Aposol 12:3 - Kamano

³ Anama hiazama Agrama kegeno Juda vahe'mo'za musema hazageno'a, Pitana azerino kina hunteku hu'ne. (Zo'ore breti muse hu'za nenaza knare, anara hu'ne.)

Anumzamofo Routage Avantafere

³ Ana'ma hiazama Agrama kegeno Juda vahe'mo'za musema hazageno'a, Pitana azerino kina hunteku hu'ne. (Zo'ore breti muse hu'za nenaza knare, anara hu'ne.)

Aposol 12:3 Iomraidhean Croise

Matiu 26:17

Zo'ore Breti nenaza hompa knamofona ese zupa, amage nentaza disaipol nagamo'za Jisasinte e'za eme antahige'za, inantega kinafinti zmare'nea knagu antahimi ne'zana retro hugante'sunkenka negahane?

Joni 12:43

Na'ankure vahe'mo'za husga huzmante zanku nehu'za, Anumzamo husga huzmante zankura ontahi'naze.

Joni 19:11

Jisasi ke nona'a asmi'ne, Kagra Anumzamoma hanavema onkamiasina, Nagri'ma kegva hunantega hanavea e'orintesine, hagi monafinkati ne'mo hanigenka anara hugahane. Na'ankure navreno kzampima eme ante'nemo'a, kagrira kagatereno tusi'a kumi hu'ne.

Joni 21:18

Tmagerfa hu'na negasmue, Kagrama kahefa'ma mani'nantera kenakarera kamu'nofi hunka kvesi'zante kana vano hu'nane, hianagi ranafa resunka, kzana rutaresanke'za rumo'za kagrira kukena hugante'za, ovuku hanantega kavare'za vugahaze.

Aposol 12:4

Heroti'a, Pitama azeriteno avareno 4'a sondia vahe kevumofo (16) zamazampi ome antege'za, oza aza hu'za kava kri'naze. Heroti'a Pasova ne'za netesageno, amefi'a maka vahe zamufi Pitana azeri ama hunaku antahi'ne.

Aposol 2:14

Hianagi Pita otino 11ni'a amage' nentaza naga'ane mani'neno, ranke huno zamasmino, tamagra Judia vahe'ene, miko Jerusale mani'namota ama huankea tamagesa anteta antahi ankereho.

Aposol 20:6

Zo'ore bretima Juda vahe'mota nenona kna'mofo amefiga'a hompama vagaregeta, Filipai kumara atreta ventefi mrerita 5fu'a zge ferupi nevuta, Troasi kumate tavega ante'nare uhnatita ana kumate mago sonta umani'none.

Aposol 24:27

Tare zgegafu agateregeno'a, Pesius Festusi'a, Gavana eri'zana Feliksi no erino eri'ne, na'ankure Feliksi'a Jiu vahe zamazeri muse hu'naku Polina atregeno kina nompi mani'ne.

Aposol 25:9

Hianagi Festusi'a Jiu vahe'mo'za musema huntesaza kazigati Poli antahigeno, kagra knare Jerusalemia mareri'nanke'na naneke ka'a ome antahigahufi?

Aposol 4:13

Anante'ma ana vahe'mo'za znagazana, Pitake Jonikea, kema ha'ana korera osake'za, zanagrira antahi ama hu'za, avonona osuke, nontega ne'tremoke Jisasi'enena mani'na'e hu'za antahi ama nehu'za tusi antri nehu'za, nankna'za fore nehie hu'naze.

Galesia 1:10

Na'ankure nagrama e'inagema nehuana, vahe'mo'za antahi so'e hunantege, Anumzamo antahi so'e hunantenogu nehufi? Hifi nagrama mraguzamanetuana vahe'mo'za antahi muse hunantehogupi? Nagrama vahe'mo'za antahi muse hunante'nazegu'ma nehanuna, Nagra Kraisi kazokzo eri'za vahera omni'noe.

1 Tesalonaika 2:4

Hianagi anahukna huno Anumzamo'a tagrira tageno antahino huteno, knare musenkema huama hu erizana, taminegeta e'nerunanki, vahe'mo'za muse hurantesazegura nosunankino, Anumzamo Agra'a tagu'afina refko huno nerage.