1 Timoti 1:3 - Kamano

³ Masedonia katre'na vunaku nehu'na, nagra tutu hugante'noe, Efesas mani'nenka havi mono huku hanaza nagara, anara osiho hunka nezmasminka,

Anumzamofo Routage Avantafere

³ Hagi Masedonia katre'na vunaku nehu'na, nagra tutu hugante'noe. Efesasi mani'nenka havi mono huku hanaza nagara, anara osiho hunka nezmasminka,

1 Timoti 1:3 Iomraidhean Croise

Aposol 18:19

Efesasi uhanatite'za, anante Poli'a Prisila'ne, Akuilagizni'a ome nezanetreno, agra osi mono nompi umarerino, Jiu vahe'ene naneke hugantugma hu'za antahi'naze.

Aposol 18:21

Hianagi hufru hunezmanteno anage hu'ne, Anumzamofo avesi'zama me'nenige'na, ete'na tamagritega egahue. Anage nehuno Efesasiti'ma votifi,

Romu 15:26

Na'ankure Masedonia kumateti ene Akaia kumateti mono kevu'mo'za muse hu'za Jerusale kumate mono kevumokizmi amu'nozmifi, zamunte omne nagamokizmi zgo eritru hazagena erina nevue.

Romu 16:17

Nafu nagnahete, hankavetina ama kea neramasamue, Amu'notamifima atane'zama avrenente'za, koma rempi huramigeta antahi'naza ke'ma, havigeretima eme rempi huramiza tamentintima eri kragogo negiza vahekura, kva hunetma mani kore hutma ogantu'a maniho.

2 Korinti 11:4

Tagra Jisasi naneke nermasamunketma nentahitma, Ruotge Avamura e'nerita nanekema tamasamunana antahi rami'naze. Hianagi tamagra atrazageno ru vahe'mo'za ne-eza, ru mago Jisasi nanekene, ru Avamumofo naneke nermasmigeta, nentahita fru hutma ana nanekemofo amage nentaze.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

Filipai 2:24

Nagra, Ramofonte nagu'a nentoe (trast), osi'a knafi tamagrira eme tamagenaku nagra nagesa nentahue.

1 Timoti 4:11

Menima negasmua kea huankerenka huzamige'za amage anteho.

1 Timoti 4:6

Ama kema monopi mani'naza kafuhe'ima zamasmisunka, kagra Krais Jisasi knare eri'za ne' nemninka, hanavetinka hakare zupa kamentintifine, mono kemofo nehunka, amage'ma nentampina hagegahane.

1 Timoti 5:7

Vahe tmina ama naneke zamasmige'za avaririho, e'ina hananke'za mago'amo'za ke huzmante kanku hakegahaze.

1 Timoti 6:10

Zgogu avesi avesihu avu'avazamo'a maka havi avu'avazamofo agafa'e. Mago'a vahe'mo'za zgogu nehakre'za zamentinti atre'za afete nevzageno, zamasuzamo mani'za zamifina agonazamo kota zmahea kna nehie.

1 Timoti 6:17

Ama mopafi feno vahe mani'naza vahera huzamasmige'za, ana fenozantera zamufa ra osu'za, ana fenozantera zamentinti osiho, hianagi Anumzamofonte zamentinti hiho, Agrama maka'zama tmigeta eneruna'zanku huta muse hugahune.

1 Timoti 6:3

Hanki mago'a vahe'mo havige naneke nehnigeno, Ranti Jisas Kraisi nanekene, mago'zahu nosnigenka, e'inahu nanekemo'a knare Anumzamofo avu'ava enena trago'otene,

2 Timoti 1:18

Onesiforusina anama hu'nerera, Kraisi'ma esnia zupa Ra Anumzamo asuntaginteno aza hanie. Hanki nama'a zupo agra nazama hiana, Efesasi kumatera kagra ke'nane.

2 Joni 1:7

Na'ankure havige hu'za zamagrarega zamavrente vahera rama'a kokankoka vano nehazankino, Jisasi'a tazahu ne' Kraisikino mopafi avufa erino e'ne huno huama osanimo'a, ana nera havige ne' agrarega zamaretre ne'kino, havige kraisi'e!

Revalesen-Hufo Hu'ne 2:14

Hianagi Nagra osiazanku kea kagrikura huza hue, na'ankure mago'amo'za Baramu'ma rempima Barakima humino, Israeli vahema kumi hihogu zmazeri trakama hukema huno, havi anumzante kre sramna vuntenaza ne'za nene'za, monko avu'avazama hihoguma hu'neazana kagra antahinane.

Revalesen-Hufo Hu'ne 2:20

Hianagi Nagra anage hu'na hanaveti'na keaga hugantegahue. Jesebelina kasnampa a' mni'noe nehia ara atrankeno, kagrane mani'neno, kazokazo eriza vaheni'a rempi hunezamino, zmavreno havi kante nevige'za, monko avu'avazana nehu'za, havi anumzante kresramna vunte'nea ne'zana ne'naze.