Hibru 3:6 - Kamano

⁶ Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Anumzamofo Routage Avantafere

⁶ Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Hibru 3:6 Iomraidhean Croise

Matiu 10:22

Hakare vahe'moza Nagri nagima hesaza'zanku ha'reramantegahaze. Hianagi aza'o oti hanavetino refare'ma vanimofona agu'vazigahie.

Matiu 16:18

Nagra anage hu'na negasmue, kagra Pitage, hanki'na ama ana havere, mono noni'a ki'nugeno, fri'zamofo hanavemo'a azeri agete'oregahie.

Matiu 24:13

Hu'neanagi aza'o amentintifima oti hampo'nama huno atupare'ma vanimofona aguvazigahie.

Romu 11:22

E'ina hu'negu Anumzamofo fru avu'ava ene hihamu avu'ava'anenku tamagesa antahiho. Trakama hzamokizmia Anumzamo'a zmazeri haviza neheie. Hianagi tamagrira fru avu'ava hurmantegahie. Tamagrama Anumzamofo fru avu'avazma huta ovnageno'a, ru tamagri enena ana zanke huno hantgi tamatregahie.

Romu 12:12

Fore hanigu hankave antahintahima hunemiza zankura musena nehuta, tusi'a knazama fore'ma hanigetma kazikazi huta nevutma nunamu huvava hiho.

Romu 15:13

Fore'ma haniguma amuhama nehunazamofo Anumzamo, miko musezane rimpa fruzana tamentintifina antevi'netena, Ruotge Avamumofo hankavefi fore'ma hanigura amuhara hugahaze.

Romu 5:2

Na'ankure Kraisimpi tamentinti hu'nazamo tavreno amama mreri agatere'nea kumapi efregeta menina otineta, hankavea e'nereta, Anumzamo'ma msazama'anema esigura avega ante'nonazamo higeta musena nehune.

1 Korinti 3:16

Tamagra Anumzamofo mono no mani'nageno, Anumzamofo Avamu'mo'ma tamagu'afima mani'neana ontahi'nazo?

1 Korinti 6:19

Tmavufamo'a Ruotage Avamumofo mono no me'negeno, Ruotge Avamuma Anumzamo'ma tmagri'ma tmi'nea avamumo'ma anampinkama mni'neana tamagra ontahi'nazo? E'ina hu'negu tamagra 'a su'ana omni'naze.

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

Galesia 6:10

E'ina hu'negu tagrama vahe'ma zmaza huga kankamuma fore'ma hanigetma, maka vahera knare tavutva hunezamita, Ramofonte'ma zamentintima nehaza nagara zamazahutfaza hugahaze.

Galesia 6:9

E'ina hanigu knare avu'avama hu'zankura tavesra osanie. Tagrama hanavetita erizama erisuta, nezama kafi knazupa knare ne'za kafigahune.

Efesasi 3:12

Na'ankure Kraisinte tagra tamentinti nehunku, koro osuta Anumzamofo tvaonte nevune.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

1 Tesalonaika 5:16

Makazupa muse hiho.

2 Tesalonaika 2:16

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino,

1 Timoti 3:15

Hianagi mago'a zamo'ma nazerinke'na omesugenka, nagrama avoma kre troana kagra kenka antahinka hu'nane, vahe'mo'za inankna hu'za Anumzamofo nagara zamagra kegva hugahaze, kasefa huno mni'nea Anumzamofo mono nonte'ma, atru re'nea anumza zafa, tamage kemofo agafa'e.

Hibru 1:2

Hianagi menima vgare knafina Nemofompi huvazino keaga huramiana, e'i ana Mofavre'amofo azampinti ama mopa erifore hu'nemofo maka'zana erisinti harete'ne.

Hibru 10:19

E'ina hu'negu nafuheta hanavetita Jisasi koranteti azeri Ruotge hu'nefinka ufrenune.

Hibru 10:21

Hagi tagri Mreri Agatere Prisi Ne'mo, Anumzamofo vahetera kegva hu'negu,

Hibru 10:23

Fore hugahie huta tamentinti nehuta huama nehuna zana azeri hanavetisune. Na'ankure huvempama hurantenemo'a hugahuema hu'neazana amanehu nere.

Hibru 10:35

Hu'negu e'i ana hanave kamentintima Ramofontema hunte'nana zana otro. Na'ankure ana hanave kamentintiretira tusi'a miza erigahane.

Hibru 11:1

Amentintima hu'zana, onke'nona zamofo tamage huno fore hugahie huta amuhama nehuna zane.

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

Hibru 4:11

E'ina hu'negu manifruhu kumapima ufre'zankura hankavenetita, ke ontahi vahe'mo'za ke runetrage'za fanane hunazankna huzankura kva hanune.

Hibru 4:14

E'ina hu'negu tagrira mareri ageteresa prisi nera monafinka ufrenemofonte, Anumzamofo Ne' Mofavrere Jisasinte tamentintia azeri hankavetisune.

Hibru 4:16

Hu'negu korera osu hanavetita asunku Anumzamofo tramofo avuga ne-eta, asunkuzane avesirantezanena, atupama hanuna knafina erinunkeno taza hugahie.

Hibru 6:11

Hianagi tagri'ma tavenesiana, kasefama huta ama mopare'ma mani'nenare vahe'ma avesintezana azeri hanavetineta vgare knarera unehanatita, amuhama hu'nemiza zana omerigahaze.

Hibru 6:18

Anumzamo'a huvempa hu'nea ke'ane, hugahuema hu'nea kemoke eri'ante amama hiana, Anumzamo'a havigea osugahie hu'ne. Ana hu'negu tagra maka havizama ne-enketa, Agritega freta vuta kasefa hanavea ome enerita, fore'ma hanigu tamentintima nehu'naza azeri hanavetigahune.

Hibru 7:19

Na'ankure kasegemo'a ana mikozana eriknarera nosie. Hianagi knare'zama fore hugahiema huta amuhama hunemunazamo noma'a e'nerino Anumzamofonte tavreno urava'o nehie.

1 Pita 1:8

Hanki tamagra Agrira onke'nazanagi avesinentetma, menina Agrira onkenazanagi, Agritera tamentinti nehuta, tusi musenkase hunteta agi'a erisaga nehaze.

1 Pita 2:5

Tamagranena asimu eri havegna hu'nazageno, avamupi mono nona kiaza nehigetma, avamupi ruotge prisi vahe'mofo nonkna nehutma, Anumzamo avesi'nea ofa Jisasimpi avamupina hunentaze.

1 Pita 4:17

Na'ankure Anumzamo'ma vahe'ma refko hania kna hago neankino, esera Anumzamo'a Agri'a nagamota refko hugahie. Hanki tagritema agafama huno refkoma hanuno'a, knare musenkerema zamentintima nosaza vahetera, inankna hugahie.

Revalesen-Hufo Hu'ne 2:18

Taiataira kumate nemaniza mono nagamokizmi ankeromofona amanage hunka kremio, Anumzamofo mofavremofona avurgamo'a teve anefakna nehigeno, agamo'a pehe huno bronsi havegna huno marave marave hu'nemo'a anage hu'ne.

Revalesen-Hufo Hu'ne 2:25

Ana hu'negu nazano menima azerinana zana azeri hanavetinege'na, Nagra a'neno.

Revalesen-Hufo Hu'ne 2:26

Iza'o ha'ma agatenereno, Nagri navunava huno vgare knarema vanimofona, anamofona Nagra hanave amisugeno, rama'a vahe kegva krizmantegahie.

Revalesen-Hufo Hu'ne 3:11

Nagra ame hu'na egahuanki, ko'ma eri'nana zana azeri kona huo, ana'ma osnanke'za rumo'za kini fetori ka'a erigahaze.