure keri kafino tamino havemofo agofetu nona ome ki'ne.

Maki 1:1

Anumzamofo Mofavre Jisas Kraisi knare musenkea ama agafa hu'ne.

Maki 6:12

Ana hige'za amage'ma nentaza disaipol naga'mo'za vu'za, zmagu'a rukrehe hanazegu, mono kea ome huama hu'za mika vahe zmasami'naze.

Luku 6:48

Agra mago ne'mo no kiankna hu'neankino, mopa kafino uramino have omeri fore huteno, ana agofetu ki'ne. Tima hageno eno ana nona eritagana vazinaku hianagi, eri torera osugahie. Na'ankure hanave nentake hu'nea havere nona ki'ne.

Joni 12:44

Jisasi'a ranke huno amanage hu'ne, iza'o Nagrite amentinti hanimo'a, Nagritekera amentinti osugahianki, Agrama hunantege'na e'nomofonte amentinti hugahie.

Joni 14:1

Atrenkeno tmagu'amo'a kna osino, Anumzamofonte tamentinti nehuta, anahu kna huta Nagrite'ene tamentinti hiho.

Joni 5:24

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Aposol 11:18

Ana kema zamagrama antahite'za, kema huzmanteku'ma hazana netre'za, Anumzamofo ra agi ami'za anage hu'naze, Anumzamo'a megia vahera zamarege'za zamagu'a rukarehe hu'za zamasimu e'nerize hu'naze.

Aposol 17:30

E'inahu hu'za zamagena hu'miza e'naza kna'a, Anumzamo'a agesa ontahi'ne, hagi menina agra miko kaziga vahera hankave nentake ke huno, tamagu'a rukarehe hiho huno hu'ne.

Aposol 2:38

Hazageno, Pita'a zamagrikura anage hu'ne, tamagu'a rukrahe nehutma, Jisas Kraisi agifi mono tina frenkeno, kumi'timia apaseramante'na, ruotge Avamu'mofo museza tamagra erigahaze.

Aposol 20:21

Jiu vahe'ene Griki vahera hu'ama hu'na tamagu'a rukarehe hutma Anumzante ne-etma, Ranti Jisasinte tamentinti hiho hu'na zamasmi'noe.

Aposol 26:20

Hu'neanagi pusantera Damaskasi vahe zamasmite'na, Jerusalemine maka Judia vahe'enena zamasmite'na megi'a vahe'enena anazanke hu'na zamasmi'na, tmagu'a rukarehe hutma Anumzante nevinkeno, tamu'tmama hanaza zamo'a, hago tamagua rukarehe hu'naze hino.

Aposol 3:19

E'i zanku, kasunku hunka kagu'a rukarehe hunka, Anumzamofonte egeno, kumika'a eri atregantegahie.

1 Korinti 13:10

Hu'neanagi ana miko'zamofo fatgozama esigeno'a, osi'a zama nentahuna zamo'a fnane hugahie.

1 Korinti 2:6

Tagrama knare antahintahizamofo keagama nehunana, zmentintifima nena hu'naza vahepi nehune. Hianagi ama knare antahintahigu'ma nehunana, ama knafino, ama mopafi fanane hanaza kva vahetmimofo knare antahintahi zankura nosune.

2 Korinti 7:1

Na'ankure tagrira Anumzamo huvempa hurante'negu, navesima neramantoa ronenimota, tagra'a tazeri avusese hanune. Ama tavufgafine avamupima miko kefozamo'ma tazeri haviza hania zampintira, mani ruotage nehuta Anumzamofo koro huntesune.

2 Korinti 7:10

Na'ankure Anumzamo'a tagripima me'nea tasunku zampi huvazino taza hanigeta, kumira atreta tagu'a rukrehe hanunkeno taguravazina, tagra knazantigura tagesa ontahigahune. Hianagi tasunkuke nehuta tagu'a rukrehema osnunana, fri'za erifore hugahie.

Efesasi 2:1

Korapara ke ruhanentagita, kumitmifi fri'nazane.

Efesasi 2:5

Kasege'a ruha'nentagita fri vahe kna huta mani'nonkeno, asunku'zanteti tahokeno, tagrira fri'zampitira,

Efesasi 4:12

Eri'za erisaza'zama, naga'amokizmi (Saints) zami'neana, non kiaza hu'za Kraisi avufa eri ra hugahaze,

Kolosi 1:28

Hu'negu miko kaziga vunana Kraisinkura, Anumzamo'ma tami'nea knare antahintahireti kegvahiho nanekea nezmasamita rempia hunezamune. Na'ankure Anumzamofontera fatgo hu'za Kraisi'ene tragote'za manisazegu anara nehu'ne.

Kolosi 3:14

Avesimantezamo ana miko avu'avara agaterenegu, rumokizmi zamavesizamanteho. Avesi'ante avu'vazamo ana miko knare avu'avazana azeri manumanu hu'ne.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

1 Timoti 3:16

Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.

1 Timoti 6:19

E'inama hanu'za, zamagra henka'a esnia knafima erisnaza zamofo agafa'a knare hu'za eri atru nehu'za, ana hu'za azerisaza zanteti tamage mani'zana erigahaze.

2 Timoti 2:19

Ana hu'neanagi Anumzamofo nanekemo avempa huno arafuna reno me'ne, azanko avo (seal) me'negeno amanage huno kre'ne, Ra Anumzamofo nagare hu'za mani'naza vahera zamantahino keno hu'ne. Maka agi hanta nevaziza Ra Anumzane nehaza vahe'mo'za kefo mani'zampina maniagetagi'za maniho.

Hibru 11:6

Amentintima omane'nesigeno'a, Anumzamofo avesizama avaririzamo'a amuho huntegahie. Na'ankure iza'o Anumzamofontema esimo'a, agra amentintima haniana, Anumzana mni'neankino, Agriku'ma hakaza vahera mizana nezamie huno antahino. (Jen-Agf 6:13-22)

Hibru 12:13

Kagamoma vania kana erintefatgo nehugeno, hanavezmi nomanegeno zamagamo haviza hu'nesia vahe'mo'za, oti hanavenetiza trakara osu'za kavaririza viho.

Hibru 7:11

Mosese kasegemo'a huno, Livai nagapintike prisi vahera manigahie huno hige'za mni'nazanagi, ana prisi vahe'mo'za mago vahera zmazeri knarera osu'nazagu mago Melkisedekikna prisi ne'ma fore'ma haniana, Aron nagapinti rompage, ru nagapinti fore'ma hanigeno knarera hugahie hu'ne.

Hibru 9:14

Hagi tamagesa antahiho, Kraisi koramo'a razankrefa me'neankino, fri avu'avazama nehunkeno tagutagesa azeri agru higeta, kasefa huno mni'nea Anumzamofona monora hunentone. Na'ankure manivava Avamumofo hankavere, Kraisi'a kefozama'a omne ne'mo, Anumzamofontera Agra'a avufga tagri kumikura aguza rune.

Jemisi 1:4

Hagi maka kna tamagra oti hanavetita, knazana erita nevinkeno, ana tamavutmavazamo'a hanavetino nevina, Anumzamofo avu'avama huzampina, atupara osnageno, fatgo huno knare hugahie.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

1 Joni 4:12

Mago vahe'mo'e huno Anumzamofona onke'ne, tagrama rumokizmigu ovesinte avesintema hanunkeno'a, Anumzamo'a tagrane manina, Agri avesizamo'a fatgo huno tagrane megahie.