Efesasi 2:2 - Kamano

² Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemniza hihamu'ane kva avamutamimofo amage' anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane.

Anumzamofo Routage Avantafere

² Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemaniza hihamu'ane kva avamutamimofo amage anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane.

Efesasi 2:2 Iomraidhean Croise

Matiu 11:19

Vahe'mofo mofavremo eno ne'zane tine nenege'za, zamagra anage hu'naze, keho ne'za nevganereno, aka tinte nehuno, takesi eri vahe'ene kumi vahe'mokizmi ronezamie hu'naze! Ana hu'neanagi anama hu'nefina knare antahi'za, eriama hu'ne.

Matiu 13:22

Hagi ave'ave trazampi evu rmi'nea avimazana anahu kna hu'ne, Anumzamofo kea antahiteno, ama mopafi afufenoku agesa nentahigeno, ana zamo avazu higeno Anumzamofo kemo'a nena rga'a reonte'ne.

Matiu 13:38

Hagi hoza, ama mope, knare avimzana, Anumzamofo mofavrermine, havi trazana, Sata mofavreramine.

Maki 4:19

mopafi zankuke zmagesa nentahi'za, zago afu fenoma eri atruma huzamo rezmatga nehuno, mago'azama zamesinte'zamo zmagu'afina efreno Anumzamofo nanekea rentrako higeno ne'za raga'a renonte.

Luku 16:8

Henka kva ne'mo'a, fenozante ugagota huno kvahu so'e osu'nea kva ne' muse hunte'ne. Na'ankure antahiza me'nea kva vahemo nehiaza hu'negure. Hagi ama knafi vahe'mo'za zamagra'zantera knare hu'za kva nehu'za tavi msare'ma nemniza vahera zamagateneraze.

Luku 22:31

Saimonivoe Saimonivoe, Kagra antahio, witi rgamofo anoma'a hareankna huno Sata'a regaheno kenaku nehie.

Joni 12:31

Menina ama mopa refkohu knae, menina ama mopafi kva hu'nea nera retufe atregahie.

Joni 13:2

Jisasi'a amage' nentaza disaipol naga'ane ne'za nenegeno, Hankromo (Sata) Judas Iskariot, Saimon nemofo rimpafi ha' vahe zamazampi komoru huno avrentesia antahi'zana eme ante'ne.

Joni 13:27

Ana bretima netegeno, Sata'a havi avamumofo kvamo agu'afi ufre'ne. E'ina nehigeno Jisasi anage huno asmi'ne, ina knazama hunaku'ma hnunka, kvune antenka huo.

Joni 14:30

Nagra za'zatera nanekea ontamasmigahue, ama mopa kva nehia ne' Sata'a hago ne-e, agrira hanave'a omne'neankino, Nagrira nagateoregahie.

Joni 15:19

Ama'na mopafi vahe mani'naresina, ama mopafi vahe'mo'za tagri vahere hu'za zamesi rmantasine, ana hu'neanagi na'ankure tamagra ama mopafi vahera omni'naze. Hianagi Nagra ama mopafinti tmagrira tmavre'noe, ana agafare ama mopafi vahe'mo'za hara reramantegahaze.

Joni 16:11

Hagi kema refko haniaza eme huramerigahie, na'ankure ama mopa kva hu'nemofona hago keaga hunte'noe.

Joni 7:7

Mopafi vahe'mo'za tmagrikura zamarimpa aheormantegahaze. Hagi Nagrira zamarimpa ahenantegahaze, na'ankure Nagrama huama hu'na avu'ava tmimo'a haviza hu'ne, huazanteku ana nehaze.

Joni 8:23

Jisasi anage huno zamasmi'ne, tamagra amafinti vahe mani'naze, Nagra anagamutire, tamagra ama mopafi vahe mani'naze, Nagra ama mopafi vahera omni'noe.

Joni 8:44

Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Aposol 19:35

Rankumapima avoma negrea (kuskus) ne'mo ana vahe kevua zamazeri rava huteno anage hu'ne. Efesasi vahe'motma antahiho, ina vahe'mo antahino keno osu'ne? Efesasia ranku'mamo'a Atemasi agetererfa ra anumzamofo mono nona kegva nehie. Ana a'mofo amema'ama monafinti'ma asga hurami'ne.

Aposol 5:3

Hu'neanagi Pita'a anage hu'ne, nahigeno Ananaiasiga Sata'a kaguafina efregenka ruotge Avamura revataga hunka mago'a zgoa mopama atrantetira refko hunte'nane?

Romu 12:2

Ama mopafi avu'avazanena tagrora oteho. Hianagi tamagra atrenkeno antahintahitamia Anumzamo tmazeri kasefa nehanigeno, tamavutamava zamo'a ruzahe hino. Anama hanuta, tamage Anumzamofo avesizamo'a, knare huno haviza osuno, fatgo hu'ne huta eriama hugahaze.

1 Korinti 5:10

Nagra nehuana megi'a vahe'mo'za monko avu'ava nehazampi, vahe'mofozanku ke zmanunu nehaza vahepi, zamagraguke nentahiza vahepi, krunage hu'za musufa nesaza vahepi, havi anumzante mono hunentaza vahe'ene tragotetma omnihogura nosue. Tamagrama amanahu vahe'ma zmatre varegahunema hanutma, ama mopa atrevgareho.

1 Korinti 6:11

Mago'amota e'inahu vahe korapara mni'nazanagi, Anumzamo sese hurmanteno, tmazeri ruotge hu'ne. Na'ankure Ramofo Jisas Kraisi Agifine, Anumzantimofo Ruotage Avamupi higetma, tamagra Anumzamofo avufina fatgo vahe mni'naze.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Galesia 1:4

Jisasi asimu'a atreno kumitia atrerante'ne. E'inama hu'neana Anumza Nafatimofo avesi avaririno, mopafima amama meni mni'nona kefo avu'avazampinti tahokeno tazahunaku anara hu'ne.

Efesasi 1:21

Mreri onagate'nea tra'ma kvahu hanavema, hampo'na'ma, makazante kvama hu'neane, mika zamofo agima ko'ma antemi'neane, menima ama mani'nona knafinkerompage, henkama esia knafi'nena agtereno onaga'a manigahie.

Efesasi 2:11

E'i zanku tamagra tamagesa antahiho, korapara tamagra megi'a vahere huta mani'nazane (Gentiles), tamagima ante'nazana, zamufa tga osu vahere nehu'za, zamufama tga nehaza vahe'mo'za, (Jiu) e'i zamazanu zamufa azeri'ne'za tga nehaze.

Efesasi 2:13

Hu'neanagi, menina Krais Jisasimpi afete'ma kotetma tamagra mani'nazafintira, Kraisi koramo tamavreno tva'oma'are nermante.

Efesasi 2:3

Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne.

Efesasi 4:17

Ramofo hanave'afi anage hu'na neramasamue, mono nontahiza vahe knara (Gentiles) osiho, zamagra hzanegre'za mago'zana zamagu'areti hugara osu'naze.

Efesasi 4:22

Korapa ama mopafi kasri avu'avaza mani'zantamifi me'neane, maka havi tamagu tamagesa me'neane, havige avu'ava'zanena atreho.

Efesasi 5:6

Atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

Efesasi 5:8

Na'ankure korapara hanizampi mani'nazane, hianagi menina Ramofo Msafi mofavre'aza hutma, ana msafi vano hutma maniho.

Efesasi 6:12

Na'ankure tagra mopafi vahe'enena hara nosune, hagi mopafi kva hu'naza vahe'ene, hihamune havi avamutamine, mopafi hanizamofo kva hu'naza ha' vahe'ene, mona kankamumpi kefozamofo ha' avamu'ene hara nehune.

Kolosi 1:21

Korapara tamagrama kefo tamavutmavama nehuta, antahintahi tamifina Anumzamofo ha' vahema manineta afete mani'nazane.

2 Timoti 4:10

Na'ankure Demasi'a, ama mopafi zanku avenesigeno, nagrira natreno Tesalonaika kumate vu'ne. Kreseni'a Galesia kumate vigeno, Taitusi'a Dalmatia kumatega vu'ne.

Jemisi 1:27

Agru huno fatgo monoku'ma Anumza Nafatimofona ave'nesiana, e'i megusa mofavre'zgane, kento a'ne zga knazampima mani'nesazana kegva hunezmanteta, atrenkeno ama mopafi kefozamo'a tamazeri pehena osino.

Jemisi 1:7

E'inahu vahe'mo'a Ramofontegati mago'zana erigahue huno agesa ontahino,

Jemisi 4:4

Tamagra monko a'nemo hiankna hutma, ru anumzante mono hunentaza vahe'motma, ama mopafi avu'avazamofonte'ma tragoneteta ana avu'avama hanazana, Anumzamofona ha'rentegahazanki tamagra ontahi'nazo? E'ina hu'negu iza'o ama mopafi zante tragotesimo'a, Anumzamofo ha' vahe fore nehie.

1 Pita 1:14

Ke amage'ante mofavremoza nehazaza nehutma, koma ontahinetma hu'naza tamavutamavamofo avesizana ovaririho.

1 Pita 4:3

Tamagra Anumzamofoma keno antahino osu vahekna hutma, zaza kna ama mopafina mni'neta, havi tamagu tamagesa nentahitma, havizamofo avesizampi nemanitma, negi tina nenetma, ranke huta vano nehuta, neza kretma nenetma, havi anumzamofo mono hunte'naze.

2 Pita 2:14

Maka kna, zamagra rumofo a'ene, rumofo venema savrima huzankuke nentahiza, havi zamavu'zamavama huzana otre'za huvava nehu'za, zamagra mago'a vahe'mofona fru hu'za rezmatga nehazageno, zamagraguke antahi antahintahi zmimo'a avi'nete. Hianagi zamagra hazenkegu nehakaze!

1 Joni 3:10

Ama ana tamavu tmava'mo eriama huno Anumzamofo mofavregi, Sata mofavregi huno eama hanigetma kegahaze. Maka vahe'mo'za fatgo avu'ava nosu'za, amentinti nehia nefunku avesi nontamo'za, Anumzamofo mofavre omani'naze.

1 Joni 3:8

Mago'mo'ma kumi avu'ava himo'a, Sata vahe nemanie. Na'ankure Sata'a ese agafare kumi hu'negure. Ama ana agafare Anumzamofo mofavremo, eama huno Sata erizana eri haviza hu'naku mopafi efore hu'ne.

1 Joni 4:4

Mofavre naganimote Anumzamofo mofavre mani'naze. Mani'nageno tamagu'afima mani'nea Avamu'mo'a, mopafima mani'nea havige avamura agatere'ne.

1 Joni 5:19

Tagra antahi'none, Anumzamofo mofavre naga mani'nonkeno, ama mopamo'a havige ne' Sata hanavefi me'ne.

1 Joni 5:4

Na'ankure maka vahe'moza Anumzamo'ma nezmafa'zama himo'za, ama mopafi hanavea agateneraze. Ama mopafi hanavema agatemanerea hanavea, e'i tamentintie.

Revalesen-Hufo Hu'ne 12:9

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Revalesen-Hufo Hu'ne 13:14

Ana nehuno mopafima mni'naza vahera rezmataga hu'ne, na'ankure nampa 1ni afi zgamofo avufina, ruzahu ruzahu avame'za nehuno, nampa 1ni afi zgama koma kazinknonu ahazageno friteno asimuma erinea afi zgamofo amema'a tro hiho huno zmasami'ne.

Revalesen-Hufo Hu'ne 13:8

Maka ama mopafi mni'naza vahe'ma, ahe'naza Sipisipi Anentamofo asimu eri avontafepi zmagima, monane mopanema tro'ma osu'neno kre ontenesia vahe'mo'za, ana afi zgarera monora huntegahaze.

Revalesen-Hufo Hu'ne 16:17

Anantera nampa 7ni ankeromo Anumzamofo rimpahezama me'nea zuompa zahopi eritagi atregeno, ra mono no agu'afi me'nea kini trateti magomofo agerumo ranke huno, havgare hu'ne.

Revalesen-Hufo Hu'ne 20:2

agaza hunte osifavema, korapa osifavea, havi hankro, Sata ema nehazankino, eme azerino 1 tauseni'a zge kafu kina hunte'ne.