1 Timoti 5:15 - Kamano

¹⁵ Na'ankure mago'amo'za hago kana atre'za Sata nevririze.

Anumzamofo Routage Avantafere

¹⁵ Na'ankure mago'amo'za hago kana atre'za Sata nevaririze.

1 Timoti 5:15 Iomraidhean Croise

Matiu 4:10

Anante Jisasi'a agriku huno, Sataga manigno! Na'ankure Anumzamofo avontafepina anage hu'za krente'naze, Kagra Ra, Anumzanka'a Agrike krena renka monora huntegahane, nehunka Agri eri'za erintegahane hu'ne. (Diu-Kas 6:13)

1 Timoti 1:20

Ana agu'afina Haimenasi ene Aleksandake, e'inahu avamera hu'na'e. Ananku hu'na Sata azampi znante'noe, Sata'a kna nezanaminke'ne rempi huteke, Anumzamofo agi'a azanva kea huontesa'e hu'na hu'noe.

2 Timoti 1:15

Kagra antahi'nane maka Esia kaziga mani'naza vahe'mo'za natre'za uvu evuma hu'nazana, ana agu'afina Figelusi ene Hemogenesi'ke natrena'e.

2 Timoti 2:18

tamage naneke atre'ne hzagrena'a netremoke fri'zanpinti oti'zana hago fore hu'ne nehune, mago'a zamentintine vahera zamarimpa kna erinezmi'e.

2 Timoti 4:10

Na'ankure Demasi'a, ama mopafi zanku avenesigeno, nagrira natreno Tesalonaika kumate vu'ne. Kreseni'a Galesia kumate vigeno, Taitusi'a Dalmatia kumatega vu'ne.

2 Pita 2:2

Rama'a vahe'mo'za zmagra'a monkozamofo zmavesi'za nevaririsageno, anazanteku tamage kemofona huhaviza hunte'gahaze.

2 Pita 3:16

Ama anazankuma huno Polima maka avoma kre'nea avomofoma tagrama antahiama hu'zamo'a amuho hu'ne. Mago'amo'za ana kemofo rempi hu'za ontahiza, mnifatgo nosaza vahe'mo'za, ana nanekea ru agu'agesa rukrehe hu'za neramasamize. Zamagra anahukna hu'za mago'a avontafepi kenena erirukrehe nehu'za, zamagra'a kanazana zmavufare erigonefize.

1 Joni 2:19

Zamagra tagripinti tatre'za vu'naze, hianagi zamagra tagri naga tfana omani'naze. Na'ankure zamagrama tagri naga'ma mani'naresina, zamagra tagrane manizasine. Hu'neanagi zamagra atre'za tagripinti vu'naza zamo'a, taveri hiana, maka'mo'za tagri nagara omani'naze.

Revalesen-Hufo Hu'ne 12:9

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.