Hibru 12:2 - Kamano

² Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.

Anumzamofo Routage Avantafere

² Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.

Hibru 12:2 Iomraidhean Croise

Matiu 16:21

Ana knareti'ma e'neana, Jisasi'a amage nentaza disaipol naga'a agafa huno zmasamino, Agrama Jerusale vanige'za, mono kva (elda) vahe'mo'zane, ugagota prisi vahe'mo'zane, kasegere ugota hu'naza vahe'mo'za, rama'a zampi azeri haviza nehu'za ahe frisageno tagufa knarera otigahie, huno zmasami'ne.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Maki 14:36

Agra huno, Aba, Nfanimoke! Maka'zana amane hugahane, ama kapua eri atro, Nagri navesira ovarario, Kagra kavesi avaririo.

Maki 15:28

[Ana nehzageno korapa'ma Anumzamofo avontafepi kre'nea kemofo avufga'a efore' hu'ne. Ana kemo'a, hazenke vahe'kna hugahie hu'ne (Aisa 53:12)].

Maki 16:19

Anage huno zamasmitegeno, Anumzamo'a Jisasina avareno monafi marerino, azantmaga kaziga ome antegeno mani'ne.

Maki 9:12

Jisasi'a anage huno zmasami'ne, Tamage Ilaija ko eno maka'zama haviza hu'neazana eriso'e hu'ne. Hagi na'a higeno avontafepina krenteno, Vahe'mofo Mofavremo'a rama'a ataza erina, vahe'mo'za zamefi humigahaze hu'ne?

Maki 9:24

Ana mofavremofo nefa'a ranke hantka huno anage hu'ne, namentinti huanki namentintima osu'zana naza huo!

Luku 17:5

Aposol naga'amo'za, Ramofona anage hu'za asmi'naze, tamentintia eri ra huo hu'za hazageno,

Luku 23:11

Hanki Heroti'ene sondia vahe'ane, Jisasina revatga vatago nehu'za, azanava anteza azeri haviza hute'za, knare avonke kukena eri antaninente'za, huzmantege'za Paerotinte ete avre'za vu'naze.

Luku 24:26

Kraisi'a ataza eriteno, msa'afi ufresiana, knarera osugahio? I'o.

Joni 1:29

Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

Joni 12:24

Tamage hu'na neramasmue, witi rgamo'ma mopafi taniramino ofrisigeno'a anante megahie. Hianagi taniramino mopa agu'afi frisigeno'a rama'a rga'a rentegahie.

Joni 12:32

Hanki, Nagri'ma mopafinti nazeri'sga hanige'na, hakare vahera zamare Nagrarega atregahue,

Joni 13:3

Jisasi'a antahi'ne, Nefa'a maka'zana Agri azampi ante'ne, Anumzamofonteti e'neankino, ete Anumzamofonte vugahie.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

Joni 8:56

Neramafa Abrahamu'a Nagri kna kenaku muse nehuno, keteno tusi'a muse hu'ne.

Aposol 2:36

E'ina hu'negu, maka Israeli vahe'motma tamage hutma antahi ankereho, tamagrama aheta hanti'naza nera, Anumzamo azeri otigeno, Ra vahe tro huno Kraisi mani'ne.

Aposol 3:15

Hagi tamagra Asimu'mofo agafa ahe fri'nazanagi, Anumzamo azerioti nemofo, tagra tamage huta tavufinti ke'no'a zanku nehu'e.

Aposol 5:31

Anumzamo'a azeri otino aza tmaga kaziga'a anteno, ugagota kva ne' taguvazi nere hu'ne. Agrite Israeli vahe'mo'za zamagu'a rukrahe hanageno, kumizmia eri atrezmantegahie.

Aposol 5:41

Hige'za aposol nagamo'za ana kanisol naga zamureti'ma zamatre'za nevu'za, Anumzamofo avure mani'neta Jisasi agire'ma eriga knaza erune, nehu'za muse hume vu'naze.

1 Korinti 1:18

Fnanema hanaza vahe'mo'za keka zafamofo nanekegura neginagi naneke hu'za nentahize. Hu'neanagi tagri'ma tagu'vazino tavre'nea vahe'mota, e'i Anumzamofo himamu'e huta nehune.

1 Korinti 1:23

tagra Kraisi rugeka zafare ahe'za hanti'naza naneke huama nehunazamo'a, Jiu vahe'mokizmia zmagigo zamino zmazeri tanafahu havegna nehuno, megi'a vahetera neginagi nanekegna nehie.

Efesasi 2:16

Rugeka zafare Kraisi'a frino ha' frama tamagra'rmagra hu'zana eritreno, tamazeri mago higetma, Anumzamofona magoke avufagna hu'naze.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

Filipai 1:6

Na'ankure nagra antahi'noe, Anumzamo tamagripi knare eri'zama erigafa hu'nea eri'za erime nevnageno, Krais Jisasi esnia knare eri vgaregahie.

Filipai 3:20

Tagri kumara monare me'negeta, Tazahu ne'ma eramisigu negeta tagesa are'are nehuta, Ranti Jisas Kraisi'ma esigu avega ante'none.

2 Timoti 4:8

Henka tagenoka hania zupa, fatgo avu'avazamofo kini fetori antani nantesiana antenante'ne. E'i Ra Anumzama fatgo huno naneke fgagohu ne'mo, ana knama ehnatisia zupa namigahie, nagrikera onmigahie. Hagi maka veama avesi nente'za eama hanigu Agri avegamanentaza nagamozane erigahaze.

Hibru 1:13

Hianagi ina ankeronku Anumzamo'a huno, kagra nazantamaga kaziga mani'negena ha' vaheka'a zamazeri kaga tra antaneno hu'ne? (Sam-Zga 110:1)

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

Hibru 10:14

Na'ankure magoke zupa avufga agu'za ru'nea zamo, zmazeri ruotge hu'naza nagamokizmia, miko zupa zamazeri knare'zantfa nehie.

Hibru 10:33

Mago'a zupa vahe avufi kazeri ama hu'za kaheza katazana kami'naze. Anahukna hu'za mago'a zupa zmahe'za zmatama zamiza vahera zamaza hu'nane.

Hibru 11:36

Mago'amokizmia kiza zokago ke hu'nezamante'za sefu kanonkeve zamiza zmavufga zmahe tragatrogo nehu'za, mago'amokizmi'a kina rezmante'za zamavre'za kina hu'nezmantaze.

Hibru 12:3

Kumi vahe'mo'zama e'inahukna knazama Jisasima amizageno kazigazi huno erino vu'neazanku, nentahita tamagu'a kragogo onkita tamentintia otreho.

Hibru 13:13

Hu'negu kuma'mofo fegu'a Agrite nevuta, Agrama hu'neaza huta tagazezana erigahune.

Hibru 5:9

E'i ana atazama eri'nea agofetu Anumzamo'a fatgo nere huntegeno, maka Agri'ma amage'ma antaza vahe'mokizmirera, manivava hanagu zmahokenea zamofo agafa'a mani'ne.

Hibru 7:19

Na'ankure kasegemo'a ana mikozana eriknarera nosie. Hianagi knare'zama fore hugahiema huta amuhama hunemunazamo noma'a e'nerino Anumzamofonte tavreno urava'o nehie.

Hibru 8:1

Tagrama nehunazamofo agafa'a ama'ne, tagrira Ugagota Prisi ne'tia monafinka mreri agaterenea kini trate Anumzamofo azantamaga kaziga mani'ne.

Hibru 9:28

Hu'negu Kraisi'a magoke zupa frino rama'a vahe kumira eritrezamtene. Agrama henkama esu'no'a kumiti eritrerante'nakura omegahianki, Agriku'ma tusiza hu'za avegama ante'namokizmi zmahokeno zmavrenaku egahie.

Jemisi 2:1

Nafuhete, hanavenentake msa'ane Rantimofo Jisasi Kraisimpi tamentinti nehaza vahe'motma, rezogitma mago vahekuke tamavesi onteho.

1 Pita 1:11

Kraisi Avamumo zamagripi mni'neno, Kraisi'ma atama eriteno, ra agima erisia zankura zmasamine. Ana nehige'za zmagra Kraisi'a inankna Ne'mo, ina zupa efore hugahie hu'za hu'naze.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

1 Pita 3:22

Hagi Jisasi'ma monafinka vuno Anumzamofo azantmaga umani'nege'za, maka ankero vahe'mo'zane, kegva hu'nazamozane, hanavemo'za, Agri agorga'a mani'naze.

Juti 1:21

Hagi Anumzamofo avesizampi nemanita, Rantimo Jisas Kraisi asunku zampima manivava manizama tamikema hu'nea zankura tamavresra osu avega anteho.

Revalesen-Hufo Hu'ne 1:11

Amama kana zantamina avontafe krenka, 7ni'a kumate me'nea mono nontaminte atregeno vino. Efesasima, Smenama, Pegamamima, Taitariama, Sadisima, Fildafiama, Ledosiama hunka krezamio.

Revalesen-Hufo Hu'ne 1:17

Nagrama ana ne'ma nege'na, agafi traka hu'na fri vahekna hugeno, tamaga azanu nagofetu nenteno anage hu'ne, Korera kagra osuo, Nagrani'a ese agafahu mani'na, vgarera mani'noe.

Revalesen-Hufo Hu'ne 1:8

Nagrani'a ese agafahu manina (Alfa), vgare mni'noe (Omega). Korapa mni'nena, menina mni'noankina, henka egahue huno hanavenentake Ra Anumzamo'a hu'ne.

Revalesen-Hufo Hu'ne 2:8

Hagi Smena kumate maninaza mono nagamokizmi ankeromofona amanage hunka krezamio, Nagra e'se agafahu mani'na, vgare mani'nena, fritena otina mani'nomona, anage nehue,