Aposol 9:16 - Kamano

¹⁶ Na'ankure nama'a kna'zama Nagri nagire'ma eri'sia zana, Nagra averi hugahue.

Anumzamofo Routage Avantafere

¹⁶ Na'ankure nama'a kna'zama Nagri nagire'ma erisia zana, Nagra averi hugahue.

Aposol 9:16 Iomraidhean Croise

Matiu 24:9

Henka'a, ha' vahete tmagrira tamavare'za vnage'za tamata neramiza tamahe frigahaze. Hakare kuma'mo'za tusi'za hu'za zmavesra huramantegahaze. Na'ankure Nagri nagireku hu'za ana huramantegahaze.

Matiu 5:11

Vahe'mo'ma huhaviza huneganteno, knonkeve negamino, maka hankromofo nanekea havige huno hugofi neganteno, Nagriteku huno hugantesimoka, Asomu erigahane.

Joni 15:20

Ko'ma tmasmi'noa kegu tamagesa antahiho, kazokzo eri'za ne'amo'a, kva vahe'a knara osu'ne. Nagri'ma nazanva ante'nesu'za, tamagri enena anahu kna hu'za tmazanva antegahaze, ke'ni'a amage antenare'sina, tmagri kea ana zanke hu'za antahizasine.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

Aposol 21:11

Tagra mani'nontega Agabasi'a eno, Polina amu'nofi'a (belt) erino agra azante ene agiare renenteno anage hu'ne, Ruotge Avamu'mo'a anage hie, Amanahu kante Jerusale mani'naza Jiu vahe'mo'za ama amu'nofi'mofo nefana azeri'za kina rente'za megi'a vahe zamazampi antegahaze.

Aposol 21:13

Anante Poli'a kenona zamirera anage hu'ne, Tamagra nahigetma zavira netetma, narimpamofona nazeri kna nehaze? Na'ankure nofinukera nazeri'za anaki nantehogukera trora osuanki, Ramofo Jisasi agire Jerusale fri'naku retro nehue.

Aposol 21:4

Jisasima amagema nentaza disaipol nagara ome nezmageta, ana kumate 7ni'a kna mani'none. Zamagra mago'ene Avamu'mo zamazeri otige'za Poliga Jerusale ovuo hu'za hu'naze.

Aposol 9:14

Nehuno ama kumapi eno, ugagota kva (hai pris) vahe'mo'za hugnare huntageno, iza'o Kagri kagima ahesaza vahera zamareno kina huzamante kva agi eri'ne.

Aposol 9:6

Hu'neanagi otinka ana kumapi ufrenka vuge'za, kagrama nankna'zama hanana zamofo kea kasmigahaze.

2 Korinti 6:4

Hakare'azama humpina Anumzamofo eriza vahe mni'none huta eriama nehune. Hakare'a knazampima ufronana kazigazi huta nevuta, maka tatafima nevuta, knazampina unefronke'za,

1 Tesalonaika 3:3

Tagri'ma tavesiana, mago'amotma amama tagrama e'neruna knazankura antahigna osiho. Tamagra antahinaze, tagrikura knazana erigahaze hu'naza vahe mni'none.

2 Timoti 1:12

Na'ankure e'ina nehua agafare natazana e'nerue. Hianagi nagazema hu'zamo'a nazeri otregahie. Na'ankure nagra izantero namentintima nehumofona antahi'na kena nehuna, eri'zama'a erinentoana, Agra antahineankino kva kri ante'nenkeno ana kna efore hugahie.

2 Timoti 3:11

Nazanva ante'za nahe'zanasuza nehu'za, nataza nenami'za neganke'za Antioku kumate'ma hu'nazana, Ikonium kumate ene Listra kumate enema, nazanva hu'za nahe'za nasu'za nehzage'na kna zampina mse'na oti'na nehue. Ana hzanagi ana miko zampintira Ra Anumzamo nahokeheno nazeri natre'ne!

1 Pita 4:14

Hanki Kraisi agi tamagripi me'nenige'za, tamazeri haviza hanazana, asomu erigahazanki muse hiho. Na'ankure hanavenentake msa'ane Avamu'ene Anumzamo'enena tamagrane mani'ne.

Revalesen-Hufo Hu'ne 1:9

Nagra Joni'na neramafu'na Anumzamofo kumaku'ma knama enerita Jisasinte'ma kazigazi huta magoka nevumo'na, navre'za ti amunompi Patmosie nehaza mopa, me'nere ome nante'naze. Na'ankure Anumzamofo kereku'ene, Jisasi agenkema huama'ma nehua zanku anara hu'naze.