Aposol 15:32 - Kamano

³² Hagi Judasike Sailasikea znagranena kasanampa netrenkike, so'e hu'za mani'saza kene zamazeri hanaveti ke nezmasmike, zamentinti nagara zaza naneke hu'ne zamasmi'na'e.

Anumzamofo Routage Avantafere

³² Hagi Judasike Sailasikea znagranena kasanampa netrenkike, so'e hu'za mani'saza kene zamazeri hanaveti ke nezmasmike, zamentinti nagara zaza naneke hu'ne zamasmi'na'e.

Aposol 15:32 Iomraidhean Croise

Matiu 23:34

E'ina hu'negu keho, Nagra kasnampa vahe'ene, antahi'zane vahe'ma, kasegere ugagota hu'naza vahezga, huzmantoge'za neaze, mago'amokizimia, zmahetma hantigahaze, mago'amokizmia osi mono'nontamifi zmazeritma nofi knonu sefu nezamitma, ra kumate kumate zmazeri haviza hutma vano hugahaze.

Luku 11:49

E'i ana agafare, tamagri havi tamavu tamavazamofonku, Anumzamofo knare antahintahimofo kemo'enena huno, nagra kasnampa vahe'ene, aposol nagara huntesugeno e'nagetma, mago'amokizmia zamahe nefritma, mago'amokizmia zmazeri haviza hugahaze hu'ne.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Aposol 11:27

Ana knafina mago'a kasnampa vahe'mo'za Jerusaleti erami'za, Antioku kumate ehanati'naze.

Aposol 13:1

Antiokua mono nontema menima mani'naza kasnampa vahe'ene, rempi huzmi vahera ama'a mani'naze, Banabasiki, Simioni (aganumpa nere hu'za nehaze ne'ki), Lusiusi'a Sairini ne'ki, kumate ugagota kva (Gavana) ne' Heroti knampa, magoka ositeti rasena'a ne' Maeniaki, Soliki hu'za mani'naze.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

Aposol 15:1

Mago'a vahe'mo'za Judia kazigati e'za Antioku ehanati'za amanage hu'za amage' nentaza nagara rempi huzami'naze, Mosese hu'nea kere amage' antetma tamavufa taga hiho, anama osanutma tamahoke heno tamaza osugahie.

Aposol 15:22

Anante aposol naga'ene, mono kva vahe'mo'zane, maka mono kevumo'za amuno zamifinti huhampri zamanteneana, Judasinku Basabasi nehaza ne'ene Sailasi'a ana naga'amofo kva ne' zamine huhampri zananteke, Poline Banabasi kizni Antioku vihogu huzmante'ne.

Aposol 15:27

E'ina hu'negu Judasine Sailasi kizni huzmantonankino, zanagra zani'a ama kemofona ome hamprike tamasmigahaze.

Aposol 15:3

Ana hige'za mono nagamo'za, huzamantege'za, Fonesiane Sameria ufare'za agatere'za maka megi'a vahe'tamimo'za zamagu'a rukarehe hu'naza kea mono vahe'zga zamasmige'za tusi'za hu'za muse hu'naze.

Aposol 15:31

Rankema hu'za ana avoma hampritageno, vahe'tamimo'za zamazeri hanaveti kema hazazankura, tusi'a musenkase hu'naze.

Aposol 15:41

Siriane Silisi'a kumapi Poli'a ufreno nevuno, mono vahera zamazeri hanavetime vu'ne.

Aposol 18:23

Antioku'ma mago'a knama maniteno, ana kumara atreno mago'mago kumate Galasiane Fezianena vano huno Jisasi amage nentaza disaipol nagara zamazeri hampo'na hu'ne.

Aposol 2:40

Rama'a ruga'a ke Pita'a huama nehuno, zamazahuke zamasami'ne. Kefo zampima mani'naza vahe'pintira, manigneta manisaza zamo tamagu'vazina, knare huta manigahaze.

Aposol 20:2

Ana mopa kazigama vano huno rama'a keretima zamentinti naga zamazeri hanavematiteno, Grisi ehanati'ne.

Romu 12:6

Anumzamo'a Agra'a asunkuzanteti, ruzahu ruzahu eri'zama eri'zamofo muse'zana magoke magoke'mota tamitere hu'ne. Hu'negu Anumzamo'ma kasnampa kema hu hankavema kaminesigenka, Anumzamo'ma kaminesia kamentinti avamente huama huo.

Romu 12:8

Iza'o ru vahe'mokizmi zamazeri hankaveti musezama agripima me'nesigeno'a, zamazeri hankavetigahie. Hagi vevahu musezama agripima me'nesigeno'a, mago'a zankuma atupama hanaza vahera zamisige'za rama'a erigahaze. Hagi Anumzamo'ma vahe kva huzamante hankavema aminesiana, agra'a ana eri'zana agu'areti huno eriso'e huno erino. Hagi vahema so'e hunte musezama erinesimo'a, musezampinti so'e zana huzmaverino.

1 Korinti 1:8

Hanavea tamisigeta refarera uhanatigahaze. Ana hanigetma Rantimofo Jisas Kraisi'ma esia kna zupa hazenke tamia omnegahie.

1 Korinti 14:29

Zametrenke'za tareo tagufa kasnampa vahe'mo'za kasnampa ke'a nehanage'za ruga'amo'za ana nanekea refko hu'za antahiho.

1 Korinti 14:3

Hu'neanagi iza'o kasnampa ke nehimo'a, vahe zmazeri hankavenetino, zmazahuke nezmasamino, zamarimpa zmazeri so'e huke zmasamigahie.

1 Korinti 14:32

Kasnampa kema hu avamu'mofo agorga'a mani'ne'za, kasnampa vahe'mo'za knazmima esige'za, kasnampa kea hutere hugahaze.

Efesasi 3:5

E'i ana antahi'zana korapa vahe'moza eriama hige'za ontahi'nazane. Hagi menina Agra'a aposol vahete ene kasnampa vahete Avamu'mo eriama nehie.

1 Tesalonaika 2:11

Tamagra antahinaze, ne'fama mofavre'amofo tutu hunteno azeri hanaveti ke asamiankna tavutavama huramantenona zana tageta antahita hu'naze.

1 Tesalonaika 3:2

Ana nehuta nerafu Timoti'a, Anumzamofo eriza ne'mo Kraisi knare musenkemofo eriza e'neria ne'mo, eme tamamentinti tamazeri hanavenetino, tamazeri hanaveti kea tamasaminogu hunte'none.

1 Tesalonaika 4:1

Nafu naganaheta Ramofo Jisasimpi mani'naza nagamota, rempima huraminona kante antetma manihogu tagra tutu huneramanteta, tamazeri hanavenetunanki, tamagrama nehazaza hutma, mago'ane hanavetita ana avu'avara hiho.

1 Tesalonaika 5:14

Nerafugate, tagra tamazeri otike hanunketma erizama e'ori zmesrama nehaza vahera zmazeri fatgo nehutma, koroma nehaza vahera zmazeri hankavenetitma, hanavema oti'nesaza vahera zmazeri hanavetiho. Ana nehutma maka vahe enena fru hutma maniho.

1 Tesalonaika 5:20

Kasnampa kemofona antahi amnezanknara osiho.

2 Tesalonaika 3:12

Menina e'inahu vahe'mofona, Ramofo Jisas Kraisimpina hanavege huta zmazeri hanave'netita, akohe'za mni'ne'za zamagrazmi zamazampinti erizana eri'za, nomanizazmia retro hu'za maniho huta nehune.

1 Timoti 2:1

Anumzamofo agihanta vazi'zana pusaza me'ne. Nunamu huta agihanta nevzita, tagrima tvesi'nia zanku antahinegeta, muse hunenteta, maka vahe zamagi erita zamaza hanigu antahige'snune,

2 Timoti 4:2

knare nanekea huzamasmio, kva hu'nenka kna'arero amne knarero, havi knarera zamazeri fatgo nehunka, hazenke hanazana, hanave kefinti zamazeri fatgo nehunka, kzone kefinti zamazeri fru nehunka, kavesra osunka kazigzi hunka knare naneke huama huo.

1 Pita 5:1

E'ina hu'negu mono kva vahe'motma, nagranena tamagrikna huna mono kva ne' mni'nena, Kraisi'a atazana erigena, ke'nomonane, tamagrane magoka Kraisi hanavemo eama hanigeta erisumona neramasamue.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

1 Pita 5:12

Hanki Sailasi'a nazahigeta ama atupa avona kre'no'e, nagrama kena antahinama agri'ma huana, fatgo huno Ramofona amage nentea nenafu mni'ne. Nagra ama atupa avoma kreneramuana, tamazeri hanaveti ke hu'na, Anumzamofo tamage asunku zankura kreneramuanki, ana asunkuzantera oti hanavetiho.