Filipai 2:3 - Kamano

³ Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho.

Anumzamofo Routage Avantafere

³ Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho.

Filipai 2:3 Iomraidhean Croise

Proveps-Knare Nomaniza 13:10

Avufga ra huno vahe'mofo agorga omani avu'avazamo'a, ha' fra hu'za avreno ne-e. Hianagi avumro kema antahino amagema ante vahe'pina, knare antahizamo'a megahie.

Luku 18:14

Amanage huna neramasamue, takisi eneria ne'mo'a Farisi ne'mofona agetereno Anumzamofo avurera fatgo huteno noma'arega vu'ne. Na'ankure agra avufga erisaga hanimofona, Anumzamo'a azeri fenka atregahie. Hianagi iza'o avufama anteramisimofona, Anumzamo'a azeri sga hugahie.

Romu 12:10

Tamagra tamage hutma ovesinte avesinte nehuta, tamagra tamavufga anteneramitama, arumokizmi husga huzamanteho.

Romu 13:13

Ana hu'negu msarema nehazankna huta knare tavutava nehuta, hanizamofo muse zampina omanita, aka tina oneta neginagi osuta, monkozana nosuta, monko avu'ava huzampina omanita, mago rimpa osu avu'avazampine omnita kanive oreho.

Romu 2:8

Hu'neanagi Agra rimpa he'zana rukaha hutresigeno, iza'zoma zamagraguke nentahiza, tamage ke'mofo amage'ante zanku zamagena hunemiza, kefo avu'ava nehanaza vahete egahie.

1 Korinti 15:9

Na'ankure Anumzamofo aposol nagapina nagra henka vahere, nagrikura tamagra Anumzamofo eri'za vahere hutma huga vahera omni'noe. Na'ankure Anumzamofo mono nagamokizmi ha' rezmante'noe.

1 Korinti 3:3

Na'ankure mopafi vahe'mo'za nehazankna nehaze. Na'ankure knive nereta, ke fra amu'nontamifina nehaze. Tamagra ama mopafi vahe'tfa omani'nafi? Tamagra mopafi avu'ava zampi vano hiaza nosazafi?

2 Korinti 12:20

Na'ankure nagri'ma namnomavaziana esua zupa nagrima naveosi nesiazama tamagripima eme nege'na tamave'osinesizama huzankure. Nagri'ma namnovaziana, tamagripima eme neramege'na, amunontamifi ke ha' huzama, kanive rezama, arimpa hezama, atanezama, havige ohunte ahunte huzama, ogenke agenke huzama, veganokno huzama, manifatgo osuno makaza erisavri hu avu'avazanku nehue.

Galesia 5:15

Hianagi tamagra afi zgakafamo hiaza huta, ompri ampri hanutma tamagratami tamazeri haviza hutma fnanene hugahazanki kva hiho.

Galesia 5:26

Hanki atrenketa tagra tagi erira nosuta, vahera zmarimpa zmazeri otikea nosuta, kanive orente arente osanune.

Efesasi 4:2

Tamavufga anteramitma, agazone hutma ru vahe'ene nemnitma, ke hakare osutma fru hutma, vahe'mofo antahizamitma zamesi zamantegahaze.

Efesasi 5:21

Kraisina antahi'nemitma rumokizmia ovesinte avesinte hiho.

Filipai 2:14

Maka'zama hanafina, havi tamarimpa osutma hafra nosutma tamarimpa frune maninetma hugahaze.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

Kolosi 3:8

Hianagi menina mika havi avu'avazana eritreho, havi asivazi'zama rimpahe'zama, havizama rumokizmi huzmante'zama, urinkema hu'zana atreho.

1 Timoti 6:4

agra agu'agesa eri antemrenerino mago'zana antahi ama nosie, hianagi agra mago arimpa osu nanekere agenoka nehuno, nanekegu ke hakare nehigeno, e'i anampintira efore hiana rumofo zanku kesane nehuno, fra nevzino, rimpa oti'oti nehinkeno, vahe'ku huhaviza hunenteno, vahe antahi haviza hunenteno,

1 Pita 3:8

Hagi makamotma magopi fru hutma nemanitma, vahe'mokizmia tamasunku hunezmantetma, kogna hutma nemanitma, tamagu'areti so'e tamavutma nehutma, tamagu'a anteramita maniho.

1 Pita 5:5

Kahefa vahe'mota, anahukna hutma ugagota huramantenesaza ra vahe'mokizmi naneke antahizmita zamage anteho. Makamotma anterami tamavutamavara kukena hiaza nehutma, rumokizmi zmagorga umani emani hiho. Tamage huno avontafemo'a anage hu'ne, zmagra zmavufgama erisaga haza vahera Anumzamo'a ha'renezamanteno, zmavufgama anteramiza mni'naza vahera knare hunezmante. (Pro-Knr 3:34)