Aposol 18:26 - Kamano

²⁶ Agra korora osuno, agafa huno osi mono nompina hu'ama huno mono nompina keaga hu'neanagi, zanagrama agri kema nentahikea, Prisilake, Akuilakea avareke va'azamoke Anumzamofo avu'avara mago'ene huhagro huke fatgo kante asami'na'e.

Anumzamofo Routage Avantafere

²⁶ Agra korora osuno, agafa huno osi mono nompina hu'ama huno mono keaga nehigeke Prisilake, Akuilakea agri kema nentahikea, zanagra avareke va'azamoke Anumzamofo avu'avara mago'ene huhagro huke fatgo kante asami'na'e.

Aposol 18:26 Iomraidhean Croise

Proveps-Knare Nomaniza 1:5

Knare antahintahima eri'nesimo'a, ama nanekea nentahinkeno rempi hunemina, mago'ane ama' antahizana e'nerinkeno, antahi amama hania ne'mo'a, avumro kea erigahie.

Proveps-Knare Nomaniza 25:12

Knare antahizantetima azeri fatgoma nehanigeno agesa anteno antahisimo'a, kolire tro hunte'naza avasaseza agesafi anteankna hu'ne.

Proveps-Knare Nomaniza 9:9

Ama' antahintahine vahe avumrora nentegeno mago'ane antahintahifina, ama huno manino. Fatgo avu'ava zane ne' rempi hunemigeno antahintahi'afina mago'ane antahizana erino.

Maki 10:15

Tamage hu'na neramasamue, iza'o Anumzamofo kumama mofavre'moma eneriaza huno e'orisimo'a, uofretfa hugahie.

Luku 19:26

Hanki amanage hu'na neramasamue, maka vahe'mozama rama'a erinesamokizmia, mago'ane anteaguheno zamigahie. Hianagi e'orinesimofompintira, erineniama'a hanaregahue.

Luku 24:27

Huteno anante agafa huno, Mosesinteti vuno maka kasnampa vahe'mozama, Agrikuma huza krentenaza kea znasamime vu'ne.

Joni 7:17

Aza'o agu'amo otinkeno Anumzamofo avesi'za huku hanimo'a, rempima nehuana agra antahino, Anumzamofonteti e'nefi, Nagrani'a navesite nehufi refko huno kegahie.

Aposol 14:3

Ana hazageno mago'a knafina anantega mani'neke, mono kea hanavetike Ramofonkura nehune, asunku'zamofo kea nehakeno, avame'zane kaguvazanena zanagri znazampi eri fore hu'ne.

Aposol 18:18

Mago'a rama'a knama Korinti kumate Poli'a maniteno'a, afuhe'mokizmia hufru huno mani'neho hunezmanteno, votifi hageri tkaheno Siria nevigeke Prisila'ene Akuilake agrane vu'na'e. Na'ankure Anumzamofo avure'ma huvempama hu'negu, Sensarea kumate Poli'a anuzokara vagateno erivo'vo hu'ne.

Aposol 18:25

Agri'ma Ramofo Jisasi kanku rempi humizageno, hampo'natino huzmenerino keaga nehuno, Joni'ma tima frezmante'nea zantfa antahi'neanagi, Jisasi avu'ava'mofo nanekea fatgo huno huzamasmi'ne.

Aposol 19:8

Hagi 3'a ikamofo agu'afina, Poli'a osi mono nompi ufreno korera osuno, antahintahizamia eriama huno agrarega zamatreku Anumzamofo avu'ava zankura huankereno zamasmi'ne.

Aposol 28:23

Agranema atru hu'za keaga husnaza knama erinte fatgoma hutage'za, rama'a vahe'mo'za nemasefinka e'za eme negageno, ana zupa Mosese kasegefinti ene kasnampa vahe'mo'zama krente'naza kefinti erino Anumzamofo mona kuma avu'avazana hu'ama huno nezmasmino, ama ana Jisasi avu'ava zante'ma zamentinti hanagu nanterana agafa huno nezmasmigeno kinaga ome ase'ne.

Aposol 8:31

Agra huno mago'mo'ma huonasamisigena, inankna hu'na antahi amara hugahue? Nehuno Filipina ke higeno umarerino agrane umani'ne.

1 Korinti 12:21

Hagi avurgamo'a azamofonkura huno, kagrama nazama hu'zankura antahi nonkamue huno osugahie. Ananzanke huno asenimo'a agamofonkura huno, kagrama nazama huzankura, nagra antahi nogamue huno osugahie.

1 Korinti 3:18

Mago vahe'mo antahintahi huno, nagra knare antahi'zane vahe ama knafina mani'noe hania vahe'mo'a, agra'a ravatga osino. Hanki atrenkeno neginagi vahe maniteno, henka knare antahi'zane vahera efore hino.

1 Korinti 8:2

Mago'a vahe'mo'zama hakare'zana antahi vgare'none hu'za antahigahazanagi, zahufa zamagrama antahiga avamentera ontahi'naze.

Hibru 6:1

E'ina hu'negu Kraisinku'ma onensi mofavremofo hiaza huta rempima huneramuna zana netretma, nena vahe avamente mani'nenketa, ko'ma fri avu'avazampintima tamagu'a rukrehe hutma Anumzamofonte tmamentinti hiho huta tmasaminona kea, tamasami vava huta ovugahune.

2 Pita 3:18

Hianagi Ranti Taguvazi Ne' Jisasi Kraisi asunkuzane, Agri antahintahi zampi hageta ra hiho. Menine henkanena, Agra'a hihamu msa'afi ra agi'a erivava hugahie. Tamage.