Hibru 13:7 - Kamano

⁷ Vugotama huramantenaza vahe'mozama Anumzamofo nanekema tamasminaza kegu tamagesa antahiho. Nomani zazmia refako huta negeta tamentintifina, zamagrikna huta maniho.

Anumzamofo Routage Avantafere

⁷ Hagi vugotama huramante'naza vahe'mo'zama Anumzamofo nanekema tamasmi'naza kegu tamagesa antahiho. Nomani zazmia refako huta negeta tamentintifina, zamagrikna huta maniho.

Hibru 13:7 Iomraidhean Croise

Matiu 24:45

Aza'o ke amage'anteno knare antahintahine kazokzo eriza ne'ma mni'nesiana, kva'amo noma'afi vahete kva hunte'nesigeno, ruga'a kazokzo eriza vahera knafatgorera ne'zana zamigahie.

Luku 12:42

Anante Ramo huno, knare antahizanteti eri'zama'a erifatgo nehania ne'mofo kva'amo'a, huntenkeno mago'a eri'za vahe'a kva krinezmanteno, nezama nesaza zana kna fatgore refko huzamisia vahera iza'e?

Luku 5:1

Mago knazupa Jisasi'a Genesareti tiru ankenare otino mani'nege'za, tusi'a vahe kevumo'za Anumzamofo naneke antahinaku ome eritruhu'za manititipa hu'naze.

Luku 8:11

Ana fronka kemofo agafa'a amanahu me'ne. Ana avimazana Anumzamofo ke me'ne.

Aposol 13:46

Poli'ene Banabasi'kea hanavetike koro osu anage hu'na'e, Esera Juda vahe'motma Anumzamofo nanekea tmasmi'nonanagi, tamagra tmefi ana kea hunemitma fatgoma hutma mani'netma manivava asimu erizankura tame'nosigu, megi'a vahete tagra rukarehe nehu'e.

Aposol 14:23

Ana nehuke, mono kva vahe (elda) mago'a mono nonte zamazeri onetike ne'zana a'o huneke nunamu nehune, zanamentintima neha'a Ramofo azampi zamante'na'e.

Aposol 4:31

Nunamu hutageno, anama zogitru hu'za mani'naza nomo'a kazakaza higeno, ruotge Avamumo'a zamagu'afi avitege'za, Anumzamofo nanekea reku osu'za agafa hu'za hu'naze.

Romu 10:17

E'ina hu'negu vahe'mo'za ke nanenke nentahizageno zamentintia erionetie nehaze. E'i ana kea Kraisi knare musenke me'ne.

1 Korinti 10:13

Antahio! revatga zama ne-eana kagritekera nome, hakare'a vahete neankna huno ne-e. Anumzamo'a Agra knare hu'neankino atresigeno, ana revatgazamo'a hanavetino kazeri otregahie. Revatgaza ne-enkeno'a katresigenka evuoramigahananki, kana kaverina oti hanavetinka manigahane.

1 Korinti 11:1

Nagrama Jisas Kraisi nege'na nevararuaza hutma nagri navu'nava negeta avaririho.

1 Korinti 4:16

E'ina hu'negu nagra huhanveti'na nermasamuanki, nagri navu'nava eriho.

Filipai 3:17

Nafuheta nasareheta nagra nehua navunavakna nehutma, tagrama rempi huzaminona tavutavazama amagema nentaza vahera ke'so'e hiho.

1 Tesalonaika 1:6

Tamagranena, tagrama nehunaza tavaririta nehuta, Ramo'ma nehiankna nehutma, tamagra Anumzamofo naneke e'nerizageno, rama'a knazana neramizanagi, Ruotge Avamumo tamazeri otigetma muse nehaze.

1 Tesalonaika 2:13

Maka kna tagra Anumzamofona susu hunentone, tamagrama tamametintima hu'naza zankura, ana kema huama hunketma tamagrama erinazana, vahe'mofo ke eriaza hutma e'ori'naze. Hianagi tamagra Anumzamofo tamage ke eri'naze.

2 Tesalonaika 3:7

Na'ankure tamagra antahinaze, tagrama rempima hurami'nona avu'avazamofo negetma avaririho. Na'ankure tagra amu'nontamifima tavesrama osu,

2 Tesalonaika 3:9

Hianagi tagra mago'a neza taminageta e'rinakura nosunanagi, tagra knare tavutavama huza tamaveri hanunketma, tamagra ana tavu'tavaza avaririhogu nehune.

1 Timoti 3:5

Hu'neanagi naga'a kvagri so'e nosnimo'a, ina kna huno Anumzamofo mono' nona kegva hugahie?

Hibru 13:17

Vugotama hurmantenesimofona agorga nemanita, ke'zamia amage anteho. Na'ankure zamagra tamagri tamagu'are kegva nehu'za, henkama Anumzamofo refako huzampina tamagri tamagenkema hu'ama hanaza vahe mani'naze. Hagi ana eri'zama erisazana zamatrenke'za musezampinti e'neri'za zamata e'oriho, na'ankure ana zamo'a tamaza osugahie.

Hibru 13:24

Kava vahetamine, maka mono naga'motarega musenke atreramantoe. Italima mani'naza mono nagamo'zanena musenkea hurmantaze.

Hibru 6:12

E'ina hu'negu feru vahera omaniho. Hianagi amentintifine akohe'za avegante avu'avazampi manine'za huvempa huzmante'nea zantamima erisintihare'naza vahekna hiho.

1 Pita 4:11

Magomo'ma Anumzamofo nanekema huamahu musezama eri'nenimo'a, huama nehina, mago'mo'ma vahe'ma azahu musezama eri'nenimo'a, Anumzamo'ma ami'nea hanavereti vahera aza nehinketa, makazama hanazana Anumzamofoma ra agima amizanke hiho. Na'ankure Jisas Kraisi'a masnentake huno hanave'ane mni'ne. Tamage.

Revalesen-Hufo Hu'ne 1:9

Nagra Joni'na neramafu'na Anumzamofo kumaku'ma knama enerita Jisasinte'ma kazigazi huta magoka nevumo'na, navre'za ti amunompi Patmosie nehaza mopa, me'nere ome nante'naze. Na'ankure Anumzamofo kereku'ene, Jisasi agenkema huama'ma nehua zanku anara hu'naze.

Revalesen-Hufo Hu'ne 20:4

Hanki anantera kini tratami me'negena kogeno, ana tratema maninaza vahera keagama refko hanaza hanave Anumzamo'a zmi'ne. Anantera kogeno, Jisasinte'ma zamentintima nehu'za Anumzamofo kerema amagema nente'za, afi zgamofo amema'arema mono hunonte'za, kokovite'ene zmazantema nampama e'ori'naza vahe'mokizmia zmanakema akafrinaza vahe'mo'za, zmasimu eri'za Jisasi'ene 1 tauseni'a kafu zgefina kini vahe manigahaze.

Revalesen-Hufo Hu'ne 6:9

Anantera sipisipi anentamo'ma avontafera nampa 5 fukima rukamare'nea eri kanonepegeno, kre sramnavu ita agafafintira, Anumzamofo ke'ma nentahiza amage'ma nentazageno, zmahage'za fri'namoza,