1 Timoti 4:12 - Kamano

¹² Atregeno mago vahe'mo'a nehza ne' mani'nane huno kagehenkamu otreno, hianagi zamentintima nehza nagatera avame zankna hunka keka'afine, kavu kvapine, zamesi zamante zane, kamentintifine, agru hu'zane, huzmeri hugahane.

Anumzamofo Routage Avantafere

¹² Atregeno mago vahe'mo'a nehaza ne' mani'nane huno kagehenkamu otreno, hianagi zamentintima nehaza nagatera avame zankna hunka keka'afine, kavukvapine, zamesi zamante zane, kamentintifine, agru hu'zane, huzmeri hugahane.

1 Timoti 4:12 Iomraidhean Croise

Matiu 18:10

Tamagra kva hiho, amana ne'onse mofavre nagara zmage fenka otreho. Na'ankure nagrama nermasmuana monafina zamagri ankeromo'za, mika zupa monafinka mni'nea Nenfa avugosa negaze.

1 Korinti 11:1

Nagrama Jisas Kraisi nege'na nevararuaza hutma nagri navu'nava negeta avaririho.

Filipai 4:8

Vgare nanekea nafuhetane nasarhetma maka knafina tamavutamavama hanazana, na'amo tamage zana me'ne, na'ante vahe'mo'a antahi nemie, na'amo fatgoa hu'ne, na'amo avu sese hu'ne, na'amo vahe'mofona asane hugahie. Na'amo agi'a erisaga hugahie. So'e zantfama me'neniane, husga hunte'zama me'nesiana, anazante antahintahi nehutma hampona hutma maniho.

1 Tesalonaika 1:6

Tamagranena, tagrama nehunaza tavaririta nehuta, Ramo'ma nehiankna nehutma, tamagra Anumzamofo naneke e'nerizageno, rama'a knazana neramizanagi, Ruotge Avamumo tamazeri otigetma muse nehaze.

1 Tesalonaika 2:10

Tamagra antahinazageno, Anumzamo'enena tamamentintima Kraisintema nehaza nagamotare'ma hunona ruotage tavutavara, tageno antahino hu'ne. Tagra fatgo tavutavara Anumzamofo avufi nehuta, havi tavutavazana osu'none.

1 Timoti 1:14

Ra Anumzamofo asunku zamo'a agtereno avite'ne, amentintine avesizanemo'a Krais Jisasimpi me'negeta negone.

2 Timoti 2:15

Eri'zanka'a kazigzi hunka e'nerigeno, Anumzamo negageno erizanka'agu muse hunegantena, kagazegura osugahane. Ana nehinkenka tamage naneke'a hufatgo hunka huama hugahane.

2 Timoti 2:22

Menia kahefa vahe'mo'za kefo avu'avazanku zamagesa nentahizankna osunka atrenka fro, fatgo zamofo nevaririnka, kmentinti nehunka, vaheku kvesinezmantenka fru hunka manio. Iza'o fatgo huno nemnino, Ra Anumzamofo agihanta nevzisia vahe'ene manio.

2 Timoti 2:7

Negasmua naneke antahi ani' huo, Ra Anumzamo ana kemofo agafa'a hunegasmina, hakare zana antahigahane.

Taitus 2:15

Mika'zana kagripi hampo'na huno me'neanki rempi hunezminka, hampo'na tinka nezmasminka, zamazeri fatgo nehuge'za, kagrikura amne vahere hu'za osiho.

Taitus 2:7

Hakare'zama hanampina knare avu'ava huzamio. Huzameri hanampina zokago vakago osunka tamage ke'age nehunka,

Jemisi 3:13

Aza amu'nontamifintira ama antahintahine mika zampima anihu vahera mani'ne? Ana knare antahintahi'a atrenkeno knare erizama'amoki, avufa anteramino mni avu'ava zamo, erinte ama hino.

Jemisi 3:17

Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

1 Pita 5:3

Tamagri kvafima mni'naza vahetera, ra vahe mni'nonankita kegva huzmantegahune hutma ana vahekura osiho. Hianagi knare tamavutmavaza huzmaveri nehinke'za nege'za, tamavaririho.