Galesia 1:1 - Kamano

¹ Nagra Poli'na aposol ne'mo'na, ama eri'zana mago'a vahe'mo hunantege, mago'a naga'mo'za erio hazagena e'norue. Hianagi Anumza Nafatimo Jisas Kraisi fri'nefinti azeri otinemo'ene,

Anumzamofo Routage Avantafere

¹ Hagi nagra Poli'na aposolo ne'mo'na, ama eri'zana mago'a vahe'mo hunantege, mago'a naga'mo'za erio hazage'na e'norue. Hianagi Anumza Nafatimo Jisas Kraisi'ma fri'nefinti azeri otine'mo, hunantege'na e'nerue.

Galesia 1:1 Iomraidhean Croise

Joni 10:30

Nenfa'ene, Nagranena magoke mani'no'e.

Joni 20:21

Ru'ene Jisasi zamasmi'ne, Tamarimpamo fru hino, Nenfa hunantege'na e'noaza hu'na, Nagra anazanke hu'na huneramantoe.

Joni 5:19

E'inage hzageno Jisasi kenona zmirera amanage huno zamasmi'ne, Nagra tamagerafa hu'na neramasmue, Nemofo'a Agra'a avesitera mago'zana hugaosu'neankino, ke'nesigeno Nefa'ma huveri'nesia zanke, Nemofo'a anazanke hugahie.

Aposol 22:10

Ana hige'na nagra na'a hugahue Ramoka? hu'na antahigogeno, Ramo'a nagrikura anage hu'ne, Otinka Damaskasi vugeno, maka'zama hugahane hu'na huhampri kante'noa'zana kasamino.

Aposol 3:15

Hagi tamagra Asimu'mofo agafa ahe fri'nazanagi, Anumzamo azerioti nemofo, tagra tamage huta tavufinti ke'no'a zanku nehu'e.

Aposol 9:6

Hu'neanagi otinka ana kumapi ufrenka vuge'za, kagrama nankna'zama hanana zamofo kea kasmigahaze.

Romu 1:1

Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Romu 10:9

Hagi tamagra'ma tamagipinti huama huta Jisasi'a Ramo'e nehutma, Anumzamo fripinti Jisasina azeri oti'ne huta tamagu'areti tamentinti hanageno'a, tmaguvazigahie.

Romu 14:9

E'i ama ana agafare, Kraisi'a friteno ete otino asimu erino manine. Hu'negu asimu erino mani'nea vahe'ene, fri'naza vahe'mokizmi Ra mani'ne.

1 Korinti 1:1

Poli'na nagra, Anumzamo Agra'a avesite Kraisi Jisasi aposol eri'za vahere hu'nemo'na nerafu Sostenesi'ene.

2 Korinti 1:1

Ama avona Poli'na Anumzamo, Kraisi Jisasi aposol eri'za vahe manio huno huhamprinante ne'mo'nane, Timoti nerafu'ene kreneramu'e. Ama ana avona, Korinti mono nagate'ene ana miko Akai (Greece) kaziga Anumzamofo mono naga'ma mni'narega kreneramu'e.

Galesia 1:15

Hianagi nagra nenrera rimpafina forera osu'nogeno, korapa Anumzamo Agra'a asunkuzanteti huhamprinantenemo muse hunanteno,

Galesia 1:17

Jerusale kumate nagra mareorina, ko'ma mni'naza aposol nagara ome ozmage'noe. Hianagi nagra Arabia kumate vute'na, ete mago'ene Damasakas kumate vu'noe.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

2 Timoti 1:1

Nagra Poli'na, Krais Jisasi aposol ne'mo'na Anumzamo Agra avesite huhamprinanteno knare mni'zana Krais Jisasimpi huhampri'ne.

Taitus 1:3

Hianagi Agra hunte'nea kna efore higeno, ke'amo eama higeno, mono ke hu'zana nagri hunantege'na, Anumza Tzahu ne'mofo (Savior) kasege'afi nehue.

Hibru 13:20

Hagi arimpa fru Anumzamo, ugagota sipisipi afu kva ne' Ranti Jisasina fri'nefinti azeri oti'nemofo korama'areti, mevava hagerafi huvempa ke hu'ne.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

Revalesen-Hufo Hu'ne 1:18

Kasefa hu'na mni'nomona ko frite'na, oti'na mani'noanki, keho, henka'a ofri'na manivava hugahue. Fri'zane, fri vahe'mofo kumate ki nofira Nagra azeri'noe.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

Revalesen-Hufo Hu'ne 2:8

Hagi Smena kumate maninaza mono nagamokizmi ankeromofona amanage hunka krezamio, Nagra e'se agafahu mani'na, vgare mani'nena, fritena otina mani'nomona, anage nehue,