Aposol 3:13 - Kamano

¹³ Abrahamune, Aisakine, Jekopu Anumzana tafahe'i Anumzamo kesga nehia eri'za Ne'a Jisasina, Paeroti atrenigeno vunaku nehigeta, tamagra ma azeritma ha' vahe azampi ahenogu nenteta, Paeroti ne'mofo avufi tamefi humi'naze.

Anumzamofo Routage Avantafere

¹³ Abrahamune, Aisakine, Jekopu Anumzana tafahe'i Anumzamo kesga nehia eri'za Ne'a Jisasina, Paeroti atrenigeno vunaku nehigeta, tamagrama azeritma ha' vahe azampi ahenogu nenteta, Paeroti ne'mofo avufi tamefi humi'naze.

Aposol 3:13 Iomraidhean Croise

Matiu 11:27

Miko'azana Nenfa nami'ne, magomo'a Nemofona antahino keno osu'neanagi, Nefake antahi'ne. Mago'mo'e huno Nefana antahino keno osu'neanagi, Nemofoke antahino keno hu'ne. Hagi Nemofoma eri averi hugahue himofo, eri averi hugahie.

Matiu 20:19

Ana nehu'za avare'za mono ontahi megi'a vahete vnage'za, kiza zokago ke hunente'za sefu knonteti knonkeve nemiza ahe'za hantigahaze. Hanageno tagufa knarera agra otigahie.

Matiu 22:32

Nagra Abrahamuma Aisaki'ma Jekopu Anumza mni'noe hu'neana? Agra fri vahe'mofo Anumzana omni'ne, hagi kasefa hu'za mni'naza vahe'mofo Anumzane. (Ekso-Uti 3:6)

Matiu 27:2

Ana hute'za Jisasina azeri'za nofi kite'za, rankumamofo kagota kva ne' (Gavana) Paeroti avare'za omemi'naze.

Matiu 28:18

Anante Jisasi zmagrite eno amanage hu'ne, maka monafine mopafinema kegvahu hihamu'a, Anumzamo'a ko Nagri namine.

Maki 15:11

Hianagi ranra prisi kva vahe'mo'za maka vahe zmarimpa rekehu'za, Barabasi kazufe tamiho hutma hiho hu'za zmasami'naze.

Luku 22:57

Hianagi Pita'a anage hu'ne, ama a'moka nagra antahina kena osunoa neku nehane huno vahane hu'ne.

Luku 23:4

Anante Paeroti'a ugagota prisi vahe'ene, ana vahe kevugura anage huno zmasamine, nagra ama ne'mofompina mago hazenke zama'a kena eri fore osue.

Luku 6:37

Rumokizmi maniza refako'ma huozmantesankeno'a, kagri mni'zanena Anumzamo'a refako huogantegahie. Vahe'mofo kumi'zmi atrezmantesnage'za Anumzamo'a tamagri'enena kumitamia atreramantegahie. Haviza huramantesia vahe'mokizmi kumizmi atrezmante'nage'za tamagri'enena atreramantegahaze.

Joni 12:16

Agri amage nentaza disaipol naga'mo'za e'inama pusante hiazana antahi so'e osu'naze. Hianagi Jisasi'ma hanave'afi mrerino, Ra agi erige'za zamagra zamagesa nentahi'za, e'i Agriku huno avontafepina krente'negeno, amazana Agrite fore hie hu'naze.

Joni 18:40

Hige'za kezati'za amanage hu'naze, Ama'na nera avare otre'gahane, hagi Barabasi avare atro, Barabasi'a kumzafa ne'ku hu'naze.

Joni 19:11

Jisasi ke nona'a asmi'ne, Kagra Anumzamoma hanavema onkamiasina, Nagri'ma kegva hunantega hanavea e'orintesine, hagi monafinkati ne'mo hanigenka anara hugahane. Na'ankure navreno kzampima eme ante'nemo'a, kagrira kagatereno tusi'a kumi hu'ne.

Joni 19:12

Ana kema antahiteno'a Paeroti'a aza huno katufe atrenaku tusiza huno agesa antahi'ne. Hianagi Jiu kva vahe'mo'za kezati'za, kagrama ama ne'ma katufe atresunka, kagra Sisa knampa omni'nane! Mago'mo kini manigahue hanimo'a, Sisana ha' rentegahie.

Joni 19:15

Anagema hige'za kezanke hu'za, Avretma viho, avretma viho, Agrira ahetma hantiho! Nehzageno Paeroti'a zamantahige'ne, Nagra, tamagri Kinia ahena hantisuo? Hige'za pris vahe'mo'za ke nona'a hu'za, Tagri kinia magora omni'neanki, Sisa agrake mani'ne.

Joni 7:39

Hianagi Agrama amanahu kema hu'neana Ruotge Avamuku hu'ne, Agrite zamentinti hanamo'za erisagu hu'ne, na'ankure Jisasi'a ra agi e'orineno, Ruotge Avamura eoraminegeno hu'ne.

Aposol 22:14

Anante agra anage huno nasami'ne, tagehe'mokizmi Anumzamo ko kagrira huhampriganteno, Agri avesi'za antahinka kenka nehunka, Fatgo Hu'nea Ne' Jisasi negenka, Agra'a agipinti'ma hania kea antahigahane.

Aposol 24:14

Hu'neanagi nagra huama hu'na tamagema kasamisuana, tagigomofo Anumzante monora hunte'noe, Jisasi'ma hu'nea Kama, (sektie hu'zama nehazare) maka Mosesi Kasegemo'ma hu'neazante namentinti nehu'na, kasnampa vahe'mo'zama kre'naza kante avaririnoe.

Aposol 3:12

Hianagi anama hazaza Pita'a negeno, anage huno ana vahe'zga zamasmi'ne, Israeli vahe'motma nahigeta amanahu zankura antri nehutma, tamagogogura nehuta, tagrira uruhara neragaze? Tagritia hanaveretiro, Anumzamofo avu'ava hu'azamo azeri otigeno kana vifi? I'o,

Aposol 3:26

Na'ankure Anumzamo'a pusante eri'za Ne'a azeri otigeno tagrite e'ne, havi zampintira magoke magoke'mota, tazeri rukarahe huno asomu hurante'ne.

Aposol 4:27

Na'ankure tamagerafa huno Herotiki, Pointus Pailatiki, megi'a vahe'ene, Israeli vahe ene, ama rankumapina zogitru hute'za, Ruotge eri'za Ne'ka'a huhamprinte'nana Jisasina ha' rentaze. Tamage e'i ana avamente Heroti'ene Paeroti'ene ru vahe'ene Israel vahe'mo'zane ama kumate eri atru hu'za manine'za kagri mofavre kagrama hampri'nana nera Jisasina ahenaku hu'naze.

Aposol 4:30

Kagra kri vahe'ma krizmima zamazeri amane huzantema, tazama nentesunkeka avame zane, kaguva zanena, Kagri ka'a ruotge eri'za ne' Jisasi agire eri fore huo.

Aposol 7:32

Nagra kagri kagehei Anumzane, Abrahamuma Aisakima Jekopu Anumzane, huno higeno, Mosesena, tusi ahirahitegeno avuge'zankura tusi agogogu nehuno uravao osu'ne.

Romu 9:5

Zamagri nezmagehoma zmagima me'nea nagapinti Kraisi'a efore hu'ne. Kraisi'a, Agra Anumza mni'neno makazamofo aseni mni'negu maka knafina, Agrike agi'a hentesga huvava hugahune! Tamage.

Hibru 2:9

Osia knafi ankero agorga azeri fenkate'nea nera tagra Jisasina kenone, menina azeri antesga huno msazama'areti kini fetori antente'ne. Hu'negu Anumzamo asuragirantenegu mikamotagu huno frizampina ufrene.

Revalesen-Hufo Hu'ne 1:18

Kasefa hu'na mni'nomona ko frite'na, oti'na mani'noanki, keho, henka'a ofri'na manivava hugahue. Fri'zane, fri vahe'mofo kumate ki nofira Nagra azeri'noe.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.