Aposol 18:24 - Kamano

²⁴ Mago Jiu nera, agi'a Apolosi'e, Aleksandria kumate kasente'naza nera, knare keaga nehuno avontafera antahi ankere'nea ne'mo Efesasi e'ne.

Anumzamofo Routage Avantafere

²⁴ Mago Jiu nera, agi'a Apolosi'e, Aleksandria kumate kasente'naza nera, knare keaga nehuno avontafera antahi ankere'nea ne'mo Efesasi e'ne.

Aposol 18:24 Iomraidhean Croise

Matiu 13:52

Jisasi'a anage huno zmasmi'ne, e'ina hu'negu miko kasegere ugagota hu'naza vahe'mo'za mona kumamofonku e'ina hugahaze hu'za hunezmasamiza vahe'mo'za, nomofo nafa'amo noma'afi ufreno korapa fenozane, ksefa fenozama'a erino atineramia kna nehie.

Luku 24:19

Jisasi'a anage huno znasami'ne, nanknaza fore hu'negeta neha'e? Higeno Nazareti Jisasinte'ma fore hu'neazanku nehue. Agra kasnampa ne'kino, Anumzamofo avure ene, maka vahemofo avurera, erizama'amo'ene keamo'enana hanavenentake hu'nea ne'ma,

Aposol 18:19

Efesasi uhanatite'za, anante Poli'a Prisila'ne, Akuilagizni'a ome nezanetreno, agra osi mono nompi umarerino, Jiu vahe'ene naneke hugantugma hu'za antahi'naze.

Aposol 18:21

Hianagi hufru hunezmanteno anage hu'ne, Anumzamofo avesi'zama me'nenige'na, ete'na tamagritega egahue. Anage nehuno Efesasiti'ma votifi,

Aposol 18:28

Na'ankure agra hampo'natino Jiu vahera zamazeri hagro huno, mika vahe zamufi avontafepinti eriama huno Jisasi'a Tazahu Nere (Kraisi'e) hu'ne.

Aposol 19:1

Apolosi'ma Korintima mani'negeno, Poli'a agu'afinka kuma tamimpi ufreno vuno Efesasi kumate uhnatino, mago'a disaipol naga anantega ome zamageno erifore nehuno,

Aposol 27:6

Anante sondia kva ne'mo'a Aleksandriati ventemo, Itali vunaku nehia vente keteno, anampi tavare antegeta vu'none.

Aposol 6:9

Hianagi mago'a vene'nezga, Hibru osi mono nona (Sinagog) vahe zamazeri atre monore nehazafinti Sairini kumate'ene Aleksandria kumate'ene, mago'a Silisiane, Esia rankuma'mo kegva hu'nefinti (provins) vahe'mo'za oti'za Stiveni keha rente'naze.

Aposol 7:22

Mosese'a Isipi vahe'mofo antahi'zana rempi huno maka eriteno, kema hu'zampine, avu'ava'zama'afina hankave nentake ne' fore huno mani'ne.

1 Korinti 1:12

Nagra ama kegu nehue, tamagripinti mago'mo huno, Nagra Poli amage'nentoe higeno, mago'mo huno nagra Apolosi amage'nentoe higeno, rumo'a huno, nagra Sifas (Pita) amage'nentoe higeno, eteno rumo'a huno, nagra Kraisi amage'nentoe nehie.

1 Korinti 16:12

Hu'neanagi Apolosi, nerafu kazigagu hu'za hue. Tmagritegama nerafuzanema esia kazigatira, nagra razampi azeri hanaveti kea nesamue. Hagi menima esiana agri'a avesi omne'neanagi, kankamuma me'nenkeno'a egahie.

1 Korinti 4:6

Menina nenfugatane nensarogata nagrare' ene Apolosinte'ene huntena nehuana, tamagri'ma tamaza hanigu nehue. Ana hanigeta ama kema nehu'a kemofo agu'agesa keta antahita hugahaze. Avoma krente'nea kante anteramita nemanita, mago'mofo hufenkami netreta, magomofo husga huontegahaze.

2 Korinti 10:10

Na'ankure mago'amo'za amanage nehaze, Poli'a avontafepina hankave ke kreneramino, tavure'ma ne-eno'a, akoheno kea nehige'za, amnege nehie hu'za nehaze.

Kolosi 3:16

Atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zmazeri fatgo nehutma, Anumzamofo avontafepi zgamera nehutma, krente zgamera nehutma, mono zgamera hutma Anumzamofona tamagu'areti susu huntegahaze.

Taitus 3:13

Hanavetinka Zenasi ke refkohu (lawyer) ne'ene, Apolosi kiznia ka vu zaznifina znaza hugeke magozankura upara osi'o.