Aposol 22:3 - Kamano

³ nagra Jiu nere, Tasis kumate Silisia ksenante'ne. Hianagi ama ran kumapi ra hutena Gamalieli hikanaga avonona hu'na, tagehemofo kasegemo hu'nea kante ante'na Anumzamofo avu'avara hanaveti'na avariri fatgo hu'noe. Tamagrama nehazaza hu'na Anumzamofona amage ante'na vu'noe.

Anumzamofo Routage Avantafere

³ nagra Jiu nere, Tasisi kumate Silisia kasenante'ne. Hianagi ama ran kumapi ra hutena Gamalieli hinkanaga avonona hu'na, tagehemofo kasegemo hu'nea kante ante'na Anumzamofo avu'avara hanaveti'na avariri fatgo hu'noe. Tamagrama nehazaza hu'na Anumzamofona amage ante'na vu'noe.

Aposol 22:3 Iomraidhean Croise

Luku 10:39

Matana nenunkna agi'a Meri'e hu'za nehaza a'kino, Ramofo agafi mani'neno, kema hiana antahine.

Luku 2:46

Tri'a zagegnama enevigene, ra mono nompi kasegemofo rempi huzami vahe'mofo amunompi manineno, kema hazana nentahino zmantahige kea nehigeno, ome kene eri fore hu'na'e.

Luku 8:35

Anazama hiazanku vahe'mo'za ome kenaku Jisasinte e'naze. Zamagrama eme kazana, havi avamuma atirami'nea nera Jisasi agafi kukena huno knare antahintahi erino maninege'za eme nege'za koro hu'naze.

Aposol 11:25

Ana huteno Banabasi'a Tasisi kuma atreno Soli omegenaku vuno,

Aposol 15:23

Ama'na avon karentage'za eri'za vu'naze, aposol nagategati'ene mono kva vahe'motane, tamagri tamafuheta megi'a tafuhetane nerasarogta Antiokune Siriane, Silisiama mani'namotarega musen ke huramantone.

Aposol 15:41

Siriane Silisi'a kumapi Poli'a ufreno nevuno, mono vahera zamazeri hanavetime vu'ne.

Aposol 21:20

Ama ana nanekema antahite'za, Anumzamofo agi erisaga hu'naze. Zamagra anage hu'za Polina asami'naze, kagra nerafuga antahio, nama'a tauseni'a Jiu vahe'mo'za zamentinti nehu'za, Mosese Kasege'ne amage' nentaza vahe'mo'zanena hampo'nati'za amage' nentaze.

Aposol 21:39

Poli'a kenona anage hu'ne, nagra Jiu nere Tasis kumateti Sirisia provinsfinti, agatere'nea ran kumatetire. Knare natrenankena ama vahetamina kea zamasmigahuo higeno,

Aposol 23:34

Ana Gavana ne'mo avoma hamprino nentahino, anage huno antahige'ne, Kagra ina provinsifinti nere? Higeno Poli'a huno nagra Sirisia nere higeno antahiteno,

Aposol 23:6

Anante Polima nezmagege'za anama eri tru hu'naza vahepina, Satusi vahe'ene mago'a Farisi vahe mani'nageno nezmageno, ranke huno anage hu'ne, nafu naganaheta nagra Farisi neki, nenfa'a Farisi ne'mo kasenantege'na mani'noe. Nagri'ma kema hunenantazana, nagrama namentinti hu'na fripinti otigahie hu'na huazanku kea hunenantaze!

Aposol 26:5

Zamagra antahi'naze, na'ankure korapa nagrira nage'za antahi'naze. Zamagra huama hu'naku zamagesa nentahisu'za, tagri mono'mofo kasegemo'ma, o'ema huno hu'nea kante ante'na avariri fatgo hu'na nagra Farisi nere hu'na mani'noane.

Aposol 26:9

Nagrama nagesama antahi'noana tamageza nehue nehu'na hanaveti'na, Nazareti Jisasi agi'a eri haviza hu'noe.

Aposol 5:34

Hianagi Farisi nera Gamalieli'e nehaza ne'mo tra kemofo (lo) kagota huno rempi hunezmige'za, rama'a vahe'mo'za antahinemiza ne'kino otino, osia kna ama vene'ne zga zamare megi'a zamanteho huno huzmante'ne.

Aposol 6:9

Hianagi mago'a vene'nezga, Hibru osi mono nona (Sinagog) vahe zamazeri atre monore nehazafinti Sairini kumate'ene Aleksandria kumate'ene, mago'a Silisiane, Esia rankuma'mo kegva hu'nefinti (provins) vahe'mo'za oti'za Stiveni keha rente'naze.

Aposol 9:1

Ana knafinke Soli'a ana zanke huno Ramofo amage' nentaza disaipol nagara zamahe frinaku tusi asi nevazigeno, rimpa henezmanteno, ugota prisi nete vuno,

Aposol 9:11

Anante Ramo'a asamino, otinka fatgoe nehaza kuma kampi vunka, Judasi nonte vunka, Tesasiti nera, Soli'e nehaza neku ome zamantahigo, na'ankure menina manino nunamu huvava nehie.

Aposol 9:30

Hige'za mono afuhe'za anankema nentahi'za, avare'za Sisaria urami'za ometrageno Tasisi vu'ne.

Romu 11:1

Hagi amanage hu'na nehue, Anumzamo'a Agra'a vahera avesra huzmantenefi? I'o anara osugahie. Na'ankure nagranena Israeli nere, Benjamini nagapinti Abrahamu negehone.

2 Korinti 11:22

Ana vahera Hibru vahepi? Nagranena Hibru nere. Zamagra Israeli vahepi? Nagranena Israeli nere. Zamagra Abrahamu nagapinti efore hunazafi? Nagranena Abrahamu nagapinti efore hu'noe.

Galesia 1:14

Nagra tusi hanaveti'na tagehe'mokizmi zamuzmara amage'nentogeno, anama huazamo'a nagri navuma mni'naza, Jiu vahe'mokizmia zamuzmamofona zmagatere'noe. Nagra tusi hanavetina nagehemofo avu'avara avaririnoe.

Galesia 1:21

Ana hute'na Jerusale kumara atre'na Siriane, Silisia kaziga vu'noe.