Filipai 2:11 - Kamano

¹¹ Ana nehnigeno maka vahe'mo'za Jisas Kraisi'a Rane hu'za zamagiteti huama nehu'za, Anumza Nerfa'a hanave'afi mani'ne hugahaze.

Anumzamofo Routage Avantafere

¹¹ Ana nehanigeno maka vahe'mo'za Jisas Kraisi'a Rane hu'za zamagiteti huama nehu'za, Anumza Nerfa'a hanave'afi mani'ne hugahaze.

Filipai 2:11 Iomraidhean Croise

Matiu 10:32

Aza'o vahepi huama huno, Jisasi vahe mani'noe hanimofona, Nagra monafinka Nenfante agrira huama huna nagri vahe manine huntegahue.

Luku 2:11

Na'ankure menina Deviti kumatera, tmagri'ma tamagu'vazinia mofavre kasente'ne. Hanki ana nera Ramo, Kraisi'e.

Joni 12:42

Ana hianagi hakare'a mono kva vahe'mo'za zamentinti Agrite hu'naze. Hianagi Farisi vaheku kore hu'za Jisasi'a, Kraisi'e hu'za huama osu'naze, anagema hanage'za mono nompinti (Sinagog) zamahe fegi atre'zanku kore hu'za osu'naze,

Joni 13:13

Tamagra Nagrikura rempi hurami Ne'ene, Rantie nehazana, tamagra tamage nehaze, Nagra ana nere.

Joni 13:14

Nagrama Rantimi manina, hurmasmi Ne'mona tmagia sese hunermantesugeta, tamagra nena anazanke huta rumokizmi zamagia, sese ohunte ahunte hiho.

Joni 14:13

Inankna zanku'ma Nagri nagifi nantahigesazana, Nagra amne hugahue. Nefa'a ra agi Nemofompinti erigahie.

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 17:1

Jisasi ana naneke huvareteno, Agra kesga huno monafi negeno amanage hu'ne, Nenfaga hago kna (aua) eforehie, Negamofona ra agi amigeno, Negamofo anazanke huno, Kagrira rankagi kamino.

Joni 20:28

Tomasi ke nona huno Jisasi asmi'ne, Nagri Ranimoka, nagri Anumzane!

Joni 5:23

Ana hina maka'mo'za Nemofo agi'a erisaga hugahaze. Nefa agima erisaga nehza kna hu'za, aza'o Nemofo agima erisaga osnimo'a, huntegeno'ma e'nea Nefana, anazanke huno agi'a erisaga nosie.

Joni 9:22

Nererake nefakea amanahu kema hu'na'ana, na'ankure Jiu mono kva vaheku koro huke anage hu'na'e. Na'ankure Jiu mono kva vahe'mo'za ke retro hu'za, mago'mo Jisasinku Kraisi'e huno, huama hanimofona, Jiu mono nompinti (Sinagog) ahe natigahune, hu'naze.

Aposol 10:36

Nagra antah'inoe, tamagra ko knare musenkema Israeli vahe'ma zamasmi'neana antahi'naze. Anumzamofo rimpa fruzana Jisasi Kraisimpi efore hu'ne, Agra mika zamofo Rane.

Aposol 2:36

E'ina hu'negu, maka Israeli vahe'motma tamage hutma antahi ankereho, tamagrama aheta hanti'naza nera, Anumzamo azeri otigeno, Ra vahe tro huno Kraisi mani'ne.

Romu 14:11

Na'ankure Mono Avontafepi amanage huno krentene, Ramo'a amanage nehie, tamage nasimu erina maninesnuge'za maka vahe'mo'za Nagrite zmarena neresageno, anamiko vahe'mo'za, huama hu'za Anumzamofona ragi amigahaze hu'ne. (Ais 45:23)

Romu 14:9

E'i ama ana agafare, Kraisi'a friteno ete otino asimu erino manine. Hu'negu asimu erino mani'nea vahe'ene, fri'naza vahe'mokizmi Ra mani'ne.

Romu 15:9

Ana hu'negu megi'a vahe'mo'za Anumzamo'ma asunkuma huzmante'nea zankura, ragi amigahaze huno avontafepi krentene, E'ina hu'negu nagra megi'a vahepina rankagi negamina, nagra zgamera hu'na kagi'a erisaga hugahue hu'ne. (Sam-Zga 18:49)

1 Korinti 12:3

E'ina hu'negu nagra anage hu'na antahintahima eriama hanugura neramasamue, magore huno Anumzamofo Avamu'ma agu'afima mni'ne'nia vahe'mo'a Jisasina huhaviza huontegahie. Hagi mago'mo'e huno Jisasi'a Ra mni'ne huno osugahianagi, Ruotge Avamu'mo aza hanigenoke'za hugahie.

1 Korinti 15:47

Kota nera mopafinti kugupa erino tro higeno asimura erino mni'ne. Hianagi henka nera Kraisi monafinkati e'ne.

1 Korinti 8:6

tagrira magoke Anumzana Nerfakino hakare'zana Agri konkompa fore higeta, tagra Agrite manunkeno, Agra magoke Rantia Jisas Kraisi mani'ne. Agripinti mikazana Anumzamo'a tro higeta, tagranena Agripinti tasimura e'nerune.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

1 Joni 4:15

Hagi mago'a vahe'mo'ma Jisasinku Anumzamofo mofavre hunoma huamama hanimofona, Anumzamo'a Agripi manigeno, anamo'a Anumzamofompi mani'ne,

1 Joni 4:2

Amanahu kantegati Anumzamofo avamure hunka kenka eri fore hugahane. Ina vahe'mo huama huno Jisasi'a, Kraisikino mopare avufa erino e'ne hania avamura Anumzamofontegati e'ne.

2 Joni 1:7

Na'ankure havige hu'za zamagrarega zamavrente vahera rama'a kokankoka vano nehazankino, Jisasi'a tazahu ne' Kraisikino mopafi avufa erino e'ne huno huama osanimo'a, ana nera havige ne' agrarega zamaretre ne'kino, havige kraisi'e!

Revalesen-Hufo Hu'ne 3:5

Iza'o ha'ma agteresimo'a zmagrikna huno efeke zaza kukena nehanige'na, asimuma erino mani avontafepintira, agi'a reohananegahue. Nenfane, ankero vahe'amofo zmavurera agi'a huama hugahue.