Aposol 1:3 - Kamano

³ Ana amage nentea aposol nagateke, atama erino fri'nefinti otino, Nagra mani'noe huno 40ti'a zage'gnafina zamavure vano nehuno, anahu kna huno Agra rama'a kampinti, ruzahu ruzahu ke nehuno, mika'zama Anumzamofo kumapima me'nea avu'ava zanku kea nehige'za nege'za antahi'naze.

Anumzamofo Routage Avantafere

³ Ana amage nentaza aposol nagateke, atama erino fri'nefinti otino, Nagra mani'noe huno 40'a zage'gnafina zamavure vano nehuno, anahu kna huno Agra rama'a kampinti, ruzahu ruzahu ke nehuno, mika'zama Anumzamofo kumapima me'nea avu'ava zanku kea nehige'za nege'za antahi'naze.

Aposol 1:3 Iomraidhean Croise

Matiu 21:43

Ama ana agafare, Nagra kea tmagrira tamasmina, Anumzamofo kumara tmagripintira hanareno, iza'zo Anumzamofo kuma'mofo nena rgama renentesnamokizmi zamigahie.

Matiu 28:9

Antari ha'aza huno Jisasi'a tutagiha huznenteno, nanterane huznategeke, znagra Agrite eke agiare azeri hanavetineke mono huntena'e.

Matiu 3:2

Kefozantamigu tmasunke huta tamagu'a rukrehe hiho, na'ankure mona kumamo'a hago tva'o nehie.

Matiu 4:2

Ka'ma mopafina 40ti'a hanine zgene ne'zana oneno a'o huno mani'ne. Ana huteno Agra tusi'a aga'zanku hu'ne.

Maki 16:19

Anage huno zamasmitegeno, Anumzamo'a Jisasina avareno monafi marerino, azantmaga kaziga ome antegeno mani'ne.

Joni 20:26

7'a zgegna agaterege'za, rosaza hu'za amage' nentaza disaipol nagamo'za, Tomasi'ene magopi kafana erigi'za mani'nazageno, zamagri amu'nompi Jisasi eme otino, Tamarimpa fru eriho, huno hu'ne.

Joni 21:1

Henka'a Jisasi'a mago'ene Taeberias mago agi'a Galili tiru ankenare, amate efore huzmerige'za amage' nentaza disaipol naga'amo'za ke'naze. Ama'amokizmire efore hige'za ke'naze.

Joni 21:14

Fri'nefinti Jisasi'ma otino zameri'neana, tagufa (3) zupa amate efore huzmerige'za amage' nentaza disaipol naga'mo'za ke'naze.

Aposol 13:31

Galiliti amage' ante'za Jerusalem mareri'za e'naza vahe'taminte rama'a zupa efore hu'ne. E'ima ke'naza nagamo'za vahepina huama hu'za menina zamasmi'gahaze.

Aposol 19:8

Hagi 3'a ikamofo agu'afina, Poli'a osi mono nompi ufreno korera osuno, antahintahizamia eriama huno agrarega zamatreku Anumzamofo avu'ava zankura huankereno zamasmi'ne.

Aposol 28:23

Agranema atru hu'za keaga husnaza knama erinte fatgoma hutage'za, rama'a vahe'mo'za nemasefinka e'za eme negageno, ana zupa Mosese kasegefinti ene kasnampa vahe'mo'zama krente'naza kefinti erino Anumzamofo mona kuma avu'avazana hu'ama huno nezmasmino, ama ana Jisasi avu'ava zante'ma zamentinti hanagu nanterana agafa huno nezmasmigeno kinaga ome ase'ne.

Aposol 28:31

Korera osuno Anumzamofo mona kumamofo avu'ava zana hu'ama nehuno, Ramofo Jisasi avu'ava zamofo nanekea rempi hunezamigeno mago'mo'a aze'orino i'o huonte'ne.

Aposol 8:12

Ana hu'nazanagi Anumzamofo kumamofo avu'avaku'ene, Jisas Kraisi agire knare musenkema Filipi huama nehige'za zamentintima nehu'za, vene'nene, a'nemo'zanena erigafa hu'za monoti fre'naze.

Romu 14:17

Na'ankure Anumzamofo Kumara, neza ne'zane, ti nezana omanene. Hianagi Ruotge Avamupi fatgo avu'avazane, arimpa fru'zane, musenkase hu'za me'ne.

Kolosi 1:13

Na'ankure hanizamfo hanavefintira taza huno tavreno avesinentea Ne' Mofavre'amofo kumapi nerante.

1 Tesalonaika 2:12

Tagra ana nehanunketma tamagrama kama vnazana, Anumzamo'ma tamagi nehuno, Agri'a masanentake kuma erigahaze hu'nea Ne'mofo so'e kumapi vugahaze.

1 Joni 1:1

Ama Kea ese agafare korapa me'nea ke, nentahita tavunu negeta, konazana tazanu avako nehuta, asimu eri Kegu nehune.