Aposol 17:30 - Kamano

³⁰ E'inahu hu'za zamagena hu'miza e'naza kna'a, Anumzamo'a agesa ontahi'ne, hagi menina agra miko kaziga vahera hankave nentake ke huno, tamagu'a rukarehe hiho huno hu'ne.

Anumzamofo Routage Avantafere

³⁰ E'inahu hu'za zamagena humi'za e'naza kna'a, Anumzamo'a agesa ontahi'ne. Hagi menina agra miko kaziga vahera hankavenentake ke huno, tamagu'a rukarehe hiho huno hu'ne.

Aposol 17:30 Iomraidhean Croise

Matiu 20:7

Zamagra anage Agriku hu'naze, mago'mo'e huno zgo erizantera oravregeta anahu huta mni'none. Hzageno, vutma waini hozani'afi tamagra 'nena eri'za ome eriho hu'ne.

Matiu 3:2

Kefozantamigu tmasunke huta tamagu'a rukrehe hiho, na'ankure mona kumamo'a hago tva'o nehie.

Matiu 4:17

Ana knareti agafa hu'neana, Jisasi mono ke huzmasmino anage hu'ne, tamagu'a rukrahe hiho, na'ankure Anumzamofo mona kumamo'a, hago tva'o nehie.

Maki 1:15

Anumzamo'ma huhampri'nea kna hago eforehie. Anumzamofo kumamo'a hago eravao hie. Tamagu'a rukrahe huta knare musenkere tamentinti hiho.

Maki 6:12

Ana hige'za amage'ma nentaza disaipol naga'mo'za vu'za, zmagu'a rukrehe hanazegu, mono kea ome huama hu'za mika vahe zmasami'naze.

Luku 13:5

Nagra i'o hu'na neramasamue. Hianagi tamagu'a rukrahe osnutma e'inahu kna hutma tamagranena mika frigahaze.

Luku 15:10

Hanki amanage hu'na neramasmue, anahu kante mago kumi vahe'mo'ma agu'ama rukrahe'ma nehige'za, Anumzamofo ankeromo'za tusi muse nehaze.

Luku 24:47

Vahe'mo'za Agri agifi, zamagu'a rukrahe hanageno, Anumzamo'a kefozazimi eritrezamantesia kea, Jerusale kumate erigafa hute'za, mika kokankoka vahete vugahaze.

Aposol 11:18

Ana kema zamagrama antahite'za, kema huzmanteku'ma hazana netre'za, Anumzamofo ra agi ami'za anage hu'naze, Anumzamo'a megia vahera zamarege'za zamagu'a rukarehe hu'za zamasimu e'nerize hu'naze.

Aposol 14:16

Korapa knafima mani'naza vahera, Anumzamo zamatrege'za maka mopafi vahe'mo'za zamagra zamesia kante vu'za e'za hu'naze.

Aposol 17:23

Na'ankure nagra vano nehuna urava'o hu'na rezagane'na monoma hunentaza'zama koana, mago itama (alta) husga huntenarera anage hutma krente'naze, ontahinona Anumzanetege hutma hu'naze. E'ina hu'negu ontahinetma mono'ma hunentaza zamofonku, e'i nagra huama hu'na neramasmue.

Aposol 20:21

Jiu vahe'ene Griki vahera hu'ama hu'na tamagu'a rukarehe hutma Anumzante ne-etma, Ranti Jisasinte tamentinti hiho hu'na zamasmi'noe.

Aposol 3:19

E'i zanku, kasunku hunka kagu'a rukarehe hunka, Anumzamofonte egeno, kumika'a eri atregantegahie.

Romu 1:28

Zamagrama Anumzamofo zmefi hunte'za agorga'ama omninazana neginagi zane hu'za nehaza zanku, Anumzamo'a atregeno havi antahintahizazmimo rentrako hige'za, osuga avu'avazana nehaze.

Romu 2:4

Kagra nonkano knaza amunanagi knarezantfa huno agazone huneranteno, akoheranteno mani Anumzamo'ma kagri'enema mani'neana? E'i anazamo'a kagritera amneza me'nefi? Kagra nonkano knare'ma hunegantenoma kumipintima kagu'a rukrahema hnazegu'ma knama kaminoma ne-eazana nontahino?

Romu 3:23

Na'ankure maka'mota kumi huta Anumzamofo hanave'ane kumapina umanigara osuta, atupa hu'nonane.

Romu 3:25

Anumzamo'a, Jisasina tamigeno kumitimofo nona huno korama'a tagino, kumitia apaserante'nea zamo'a Anumzamo'a agru huno ftago huneankita, Agritema tamentinti hanuta Anumzamofontera egahune. Anumzamo'ma e'inahu hu'neazamo, Anumzamo'a fatgo hu'ne nehie. Ko'ma kumi hu'naza vahe'ma akoheno mni'neno kumizmia atrezmante'nea zamo'a eama hu'ne. E'ina zamo'enena eriama huno Jisasimpima zamentintima haza vahe'ma nezmavrea zamo'a taveri huno Anumzamo'a fatgo hu'ne nehie.

2 Korinti 7:10

Na'ankure Anumzamo'a tagripima me'nea tasunku zampi huvazino taza hanigeta, kumira atreta tagu'a rukrehe hanunkeno taguravazina, tagra knazantigura tagesa ontahigahune. Hianagi tasunkuke nehuta tagu'a rukrehema osnunana, fri'za erifore hugahie.

1 Pita 4:3

Tamagra Anumzamofoma keno antahino osu vahekna hutma, zaza kna ama mopafina mni'neta, havi tamagu tamagesa nentahitma, havizamofo avesizampi nemanitma, negi tina nenetma, ranke huta vano nehuta, neza kretma nenetma, havi anumzamofo mono hunte'naze.