Efesasi 4:11 - Kamano

¹¹ Mago'a nagara Agra aposol eri'za nezmino, mago'a nagara kasnampa eri'za nezmino, mago'a nagara mono ke huamahu eri'za nezmino, mago'a nagara mono kevu kegva kri eriza nezmino, mago'a nagara rempi huzmi eriza zami'ne.

Anumzamofo Routage Avantafere

¹¹ Mago'a nagara Agra aposol eri'za nezmino, mago'a nagara kasnampa eri'za nezmino, mago'a nagara mono ke huamahu eri'za nezmino, mago'a nagara mono kevu kegava kri eriza nezmino, mago'a nagara rempi huzmi eriza zami'ne.

Efesasi 4:11 Iomraidhean Croise

Matiu 28:20

Nagrama huramantoa kasege rempi huzaminke'za ana miko vahe'mo'za avaririho. Hagi kma antahiho, Hakare zupa tamagra ne manina nevanenkeno mafkaza vgaregahie.

Aposol 13:1

Antiokua mono nontema menima mani'naza kasnampa vahe'ene, rempi huzmi vahera ama'a mani'naze, Banabasiki, Simioni (aganumpa nere hu'za nehaze ne'ki), Lusiusi'a Sairini ne'ki, kumate ugagota kva (Gavana) ne' Heroti knampa, magoka ositeti rasena'a ne' Maeniaki, Soliki hu'za mani'naze.

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

Aposol 21:8

Nanterana ana kumara atreta, Siseria ehanatita mono nehia ne' (evangelis) Filipia 7ni'a naga mono kva zamazeri oti'nafinti mago zamimofo nonte umani'none. (Apo 6:1-6)

Romu 12:7

Ru vahe'mokizmi zamazahu musezama tagripima menesigeta, so'e zantfa huta zamaza hanune. Hagi rempi huzame musezama erinesuta, rempi huzami so'e hanune.

1 Korinti 12:4

Hagi hakare'a ruzahu ruzahu museza me'neanagi, magoke Avamu'moke'za neramie.

Efesasi 2:20

Aposol naga'ene kasnampa naga'mo'za, tra' zafagna hu'naze. Krais Jisasi'a Agra nomofo renagentete tra havegna hu'ne.

Efesasi 3:5

E'i ana antahi'zana korapa vahe'moza eriama hige'za ontahi'nazane. Hagi menina Agra'a aposol vahete ene kasnampa vahete Avamu'mo eriama nehie.

Efesasi 4:8

E'ina hu'negu avon tafepina anage hu'ne, Agra anagamu mrenerino'a, Agra vugota huno kina vahe zamareno vu'ne. Agra'a vahera muse'za zami'ne. (Sam-Zga 68:18)

2 Timoti 4:5

Hu'neanagi kagra knare antahintahi e'nerinka, maka knaza fore hanifina katazana e'nerinka, kazigzi hunka Kraisintega vahera zamare anto, Anumzamo eri'zama kami'nea erizana erivgaro.

Hibru 5:12

Menina ko rempi hu'zami vahe manizaresinagi, tamagra zahufa aminte mofavregna nehutma hanave nezana negara osu'nazankita, avontafepintira Anumzamofo zankura mago'ane fruma hu'nesiaza rempi huramigahaze.

Juti 1:17

Hu'neanagi navesima neramantoa nenafugata tamagera okaniho, Rantimofo Jisasi Kraisi aposol naga'mo'za tamasimiza,

Revalesen-Hufo Hu'ne 18:20

Monamokane, Anumzamofo nagamotane, aposol nagamotane, kasnampa nagamotanena muse hiho, na'ankure ana a'mo'ma tamagrima tami'nea knazantera Anumzamo'a refko huno mizama'a nona huno nemie.

Revalesen-Hufo Hu'ne 21:14

Ana rankumamofo keginama hu'neana, 12fu'a havenu trara anteteno, ana haveramimofo agofetu regrino kegina hu'ne. Ana 12fu'a haveramintera, Sipisipi anentamofo 12fu'a aposol nagamokizmi zmagi metere hu'ne.