Galesia 4:3 - Kamano

³ Anahukna kante tagranena mofavrema mni'neta, ama mopama kegva hu'naza avamutamimofo zmagorga'a mni'neta kazokzo hu'nonane.

Anumzamofo Routage Avantafere

³ Anahukna kante tagranena mofavrema mani'neta, ama mopama kegava hu'naza avamutamimofo zmagorga'a mani'neta kazokzo hu'nonane.

Galesia 4:3 Iomraidhean Croise

Matiu 11:28

Ana'ana nehuta mragu'za netinkeno, knama tamavenesinimota nagrite enkena tamazeri fru haneno.

Joni 8:31

Jisasi'a, Jiu vahe zamentinti hu'namokizmia amanage huno zamasmi'ne, Nanekeni'a miko knama erizafa huvava hanuta, tamagra Nagri namage ante disaipol naga manigahaze.

Aposol 15:10

Hagi menina nahigetma Anumzamofona rimpa he'zana nehutma, bulumaka'amofo zamanankempi anaki nezmantaza kna knanentake agare namare zafa (Yoke) Jisasi amage nentaza disaipol nagapina nentaze. Tagri nerageho'ene, tagranena eriga osu'nonankna knazana zaminaku nehazo?

Romu 7:14

Hu'negu, kasegefina hazenkea omanene, na'ankure mopare navufga erina maninogu kumimofo kazokzo eri'za vahe' mizante atreankna nehie.

Romu 8:15

Ana hu'negu tamazeri kazokzo eri'za vahe tamanteno tamazeri korohu Avamura tamagra e'orinaze. Hianagi tamagra Anumzamofo mofavre hu Avamu erineta Anumzamofonkura Aba, Nerafa'e nehune!

2 Korinti 11:20

Tamage, tamagra zamatrazage'za vahe'mo'za tamazeri kazokzo eri'za vahe kna huneramante'za, reramatga nehu'za, tamagripinti musufa e'neriza, zamagra zamufga eri sga nehu'za tamavugosafi neramahazageta ke nosaze.

Galesia 2:4

Hianagi havige mono nerafu'za mono vahekna hu'za atrumahumpi enefre'za, Kraisi Jisasimpi fruhuta mni'nonazana tavre'za korapa avu'avazampi kinarerante'naku efre'naze.

Galesia 3:19

E'inama hu'nesiana, na'a agafare kasegea ami'ne? Kasegema zami'neana vahe'mo'za kefozama nehazaza keama hnazegu zami'ne. Hianagi ama ana kasegema avaririzamo'a memevuno, Anumzamo huvempama hu'nea Mofavrema esia knare ome vgaregahie. E'i anazamo'a mago'ane ruzahu hu'ne. Anumzamo'a ankero vahera kasegea zamige'za, Anumzane, vahe'mofone amuno ne' Mosese ami'naze.

Galesia 4:2

Hianagi ana mofavremo'a fenozama kegva hu'naza vahe'ene, agri'ma kegva hu'naza vahe'mofo agorga'a mni'nenigeno, nefa'ma fenozama erisanti haregahane hunte'nesia kna efore hugahie.

Galesia 4:24

Ama ana a'tremokizni kemo'a Anumzamo'ma Agra'a vahe'enema hagerafino manisaza kemofo erinte'ama hu'ne. Hega'a kazokzo a'mo'a Sainai agonafima Anumzamo'ma hagerafinea kemofo hu avame huno mani'ne. Agri nagapintima fore'ma haza nagamo'za kasegemofona kazokzo naga mani'naze.

Galesia 4:25

Hega'a Arabia kaziga Sainai agonane, menima me'nea Jerusale rankuma hu avame huno mani'ne. Na'ankure agrane mofavre'aramine kazokzo naga mani'naze.

Galesia 4:31

E'ina hu'negu nenafugata, tagra kazokzo a'mofo mofavrea omni'nonanki, kazokzo osu a'mofo mofavre'rami mani'none.

Galesia 4:8

Tamagra korapara Anumzana keta antahita osu'neta, amne zanku, anumzantie huta nehazageno, kina reramantegeta anazamofo kazokzo vahe mni'nazane.

Galesia 4:9

Hianagi menina Anumzamofona keta antahita hazageno, Anumzamo'enena tamagrira tamegeno antahino hu'neanki, nahigeta tamagena hunemita, haviza huno hanave'a omne avamute nehuta, mago'ane kazokzo eri'za vahe'a manisune huta nehazo?

Kolosi 2:20

Tamagra Kraisi'ene frizageno, Agra ama mopafi havi Avamumofo hankavefintira kazufe tamantegetma fru hutma mani'nazagu, nahigetma ama mopafi tra keramintera amagera antevava nehaze.

Kolosi 2:8

Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

Hibru 5:12

Menina ko rempi hu'zami vahe manizaresinagi, tamagra zahufa aminte mofavregna nehutma hanave nezana negara osu'nazankita, avontafepintira Anumzamofo zankura mago'ane fruma hu'nesiaza rempi huramigahaze.

Hibru 7:16

Jisasi'ma prisi ne'ma mani'nena tagehe'mo'zama nehazaza huno Livai nagapinti prisi nera omani'neanki, manivava asimumofo hankave prisi ne' mani'ne.