Aposol 1:14 - Kamano

¹⁴ Maka ana naga'mo'za magoke antahintahifi maka'zupa nunamu nehu'za mago'a a'nene, Meri Jisasi nerera'zane, Jisasi nefu'za mani'naze.

Anumzamofo Routage Avantafere

¹⁴ Maka ana naga'mo'za magoke antahintahifi maka'zupa nunamu nehu'za mago'a a'nene, Mariaki Jisasi nerera'ene, Jisasi nefu'zagi hu'za mani'naze.

Aposol 1:14 Iomraidhean Croise

Matiu 12:46

Jisasi'a ana naneke atru hu'naza vahe kevumokizmi nezmasmige'za, Nerera ene agnahe'za Agri'ene keaga hunaku megi'a emani'naze.

Matiu 21:22

Hanki nazankuro kamentinti hunka, nunamu hunka antahigesanana, amne erigahane.

Matiu 27:55

Galili kazigati hakare a'nenemo'za, aza nehu'za magoka vano nehazamo'za anampi ogamu'a mani'ne'za ke'naze.

Maki 15:40

Mago'a anemo'za ogantu'a mani'ne'za uruha ke'naze. Ana a'nefina, Makdala kumateti Meriki, Saromeki mago Meri'a (osi Jemisine, Josefekizni neznareraki) hu'za mani'naze.

Maki 16:1

Mni fruhu kna (Sabat) vagarege'za Makdalati Meriki, Maria Jemisi nereraki, Salomeki hu'za mananentake masave Jisasi avufare ome frentenaku miza se'naze.

Luku 11:13

Hanki tamagra havizama nehzamota, tamagra antahinaze. Knare museza mofavretmia nezamize. Mago'ane monafi mani'nea Neramafa'a, Ruotge Avamuku'ma antahigaza vahera zamigahie!

Luku 18:1

Zmavesra osu maka zupa nunamu hanagu, fronka ke Jisasi'a amagema nentaza disaipol naga'a anage huno zmasamine.

Luku 23:49

Hanki maka Jisasi rone'amo'zane, Galili kazigati Agrane e'naza a'nene, ogantu umani'ne'za ana zama fore hiazana ke'naze.

Luku 23:55

Galiliti Jisasi amagema ante'za e'naza a'nemo'za, ana havegampima avufga'ama antazana ke'naze.

Luku 24:10

Hanki ana a'nemokizmi zamagi'a, Makdala kumateti' a' Mariaki, magora Joanaki, Jemisi nerera agi'a Maria ene, mago'a a'nemo'zane, ana nanekea aposolo nagara ome zmasami'naze.

Luku 24:33

Znagra anage nehuke, ame huke rukrehe huke Jerusale kumate vuna'e. Jisasima amagema nentaza 11ni'a disaipol nagamozane, mago'a naga'moza'nena eri atru hu'nage'za ome nezmagake'za,

Luku 24:53

Ana hute'za ra mono nompi mreri'za Anumzamofo agi erisaga huvava hu'naze.

Luku 8:20

Ana higeno Jisaina asami'za, negarera'ene kaganahe'za kavega ante'za megi'a otine'za kagenaku nehaze hu'za asami'naze.

Aposol 2:1

Kasefa hoza vasage kna Pentikos ege'za, aposol nagamoza mago nompi atru hu'naze.

Aposol 2:42

Ana vahe'mo'za aposol nagamokizmi naneke antahiza atru hu'za monora rempi hu'za nentahiza, magopi breti kori'za nene'za (Lords sapa) nunamuna hu'naze.

Aposol 2:46

Maka kna ra mono (tempol) kumapi atru hu'za mono kea nehu'za, zamagu'a anterami'za, zamarimpa fruregati nonte nonte bretia koriza nene'za kave'zamia fako hutere hu'naze.

Aposol 6:4

Hu'neanagi tagratia nunamu hu'zante'ene, Anumzamofo naneke'a huama huta veamofona zamasmita maka knafina vugahune.

Romu 12:12

Fore hanigu hankave antahintahima hunemiza zankura musena nehuta, tusi'a knazama fore'ma hanigetma kazikazi huta nevutma nunamu huvava hiho.

1 Korinti 14:13

E'ina hu'negu, iza'o ru ageru aranimo'a, ana kema agra'a rekrehe hu'zankura, nunamu huno Anumzamofo antahigeno.

Efesasi 6:18

maka zupa nunamu huvava nehutma, nunamuna hutma antahigeho, ana nehanutma tamagra kva hu'netma kazigzi hutma maka eri'za vahekura (kristen) nunamu hutma Anumzamofona antahigeho.

Kolosi 4:2

Nunamuma hu'zana azeri hankavetineta, kava huta mani'neta Anumzamofoma susuhunte avu'avazana otreho.