Aposol 1:13 - Kamano

¹³ Zamagrama Jerusale ufrete'za, nemaniza nompi anagame umreri'za hunaragintepinka mani'naze. Pita ene Joniki, Jemisi ene Endruki, Filipi'ene Tomasiki, Bataromio ene Matiuki, Jemisi Alfiasi nemofo ene Saimon Zelaiotiki, Judasi nemofo Jemisiki hu'za anampi umani'naze.

Anumzamofo Routage Avantafere

¹³ Zamagrama Jerusalemi ufrete'za, nemaniza nompi anagame umareri'za hunaragintepinka mani'naze. Pita ene Joniki, Jemisi ene Endruki, Filipi'ene Tomasiki, Bataromio ene Matiuki, Jemisi Alfiasi nemofo ene Zelati nagapinti ne' Saimoniki, Jemisi nemofo Judasiki hu'za anampi umani'naze.

Aposol 1:13 Iomraidhean Croise

Matiu 9:9

Ananteti Jisasi'a nevuno, mago nera agi'a Matiu'e nehaza ne' takisi zago zonegi'za onensa nompi mani'negeno omegeno, Nagri namage eme anto, higeno agra otino amage vu'ne.

Maki 14:15

Hanunkeno'a mago hunaraginte nomofo anaga kaziga, ra kakamu me'nesifi agra tanaveri hugahie. Anampina ne'zane sipa ko retro hunte'naze. Ana nompi mareritna nezana ome retro huranteho.

Maki 14:33

Anante Pitanki, Jemisinki, Joninki huno zmareno nevigeno, agu'amo'a tusi'gna nehigeno, asunku hu'ne.

Maki 2:14

Agra nevuno Alfiasi nemofo agi'a Livai takisi e'neriza osi nompi mani'negeno ome keno, eme namage anto higeno otino amage vu'ne.

Maki 5:37

Maka vahera maniho hunezmanteno, Pitama Jemisi nefu Jonima huno zmavrege'za amage anteza vu'naze.

Maki 9:2

6si'a zagegna evutegeno, Jisasi'a, Pitama, Jemisima, Jonikizmia zmavreno za'za agonafi mareriza zamagrake umani'ne'za, negageno avufagamo'a rukrehe huno ruzahe nehigeno,

Luku 22:12

Anagema hanakeno'a, agofetu nomofona, ra kankamu hunaragintenefinka ko retro hunteneakino, tanaveri hanigeta, anante nezana retro hugaha'e.

Joni 11:16

E'ina hianagi Tomasi (Didimasi'e hu'neana kugavezare) nehaza ne'mo, magoka Jisasi amage nentaza disaipol nagaku huno, tagranena erinketa vuta Agrane ufri'maneno hu'ne.

Joni 14:22

Ru Judasi amanage huno Ramofona antahige'ne, nankna hunka Kagra tagrite eama nehunka, ama mopafi vahetera eamara osugahane?

Joni 18:17

Anante kazokzo eri'za mofa'ma kafante kva nehia mofa'mo Pitanku amanage huno antahige'ne, Kagra ama Ne' amage' nentana disaipol nere, tamage ana nepi? Huno antahigegeno, A'o, Nagra ru nere.

Joni 21:2

Saimon Pita'ma, Tomasi mago agi'a Didimasi'ma, Natanael Kana kumateti ne'ene, Zebedi nemofokegi, tare amage' nenta'a disaipol netrene atru hu'za mani'naze.

Aposol 12:17

Agra azanu avame hige'za akohe'za mani'zageno Ramo'ma kina nompinti azama huno avare atre'nea kea zamasmi'ne. Ana huteno anage hu'ne, Jemisine mono nafuheina ama ana nanekea zamasmiho huteno atreno ru kumatega vu'ne.

Aposol 15:13

Ana nanekema huvgamaretageno, Jemisi'a anage huno kenona hu'ne, nafuhetma ke'ni'a antahiho,

Aposol 2:14

Hianagi Pita otino 11ni'a amage' nentaza naga'ane mani'neno, ranke huno zamasmino, tamagra Judia vahe'ene, miko Jerusale mani'namota ama huankea tamagesa anteta antahi ankereho.

Aposol 2:38

Hazageno, Pita'a zamagrikura anage hu'ne, tamagu'a rukrahe nehutma, Jisas Kraisi agifi mono tina frenkeno, kumi'timia apaseramante'na, ruotge Avamu'mofo museza tamagra erigahaze.

Aposol 20:8

Anagamu kino mareri'nea nomofo hunaraginte pinka rama'a rampe tvira manenegeta atrua hu'none.

Aposol 4:13

Anante'ma ana vahe'mo'za znagazana, Pitake Jonikea, kema ha'ana korera osake'za, zanagrira antahi ama hu'za, avonona osuke, nontega ne'tremoke Jisasi'enena mani'na'e hu'za antahi ama nehu'za tusi antri nehu'za, nankna'za fore nehie hu'naze.

Aposol 4:19

Hianagi Pitake Jonikea, anage huke ke nona zamire hu'na'e, Anumzamofo avurera knare, tmagri ke antahisupi, Anumzamofo ke antahigahu'e, tamagra tmi fako huta antahiho.

1 Korinti 15:7

Hanki anante Jemisinte ufore huteno, ete maka aposol nagate efore nehuno,

Galesia 1:19

Hianagi mago'a mono nenafugizmia ozmage'noanki, Ramofo negna Jemisinke ke'noe. (Apo 9:26-30, 11:29-30)

Galesia 2:9

Anumzamo'ma asunkuzama'areti nami'nea eri'zana, Jemisima, Pitama, Jonima zamagra mono erizamofona hagaza zafa mani'ne'za ke'ama nehu'za, Banabasine nagri'enena megi'a vahepi eri'za omerisu'egu magoka hurantageta megi'a vahepina vu'no'e. Hagi Jiu vahete zmagra eri'zana erisageta, tagra megi'a vahepi eri'zana erigahu'e.

Jemisi 1:1

Jemisi'na Anumzamofone Ranti Jisas Kraisi kazokzo eri'za ne'mo'na, 12fu'a naga'nofi'ma mopa atretma kokankokama umani emani hu'naza nagamotarega, ama avona kreneramue.

2 Joni 1:1

Nagra mono kva ne'mo'na, huhampri kante'nea a'mokane, mofavre'zga ka'ane nagrama tamage kemofoma navesima nentomo'na, (nagrakerompage, anahu kna hu'za tamage kema antahi'namo'zane tavesi neramantone).

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.