1 Pita 1:1 - Kamano

¹ Nagra Pita'na Jisas Kraisi aposol ne'mo'na, Anumzamo'ma huhampri tamente'nea nagamotma, mopatmi atretma panini hutma Pontusi kazigane, Galesia kazigane, Kapodosia kazigane, Esia kazigane, Bitinia kazigama fretma vu'naza nagamotarega ama avona kreneramue.

Anumzamofo Routage Avantafere

¹ Hagi nagra Pita'na Jisas Kraisi aposol ne'mo'na, Anumzamo'ma huhampri tamente'nea naga'motma, mopatmi atretma panini hutma Pontusi kazigane, Galesia kazigane, Kapodosia kazigane, Esia kazigane, Bitinia kazigama fretma vu'naza naga'motarega ama avona kreneramue.

1 Pita 1:1 Iomraidhean Croise

Matiu 10:2

Ana 12fu'a aposol naga'mokizmi zamagi'a ama'ne, Pusana, Saimoni'e (Pita'e huza nehaze) Andru'e agri negna'e, Jemisi'e Zebeti nemofo Joni nefu'e.

Matiu 24:22

Hanki ana knamo atupama osanigeno'a, magomo'e huno omanigahie. Hu'neanagi huhampri zmante'nea vaheku huno knamofona eritupa hugahie.

Matiu 4:18

Galili tiru ankenarega nevuno, Agra tare kogna ome znage'ne, Saimoni'e, mago agi'a Pita'e, hagi negna'a Endru'e. Znagra nozame kuko tirupi atre'na'e, na'ankure znagra nozame zante netrenki'ne ana hu'na'e.

Luku 18:7

Hanki Anumzamo'ma huhampri zmantenea vahe'mo'za, hanine zgene antahigevava nehnageno'a, zmasuragizmanteno zavikezmia ontahigahio?

Joni 11:52

Nehuno Jiu kuma vaheke Agra zamaza osugahie, e'inama hanuno'a hazagre'za vu'za e'za hu'naza vahera zamazeri mago hanige'za Anumzamofo mofavre manigahaze.

Joni 7:35

Jiu kva vahe'mo'za zamagra zamagra ke hugantu hugma nehu'za anage hu'naze, Inantega Agra vnigeta Agrira onkeku hunkeno nehie? Agra tatreno Jiu vahe'mo'za Griki umani'naza vahe ene, Griki vahe rempi huzamiku Jisasi'a nehio?

Aposol 18:2

Anantega mago Jiu ne' ome keno erifore hu'neana, Pontusi kasente'naza ne' agi'a Akuila'e, mensin'tfa nenaro Prisila ene Italiti ena'e. Na'ankure Sisa Klaodiasi'a mika Jiu vahe'ma Romu nemani'za vahera atretma viho huno huzmantegeno Poli'a zanagri ome zanage'ne.

Aposol 18:23

Antioku'ma mago'a knama maniteno, ana kumara atreno mago'mago kumate Galasiane Fezianena vano huno Jisasi amage nentaza disaipol nagara zamazeri hampo'na hu'ne.

Aposol 19:10

Amanahu'zana tare kafufi fore huno vu'ne, tarega Jiu vahe'ene Griki vahe'ma Esia provinsifi nemani'za vahe'mo'za Ramofo naneke antahi'sazegu anahura hu'ne.

Aposol 6:9

Hianagi mago'a vene'nezga, Hibru osi mono nona (Sinagog) vahe zamazeri atre monore nehazafinti Sairini kumate'ene Aleksandria kumate'ene, mago'a Silisiane, Esia rankuma'mo kegva hu'nefinti (provins) vahe'mo'za oti'za Stiveni keha rente'naze.

Aposol 8:4

Anante e'ima zamahe pananima hige'za fre'naza vahe'mo'za, maka kumate kumate vutere hu'za mono kea hu'naze.

1 Korinti 16:19

Esia kaziga mani'naza mono naga'mo'za muse ke atrermantaze. Akuira ene Prisila ene noznifima nemniza mono nagamo'zanena anahukna hu'za zmagu'areti musenkea atrenermantaze.

2 Korinti 1:8

Nenfutane nasarehetanena antahigahaze, Esia kaziga kumapina knazampi ufre'nonana, ana kna'zamo'a tazerino arentakro nehuno, tagri hanavea tazeri agateregeta, ana knazana eriga osuta hago nefrumpi huta antahi'none.

Galesia 1:2

maka nagrane mni'naza nafuhezanena, Galesia mani'naza mono nagamotarega musenkea atreneramantone.

Efesasi 2:12

Tamagra tamagesa antahi ani hiho, tamagra e'i ana knarera Kraisina afe'are mani'nazane, Israeli vahe krerafane omani'nazane, huvempa huno huhagerafi zamante'nea agu'afina omani'nazane, so'e mani'zama eri kankamu tamia omanegeno, tamagri Anumzana mopafina omani'neane.

Efesasi 2:19

E'i zanku tamagra menina megi'a vahe'mota, emani vahe knara osu'naze. Hianagi tamagra Anumzamofo naga'ene noma'afi nemanize.

2 Timoti 1:15

Kagra antahi'nane maka Esia kaziga mani'naza vahe'mo'za natre'za uvu evuma hu'nazana, ana agu'afina Figelusi ene Hemogenesi'ke natrena'e.

Hibru 11:13

Ama ana miko vahe'ma fri'nazana, huvempama huzmante'neazana e'orine'za fri'nazanagi, zamagra zmentinti nehu'za, afete'ma ne-eazama kenaza zankura muse nehu'za, ruregati zoka vahekna hu'za emani'naze.

Jemisi 1:1

Jemisi'na Anumzamofone Ranti Jisas Kraisi kazokzo eri'za ne'mo'na, 12fu'a naga'nofi'ma mopa atretma kokankokama umani emani hu'naza nagamotarega, ama avona kreneramue.

1 Pita 2:11

Navesima neramantoa nenafugta, tamagra zoka vahe mopazmi omne vahekna hutma ama mopafina mni'naze. E'ina hu'negu, tamavufamofo havi avesizamo'ma ha'ma reneramantea zampina uofreho hu'na nagra huneramasamue.

2 Pita 1:1

Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

Revalesen-Hufo Hu'ne 1:11

Amama kana zantamina avontafe krenka, 7ni'a kumate me'nea mono nontaminte atregeno vino. Efesasima, Smenama, Pegamamima, Taitariama, Sadisima, Fildafiama, Ledosiama hunka krezamio.