1 Pita 2:1 - Kamano

¹ E'ina hu'negu tamagra vahe'ma azeri havizahu avu'avazane, havige hu'zane, tavrenke hu'zane, kenunu hu avu'avazane, vahe'mofo amefi ke hu'zana netretma,

Anumzamofo Routage Avantafere

¹ Hagi e'ina hu'negu tamagra vahe'ma azeri havizahu avu'avazane, havige hu'zane, tavrenke hu'zane, kenunu hu avu'ava'zane, vahe'mofo amefi ke hu'zana netretma,

1 Pita 2:1 Iomraidhean Croise

Proveps-Knare Nomaniza 14:30

Vahe'mo'ma rimpama ante fru hunoma mani'zamo'a, avufgamofona asimu amigahie. Hianagi rumofo zante'ma kesanema nehanimofona, ana avu'avamo'a zaferinafi namureno kasriankna hugahie.

Proveps-Knare Nomaniza 24:1

Havi vahe'mo'ma hania avu'ava zankura kegasane huge, ana vahe'enema tragotenka mani'zankura, kagesa ontahitfa huo.

Proveps-Knare Nomaniza 24:19

Kefo vahe'mofo avu'avakura korera hunka antahintahi hakare nosunka, ana havi zamavu zamavakura kegasanea osuo.

Proveps-Knare Nomaniza 3:31

Hazenkema hanaza vahe'mokizmi zamavu'zmavakura kegasane nosunka, zamagrama hanaza zamavu'zmavara osuo.

Matiu 15:7

Tamagra tavre vahere, Aisaia'ma kasnampa kema hunte'neana tmagriku tamage hu'ne,

Matiu 23:28

E'inahu kante amega'a vahe zamurera tamagra fatgo huta mni'none nehaze. Hianagi tmagu'afinka tavrema huzamo'ene tra ke amage osu'zamo avite'ne.

Matiu 24:51

aheno rutnerare huteno, huntenkeno tavre vahe'mofo kumapi umanigahie. Ana kumate zavike nehuno, ave' aninkreki hugahie.

Matiu 7:5

Kagra tavre vahere, esera ra zafa ranpama kavufi me'neazana eriatrenka kavua keama hutenka, ete negafu avufi me'nea osi'zana eri atregahane.

Maki 12:15

Hianagi krunage haza nezamageno, anage huno zmasami'ne, na'a higetma Nagrira renahetma negaze? mago zagoa eritma enkena kaneno,

Luku 11:44

Tamagra Kva hiho! Fri vahe'mokizmi keri refiteankna huta mni'nage'za, vahe'mo'za ana agofetu ontahiza vano nehaze.

Luku 12:1

Anama nehazage'za mika veamo'za emeritru nehazageno, rama'a tauseni'a vahe'mo'za titipa hu'za zamagiareti orentrako arentrako hu'naze. Pusantera Jisasi'a rukrehe huno, amage' nentaza disaipol naga'a zamavumro ante'ne, Farisi vahe zamuzmakura havige vaheki kva hiho.

Luku 6:42

Nankna hunka negafunkura, nenafuo osasi'za kavufi me'neana natregena eri atraneno nehunka, tusi'a zafa kofa kavufi me'neana ke so'e nosano? Kagra tavre vahe mni'nane! Ese'zana tusi'a zafa kofa kavufi me'neana eri atrenka, kavua ke so'e nehunka, osi kugusopa negafu avufi me'neana eritregahane.

Joni 1:47

Natanieli Agritega ne-egeno Jisasi'a negeno amanage hu'ne, keho, tmage Israeli vahere, agu'afina havige hu'zana omne'ne!

Romu 1:29

Zamagripina hakare havi kefo avu'ava zamo'a avitege'za, kefo zmuzma nehu'za, veva osu agraguke antahizane, vahe'mofo avesi onte'zama, antahi mugizama, vahe ahefri'zama, ke ha' huza kanive oreare huzama, krunage hu'zama, vahe'mofo fruge huonte'zama, vahe'mofo amefi ke hu'zane,

1 Korinti 14:20

Nenafugatane nasarehetma, osi mofavregna huta antahintahia osiho, havi avu'ava huzankura aminte mofavre'gna hiho. Hagi antahintahi tamifina ra vahe kna huta maniho.

1 Korinti 5:8

Ana hu'negu ana knare'ma muse hanunana, korapa zistima ante'nea bretia, kumi ene havi avu'avateti nosune. Hianagi ana knare musema hanunana, zo'ore bretia, e'i tamage kene, tamage avu'avateti ene musena hugahune.

2 Korinti 12:20

Na'ankure nagri'ma namnomavaziana esua zupa nagrima naveosi nesiazama tamagripima eme nege'na tamave'osinesizama huzankure. Nagri'ma namnovaziana, tamagripima eme neramege'na, amunontamifi ke ha' huzama, kanive rezama, arimpa hezama, atanezama, havige ohunte ahunte huzama, ogenke agenke huzama, veganokno huzama, manifatgo osuno makaza erisavri hu avu'avazanku nehue.

Efesasi 4:31

Rimpa hevava hu'zane, maka rimpa haviza huno ha' hu'zane, rimpa he'zane, rankege hu'zane, vahe zamefi'a ke hu'zana netretma, maka vahe kna zami'zana atreho.

1 Tesalonaika 2:3

Tagrira oku'a antahintahitia omnene, tamagri'ma tagrarega tamavrenenteta, havige huta reramatga nosune.

1 Timoti 3:11

A'ne zamimo'zanena anahu kna hu'za knare hu'za nemni'za, vahe zamefi'a ke osu'za, knare avu'ava hu'za fatgo zanke hakareza hanafina nehnage'za antahi zamigahaze.

Taitus 2:3

Ana zanke hunka ranra a'ne rempi huzamige'za, mikaza hanafina Anumzamofo agorga mani'ne'za, vahe agenke osu' aka timo'a zamazeri havia osnige'za knare'za rempi huzamiho.

Hibru 12:1

E'i ana hu'negu korapama Anumzamofontema zamentintima hu'naza vahe'moza, hamponkna hu'za regagirantenazagu, tazeri knama nehia zane, kumimo'enema rugagino tazeneria zana netreta, Anumzamo'ma tagima hu'nea agamareno tragi zokagopina tagareta kazigazi huta vanune.

Jemisi 1:21

E'ina hu'negu mika agru osu avu'avazana erinetreta, tamagu'afima kefo avu'avazama me'nesiana erinetretma, anteramitma, tamagu tamema tamaguma vazisia nanekema Anumzamo'ma tamagu'afima hankre'neana eriho.

Jemisi 3:14

Hianagi vahe'mofoma antahimugi ante'zamo'ene kagraguke antahizamo kagu'afi mevitenenigenka, kavufga mreri kavukvatetira tamage kemofo eri amnezanknara osuo.

Jemisi 4:11

Nafuhetma, huhaviza ohunte ahunte osiho. Iza'o nefuma huhaviza huntege refakoma huntesimo'a, agra kasegemofo huhaviza nehuno, refako nehie. Kasegema refako'ma hananana, kasegea amage nontananki, kasege refako hu vahe nemanine.

Jemisi 4:5

Avontafemo'a anage hu'neana, amne ke hu'nefi? Anumzamo'ma Avamu'ama tagu'afi antegeno mani'neana, Agri agorga manisiegu avenesie. E'ina'ma osigeno'a rimpagna nemie.

Jemisi 5:9

Nafuhetane nasarahetanena, keaga refkohu trate otisageno refako huramantegahianki amu'nontamifina ha' orente arente osiho. Refako hu nera kafante otine!

1 Pita 2:16

Kina vahera omi'nazanki, fru huta mni'nagu, fru huta mni'none nehutma, ana fru tamavutamava zampina antegafita, kefo avu'avazana osutma, Anumzamofo kazokzo eriza vahe maniho.

1 Pita 2:22

Agra kumira osuno, mago havigea agipintira osu'ne. (Ais 53:9)

1 Pita 3:10

Iza'o knare hu'na manisue huno agesa nentahino, knare knama kesiazanku'ma avesintesimo'a, kefo kema huzankura agefuna kegva nehuno, agipintima havige huzankura kva hino.

1 Pita 4:2

Anahukna huno ama avufganema mni'nenuno'a, vahe'mofo havi avesizampina ovugahianki, Anumzamofo avesizampi vugahie.

1 Pita 4:4

Menina korapa arone timimo'za havi tamavutamavara nosazage'za neramage'za, nahige'za tagranena vano nosaze hu'za antri nehu'za, tmazeri haviza huke nehaze.

Revalesen-Hufo Hu'ne 14:5

Hagi ana vahe'mofo zmagipina havigea omnetfa higeno, hazenkezmia omne vahe zmagra mni'naze.