Hibru 13:21 - Kamano

²¹ Agri avesizama'a avaririzantema upama hanarera, maka knare zama'areti tamazeri knare hugahie. Hakare'zana Jisas Kraisimpi nehanunkeno Anumzamo'a muse hanie. Hakarea ra agia Agrake erivava hanie. Tamage.

Anumzamofo Routage Avantafere

²¹ Agri avesizama'a avaririzantema upama hanarera, maka knare zama'areti tamazeri knare hugahie. Hakare'zana Jisas Kraisimpi nehanunkeno Anumzamo'a muse hanie. Hakarea ra agia Agrake erivava hanie. Tamage.

Hibru 13:21 Iomraidhean Croise

Matiu 12:50

Iza'o monafi mni'nea Nenfa avesi'zama amage'ma antesimo'a, agra nenagna'ene nensarozane, nenreraza mni'naze.

Matiu 21:31

Taremokiznifintira inamo nefa avesizana avaririne? Zamagra hu'za Pusante'mo'e, hzageno Jisasi anage huno, Nagra tamage neramasmue, zgoma vahepinti zonegiza vahe'ene, monkote'ma nehaza vahe'mo'za tmagrira tmagatere'za Anumzamofo kumapina vugahaze.

Matiu 28:20

Nagrama huramantoa kasege rempi huzaminke'za ana miko vahe'mo'za avaririho. Hagi kma antahiho, Hakare zupa tamagra ne manina nevanenkeno mafkaza vgaregahie.

Matiu 6:13

Nehunka tatregeta rerahe'zampina uoframaneno, hianagi hankromofo azampintira tza hunka tavro. [Na'ankure Kagri mona kumamo mevava hugahie. Tamage.]

Matiu 7:21

Mago'a vahe'mo'za Nagriku, Ra Anumzanti, Ra Anumzantie nahaza vahe'mo'za, mona kumapina ovugahaze. Hianagi iza'o monafi nemnia Nfanimofi avesi'ma nevariri'samo'za ufregahaze.

Joni 17:23

Nagra zamagripi manugenka, Kagra, Nagripi mani'nane, hanige'za zamagra magoke zamarimpa hu'za manigahaze. Ana hananke'za ama mopafi vahe'mo'za nege'za, Kagra huntankeno ama mopafina e'ne hu'za nentahi sagenka, Nagri'ma kvesi nante'nana kna hunka, zamavesi zamantegahane.

Joni 7:17

Aza'o agu'amo otinkeno Anumzamofo avesi'za huku hanimo'a, rempima nehuana agra antahino, Anumzamofonteti e'nefi, Nagrani'a navesite nehufi refko huno kegahie.

Romu 11:36

Na'ankure Agripinti ana maka zamo'a fore nehuno, Agri hankavefi mikozamo'a me'ne. Miko zupa Ragi Agra erivava hanie, Tamage.

Romu 16:27

Agrake, knare antahizane Anumzamo, Jisas Kraisimpi, ra agi'a erivava hugahie. Tamage.

2 Korinti 9:8

Anumzamo'a knare huno makazampina asunkuzama'a eri avitermantena, aviteta mani'neta, mika zupa rama'a me'nesnifinti knare tamavu'tmava huta vahe'mofona zamaza hugahaze.

Galesia 1:5

Ana hu'negu Anumzamo ra agia, Agra'a eri vava hugahie! Tamage.

Efesasi 2:10

Na'ankure tagrira, Agra'a tro hurante'ne, Krais Jisasimpi knare eri'za erisnunku, Anumzamo korapa ana kana retro hunte'neankita, knare eri'za enerita ana kantera vugahune.

Efesasi 2:18

Na'ankure Agripinti tarega vahe'mota, magoke Avamu e'nerita, Nerfantera vugahune.

Filipai 1:11

Fatgo avu'ava'zama Jisas Kraisima eri fore'ma nehiazamo tagripi avinete'na, vahe'mo'za nege'za Anumzamofona ra agi nemiza, agi'a erisaga hugahaze.

Filipai 2:11

Ana nehnigeno maka vahe'mo'za Jisas Kraisi'a Rane hu'za zamagiteti huama nehu'za, Anumza Nerfa'a hanave'afi mani'ne hugahaze.

Filipai 2:13

Na'ankure Anumzamo tamagripi eri'za e'nerie, Agra tmagu'a tamazeri otigetma kezafa hutma eri'zama'a e'neriza zane, Agri avesi avariri hanave'a tami'ne.

Filipai 4:13

Kraisi'a hanavea nenamigena, Agri hanavefi maka'zana amne hugahue.

Filipai 4:18

Na'ankure rama'aza nagrira namizageno avite'ne, upa'ma hu'noa zama'a mika eri'noe. Na'ankure Epafrotitusi musezama antageno erino e'nefina mananentake zama, kre sramna vu ofagna nehigeno, Anumzamo'a muse huno e'inahu musezana e'nerie.

Kolosi 3:17

Kegaga hanampino, eri'za erisampina, Rantimofo Jisasi agifi makazana huo. Jisasimpi Anumza Nafatimofona susu huntegahune.

Kolosi 3:20

Mofavre'mota mika zupa neramarera tamafa ke amage anteho, na'ankure Ramo'a muse hugahie.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

1 Tesalonaika 3:13

E'ina hu'neankino, Jisasi'a maka Naga'anema esia knarera tamazeri hanavetina, maka hazenketami omnena, ruotge huta nemanita, manifatgo nehuta, Anumza Nafatimofo avurera hazenke'tamia omanegahie. Tamage.

1 Tesalonaika 4:3

Na'ankure ama'i Anumzamofo avesizane, mani agru hutma maka monko avu'avazampina maniho.

1 Tesalonaika 5:23

Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

2 Tesalonaika 2:17

tamazeri so'e nehuno, kema hanazano, maka knare erizama erisazana, tamagu'a tamazeri hanavetigahie.

1 Timoti 1:17

Menine maka knafi manivava nehia Kini nera, ofrino, vahe'mo onke, magoke Anumzana, konariri'ane manivava hugahie. Tmage.

1 Timoti 5:10

Ana kentomo knare avu'ava nehiaza negesageno, mofavre zga'a negrino, aru vahe agampu nehuno, mono kva vahe zamaga sese nehuno, knafi mani'nesaza vahe zamaza nehuno, ana eri'zama'a arimpa amino knare huno erigahie.

1 Timoti 6:16

Agrake'za ofrino mani'vava hugahie, tusi'a msa'afi mani'neankiza vahe'mo'za urva'o osugahaze. Mago'mo'e huno onke'neanki'za onkegahaze. Agripi Ra agine, hanave'anena mevava hugahie. Tmage.

2 Timoti 3:17

Na'ankure Anumzamofo vahe'mo'za atupa'ma hu'zankura ana nanekemo vite'zmante'nena, maka knare'za zamia erigahaze.

2 Timoti 4:18

Ra Anumzamo maka havizampinti nahoke heno nenavreno, Agra nemnia kumate monafinka kva hunanteno navreno vugahie. Agra konariri nentake msa'afi nemnimofo agi'a maka zupa hentesga huvava hanune. Tmage.

Hibru 10:36

Akohenka maninenka knazana erinka vanunka, Anumzamofo avesi nevaririnka, Anumzamo'ma huhampri kante'neazana erigahane.

Hibru 12:23

Kagra Anumzamofo zage mofavremokizmi zamagi'a monafinka krentenege'za atru hu'nafi e'nane. Kagra Anumzamofonte mika vahe refko nehia Nete e'nane. Miza sezamantege'za fatgo huza agru huza mni'naza vahe'mofo avamuzmimo mni'nea kumate kagra e'nane.

Hibru 12:28

E'ina hu'negu tagrama e'neruna kumara eri tagosi osu hanavenentake kuma e'nerune. Hu'negu Anumzamofona muse hunenteta, tagu'a anteramita Agri'ma avesinigeno muse hania mono huntesune.

Hibru 13:16

Hagi knare tamavu'tamavama nehuta, atupama hanaza vahe'ma zamaza huzankura tamagera okaniho. Na'ankure e'inahukna avu'avapima tagra'ama amivgareta amizankura, Anumzamo'a muse nehie.

1 Pita 2:5

Tamagranena asimu eri havegna hu'nazageno, avamupi mono nona kiaza nehigetma, avamupi ruotge prisi vahe'mofo nonkna nehutma, Anumzamo avesi'nea ofa Jisasimpi avamupina hunentaze.

1 Pita 4:2

Anahukna huno ama avufganema mni'nenuno'a, vahe'mofo havi avesizampina ovugahianki, Anumzamofo avesizampi vugahie.

2 Pita 3:18

Hianagi Ranti Taguvazi Ne' Jisasi Kraisi asunkuzane, Agri antahintahi zampi hageta ra hiho. Menine henkanena, Agra'a hihamu msa'afi ra agi'a erivava hugahie. Tamage.

1 Joni 2:17

Ama mopane, maka'a avesi'zamo'a vgaregahie. Hianagi iza'o Anumzamofo avesi'ma amage'antesimo'a, manivava hugahie.

1 Joni 3:22

Na'anku'ma antahigona'zana tagra e'nerune, na'ankure Agri kasegea amage nenteta, Agrama muse hiaza nehunkeno'e.

Juti 1:25

Ramo, Jisas Kraisimpi tagu'vazino taza hu'nea Nera, Agrake Anumzamo mani'ne, Tamage. Msazanki, ra agigi, hanavegi, kavatia Agrake korapara mani'neankino menina mani'neno, henka manivava huno vugahie. Tamage.

Revalesen-Hufo Hu'ne 4:6

Hagi ana kini tra'mofo avuga, kapoteti tro huntageno msanetake huno rumarave nehiankna hageri me'geno, ana kini tramofo amu'nompine ruga ruga, 4'a asimu anteno mni'nea zgaramina, zmavugane zmefika zmavurgamo'a avite'nea zgamo'za mni korave hu'nazage'na zmage'noe.

Revalesen-Hufo Hu'ne 5:13

Hanki maka'zama tro huzmantege'za zamasimu ante'za monafine, mopafine mopamofo agu'afi mni'naza zgamo'zane, hagerimpi mani'naza zgamo'za, nentahuge'za anage hu'za, Kini trate'ma mani'nemo'ene sipisipi anentamo'a asomu'ene ra agine, kegvamahu hanavemo'a, Znagrite mevava hugahie hu'za hu'naze.

Revalesen-Hufo Hu'ne 5:9

Hagi zmagra kasefa zgame nehu'za anage hu'naze, Kagra avontafera erinka rekamrente'naza fukintamina eriganopega hu'nane. Na'ankure Kagrira kahe frizagenka koranka'anu, mika nofi nagapinti'ene, zmagerupinti'ene, vahepinti'ene, mopafi vahera mi'za sezmante'nane.