Aposol 11:20 - Kamano

²⁰ Hu'neanagi Saipras vahe'ene Sairini vahe'mo'za zamagripinti mago'a Antioku e'za, agafa hu'za Ramofo Jisasi knare musenkea huama hu'za Griki vahe zamasmi'naze.

Anumzamofo Routage Avantafere

²⁰ Hu'neanagi Saiprusi vahe'ene Sairini vahe'mo'za zamagripinti mago'a Antioku e'za, agafa hu'za Ramofo Jisasi Knare Musenkea huama hu'za Griki vahe zamasmi'naze.

Aposol 11:20 Iomraidhean Croise

Matiu 27:32

Anama atinerami'zageno mago nera Sairini kazigati Saimoni'e hu'za nehaza ne' eme nege'za, Jisasi rugeka zafa eri kofino vinogu tutu hunte'naze.

Joni 7:35

Jiu kva vahe'mo'za zamagra zamagra ke hugantu hugma nehu'za anage hu'naze, Inantega Agra vnigeta Agrira onkeku hunkeno nehie? Agra tatreno Jiu vahe'mo'za Griki umani'naza vahe ene, Griki vahe rempi huzamiku Jisasi'a nehio?

Aposol 11:19

Ananknafi Stivenina ahe nefri'za mago'a nagara zamahe fragu vazige'za, atre'za Fonesiane, Saiprasine, Antiokune, nevu'za ru vahete mono osu, Jiu vaheteke mono kea ome zamasmi'naze.

Aposol 11:22

Anama zamagrama hazankemo'a, Jerusale mono vahete ege'za nentahi'za, zamagra Banabasi huntageno Antioku vu'ne.

Aposol 11:26

ome ke fore huteno avareno Antioku kumate uhanati'na'e. Ana kafufina Banabasi'ene Solikea mono vahe'zga mono kea hunezamikeno tusi'a vahe fore hu'ne. Anante amage'ma nentea disaipol naga'mo'za pusa (kristen) mono vahere huno zamagi'a eri'naze.

Aposol 11:27

Ana knafina mago'a kasnampa vahe'mo'za Jerusaleti erami'za, Antioku kumate ehanati'naze.

Aposol 13:1

Antiokua mono nontema menima mani'naza kasnampa vahe'ene, rempi huzmi vahera ama'a mani'naze, Banabasiki, Simioni (aganumpa nere hu'za nehaze ne'ki), Lusiusi'a Sairini ne'ki, kumate ugagota kva (Gavana) ne' Heroti knampa, magoka ositeti rasena'a ne' Maeniaki, Soliki hu'za mani'naze.

Aposol 14:26

Anantetira atre'ne ventifi marerike ete Antioku kumate vu'na'e, korapara ana kumateti Anumzamofo asunkuzampi huzamantake'ne vunate ete ehanatina'e.

Aposol 15:22

Anante aposol naga'ene, mono kva vahe'mo'zane, maka mono kevumo'za amuno zamifinti huhampri zamanteneana, Judasinku Basabasi nehaza ne'ene Sailasi'a ana naga'amofo kva ne' zamine huhampri zananteke, Poline Banabasi kizni Antioku vihogu huzmante'ne.

Aposol 15:23

Ama'na avon karentage'za eri'za vu'naze, aposol nagategati'ene mono kva vahe'motane, tamagri tamafuheta megi'a tafuhetane nerasarogta Antiokune Siriane, Silisiama mani'namotarega musen ke huramantone.

Aposol 15:30

Ana hute'za zamagra atre'za Antioku urami'za, maka naga ome zamazeri atru hute'za anama kre'naza avona zami'naze.

Aposol 17:18

Anahu kna huno mago'a Epikurien vahe'ene, Stoik vahe'mo'zanena vahe'mofo nomani'zama rezagane'zama negaza vahe'mo'za (Filosofa) kehakare hunentageno mago'amo'za anage hu'za antahi'naze, Nankna ke ama neginagi vahe'mo'a hunaku nehie? Ruga'amo'za hu'za, Agra ru anumzanku nehia nere. Na'ankure Jisasi agi agenkene, fripintima oti'nea knare musenkegu hu'naze.

Aposol 18:22

vuno Saeseria unehanatino, Jerusalem umarerino mono vahera musenke hunezmanteno, anantetira Antioku urami'ne.

Aposol 2:10

Frigia mopareti'ene, Pamfilia mopareti'ene, Isipi mopareti'ene, Livia kazigati'ene, Sairini mopareti ene, Romuti nantu vahe'ene, Hibru vahe'ene, megi'a vahe'mo'za zamagu'a rukrahe hu'naza vahe'enene.

Aposol 4:36

Hagi mago Livae nera, Saiprus hageri amuragozafi ksente'nea nera Josefe'e, mago agi'a aposol nagamo'za antemi'nazana Banabasi'e. (Ana agimofo agafa'a, zamazeri hankaveti ke zamasmi mofavre.)

Aposol 5:42

Hanki hakare knafina, ra mono nompi'ne, nonte nontera nevu'za Jisasi'a, tazahu ne' Kraisi'e hu'za knare muse kea rempi hunezmi'za huama hu'naze.

Aposol 6:1

Anama haza knafina, amage nentaza disaipol nagamo'za ra hu'za ame'nanempi mareri'zageno, Griki kema nehaza Jiu vahe'mo'za, Hibru kema nehaza Jiu kuma agafa vahetmina kanive rezamante'za, mika zupa kave'ma fakoma hazana kento a'ne nagara antahi nozamize hu'za hu'naze.

Aposol 6:5

Ana mika vahe kevumokizmia zamesige'za, ana hugahune nehu'za, ana 70ti'a vahe hampri'naze, mago ne'ma hampona amentintine ne' Ruotge Avamu'mo agu'afima avite'nea nera Stiveni huhampriza Filipinki Prokulusinki Nikenanki Taimoninki Pamenasima, mago Antioku ne' Nikolasi'a megi'a nagapinti ne'mo agu'a akrehe huno Jiu monopi amentinti nehia ne' huhampri'za zamaretru hu'naze.

Aposol 6:9

Hianagi mago'a vene'nezga, Hibru osi mono nona (Sinagog) vahe zamazeri atre monore nehazafinti Sairini kumate'ene Aleksandria kumate'ene, mago'a Silisiane, Esia rankuma'mo kegva hu'nefinti (provins) vahe'mo'za oti'za Stiveni keha rente'naze.

Aposol 8:35

Filipi'a anama hampri'nea avontafepinti nanekea agafa huno, Jisasi knare musenkea ana nera asmi'ne.

Aposol 8:5

Filipi'a, Sameria rankumate viazamo, Kraisinku zamagrite huama ome hu'ne.

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Aposol 9:29

Agra keaga nehuno, Griki kema nehaza Jiu vahe'enena, keha hu'nazanagi, zamagra ahe frisnaza kanku hakare'naze.

1 Korinti 2:2

Nagra'ma antahi'zama retro hu'noana, tamagrane mani'nufina mago'zankura ontahigahuanki, Jisas Kraisima ahe'za rugeka zafare hanti'naza zankuke antahigahue.

Galesia 2:11

Hianagi Pita'ma Antioku kumate ehnatige'na, haviza hu'nane hu'na avufi kesu'noe.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.